Toz tak ungefer na pojszczodku zielonygo bagna bieli se z daleka malou kapliczka poswiynconou Matce Boski. Stoi uona nad cudownym zrodolkym. Dryny przed uoltourzym je studzionka przikrytou metalowom przikrywom. Podug legyndy woda z tygo zrodolka mou moc uzdrouwianiou.

Dziolo se to w douwnych czasach, kedy jeszcze dochtory nie poradziyli siyla pomoc na wiela chorob. Toz ludzie musieli se lyczyc wiarom i nadziejom. Gougolin noulezol w ti czajsie do groufow de Gaschin z Zyrowy. Mieli uoni bodejs niewidomou dziouszka. Zoudyn dochtor nie wiedziol se rady, jak prziwrocic ji wzrok. Groufom nie uostalo juz nic inkszygo, jyno rzykac. Potyn groufka miala snik, ze na bagnach bije cudowny zrodolko i tam mou pojechac ze swojom cerom. Jak przemyje ji uoczka wodom z tygo zrodolka, to dziouszka baje widziec. Groufka zrobiyla, jak bylo we sniku. Wezla ze soba cera i pojechaly na drugi dziyn na bagno. Przemyly uoczy wodom i stol se cud. Malou zaczla widziec. W podziynce za cudowny uzdrowiyniy groufy de Gaschin dali postawic na tym placu kapliczka. Bezmajs bylo to w 1801 r. Inkszo legynda zajs goudala, ze wodom z tygo zrodolka ulyczono rany, co nie chcialy se goic na ciele bajtla - tyz od groufow.

Legynda legyndom, a prouda je takou, ze ludzie uwierzyli w moc ty wody. Ta wiara trwala przez dwiesta lout. Pamiyntom z dziecinstwa, jak ouma se przemywala uoczy tom wodom. A my ta woda piyli i nigdy nom nie zaszkodziyla.

A we Wieli Piontek wczas rano trza bylo jechac do kapliczki po woda, a potyn na pamiontka, jak Pana Jezusa wciepli do Cedronu, trza bylo se umyc w ti lodowati wodzie, do tygo jeszcze na dworze, ranki i gymba. To bol zwyczaj, chtorygo jako bajtel, nie mialach rada. Terazki ani nie wia, czy chtojs tyn zwyczaj jeszcze kultywuje. Jak brachlo starszich ludzi, a modzi lazom do robotow abo tyz robiom w Niymcach i Holandii, i do dom jyno na wochenende przijyzdzajom, to juz niy ma za bardzo kedy kultywowac tygo starygo slonskygo zwyczaju.

Jednak kapliczka stoi dali. Przez dugy lata flejgowala jom pani Regina Wicher z Karlubca, a terazki dbajom o nia Krystyna i Gerhard Polanscy z Gougolina. Na poczontku lat 90. XX wieku zaczla se tu z inicjatywy ks. Joachima Piecucha nowou tradycja - tradycja majowek. W kozdou niedziela maja, chocby lolo i rzgmialo, spotykajom se przi kapliczce ludzie z caly uokolicy na nabozynstwie majowym.

Karlubiec, 13.01.2006

Ania