Rajzy do Rajchu
A.K. 19.01.2006

Witom!
Zajs sniyg suje. Mom rada zima, ale juz nie ma kaj sniega wyciepowac.
Podobalo mi se opowiadaniy o rajzie cugym do Niymiec.

Jak bylach blank malo, chcialach wyjechac do Niymiec, na chtore se wtedy goudalo Rajch. Przyjyzdzala do nous na bezuch siostra od moji oumy i zawsze goudala, ze mie wejznie ze soba mit. Jo se nasuchala siyla opowiejsci, jak tam je fajnie, poza tym ciotkowy niymiecky szokolady i miski Haribo tyz mi fest smakowaly, toz nie trza mi bylo dwa razy goudac. 
Jak juz prziszol tyn czas, kedy ciotka miala wyjyzdzac nazoud do Rajchu, wycionglach plastikowi koferek po niymieckich zaftach. Spakowalach do niygo swojy wszysky noufajniejszy klejdziki. Wezlach mojygo misia bez ucha pod pacha i bylach fertich do wyjazdu. Nie zawoudzalo mi to, ze pojada bez mamy i ojca, tak chcialach wtedy jechac z ciotka do tygo Rajchu. 
Jednak spotkalo mie wiely rozczarowaniy. Ciotka pedziala, ze niy moze mie wejz ze soba, bo niy mom paszportu. Bylach za malo, zeby to spokopic. Wezlach i se rozbeczalach. Mama dugo nie poradziyla mie uspokoic.
Potyn mi Rajch przeszol na duge lata. Piyrszi roz pojechalach tam dopiyro w 1999 roku. I uwierzcie mi, tyz se rozczarowalach. Naiwnie se myjslach, ze tam wonio kafejym i szokolada, a po drodze lazom Bajerouki i Bajerouczki w bajerowskich strojach i w ogole, ze je tam idealnie. 
Przijechali my na miejscy nieskoro w nocy, to jeszcze nie mialach zoudnich wrazyn. Ale zarouz rano z balkonu widzialach, jak po dworku lajziyli Murzini. Potyn w drodze do ubany widzialach kupa Turkow i jejich zababukany w chustach kobiyty. Niy mom nic przeciw tym ludziom, chca jyno przez to pedziec, ze moj obrouzek z dziecinstwa o Niymcach jako landzie i o Bajeroukach se poleku rozlatowol. Bo szlo spotkac tam wszysky nacjy i slyszec rozmajty jynzyki, ale Bajeroukow w lejderhouzach nie bylo. 
Malo tygo, w realu paskudnie smierdzialo, a jo przeca chciala kafej i szokolada woniac. 
Tak czy inaczi calou ta rajza wspominom bardzo dobrze. Miasto bardzo mi se spodobalo. Mom dlo niygo wieli syntymynt. Durch do niygo wrocom, bylach tam juz sztyry razy. W ogole bylo bardzo smiysznie i wesolo. A jak wyjyzdzalach po dwoch tydniach do dom, to wiycie kogo widzialach z okna autobusa? Piyrszygo Bajerouka w lejderhouzach, stol na przistanku. Jakojs tak lzi mi se zrobiylo. Moglach spokojnie jechac do dom. 

Pozdrawiom

Ania