Witejcie,
13.12.2006 

Zdjyncia i komyntarz AF.Chwila


Prziszelech przed Chwilom ze spotkanio ze Janoschym. Dostol lon we Stuttgarcie nagroda  medialno im.Hansa Bauscha. ( to taki chop co byl 30 lot szefym tutejszego RTV). Szlo sie przed oficjalnym wrynczyniym s nim pogodac (co widac na jednyj ze fotek) .  Janosch mo wlasciwie "w zici"  take fajery ale nagrody zawsze weznie rod. Prawie wszyscy byli we ancugach ich myslol ze ino jo, we cwitrze - byda nojgorzij lobleczony. Ale byl jeszcze jedyn - Janosch. Fajny, luzny chop w galotach bez bigilfaltow a nawet pedziolbych poskurczanych.
A mie sie pyto czy jo tyz ze Zobrzo ( widocznie mu sie przodzi ftos tak przedstawil) . Jo padom co niy ale z Katowic. A lon godo - zarozech poznol. Pytom sie: po czym, po smiychu ? a lon godo - niy po szakiecie (kieregoch ni miol).
Jak juz mu ta nagroda dali to musiol tyz cos pedziec. I pedziol ze mo dwie dobre wiadomosci. Piyrszo ze dostol ta nagroda, a drugo ze niy trza bydzie go suchac bo nic niy bydzie godol i skonczyl.  Tym we ancugach i bindrach sie to chyba niy podobalo a jo se pomyslol: fajny chop i trocha slonski soron - bo chyba nawet niy podziynkowol.   Coby to sprawdzic - czy podziynkowol czy niy - to trza we pyndzialek lobejrzec SWR 3.  Lo 23.15 bydzie nadowane to co dzisiej bylo we studiu.

AF.Chwila