"Popolski Show"
04.02.2009

Dostol zech plac sam u "slonzokow" coby dac riposta dlo "wieczoru slaskiego" na artykul:

http://www.wieczorslaski.pl/index.php?option=com_content&task=view&id=258&Itemid=1

Ja, to mo byc riposta, do tego coscie naszkryflali lo "Popolski Show" i wkurzaniu sie Polokow eli Slonzokow skiz tego szlagra. Piyrszy roz zech loboczyl Popolski Show na WDR na swiynta wielkanocne 2008, wciepli we trzi dni trzi tajle na synder. Powiym Wom, zech malo co z szeslonga niy sleciol jak zech ich uwidziol. Karlusy i dziolchy nabijajom sie z nos slonzokow! Pijom gorzolka i spiywajom ku tymu! Pierony dioseckie! Ale jo niy mom nic przeciw! Czymu niy! Na slonsku sie niy pilo gorzolki i niy spiywalo? Dyc ze tak bylo! Kaj kwarytki chopy mieli pochowane we ancugach abo kaj sie halby na gyburtstakach lobolalo, jak niy u nos? Moj opa poradzil na stolku z babami tancowac, smiechu bylo we trzi miechy! Beztoz momy sie gorszyc? Ze robiom dlo Slonska werbung eli reklama? Za darmo? To trza byc gupim coby lo trocha wica i smiychu sie soroniym robic! Slonzoki niy som swiynte, kozdy, eli tak dobrze wejrzec, mo jakies swoje 3 grzychy za kolkastlom, egal coby paluchym na goroli, slonzokow, bayerokow abo ruskich pokozac. Cos mi sie zdaje, ze to Poloki szum lo tyn kabaret robiom, bo to je cheba swiynty narod wybrany, Poloka niy wolno lobrazic, je w sztandzie sie zesrac i mozno wojna kartoflano wypowiedziec. Wiycie dobrze kogo mom na mysli, ale sie daruja to sam napisac. Ale Polok lubi sie zato z inkszych posmioc, malo je wicow lo szkopach, lo ruskich, lo zydach? Wtynczos wszystko gro, pra? Z inkszyj beczki, padocie sam, co niymce niy umiom sie z siebie smioc? Wejrzijcie sie ino na WDR "Mitternachtspitzen", abo na ZDF "Neues aus der Anstalt" abo na BR "Scheibenwischer" (kiery prowadzi Slonzok juz mocka lot!). Kabaret az sie patrzy i wysmiewajom siebie, niymcow, politykow (tyz pani Merkel) abo papiyza. Nikt sie niy lobuzo ani niy robi auflaufu. Niy wiym eli we tolerancyjnyj Polsce wice lo papiezu by mogly byc puszczane. Jo jedne wiym, byda Popolski Show loglondol, som z siebie sie smiol i zyca im "alles Gute". Mom nadzieja ze mocka slonzokow tyz tak to widzi jak jo.

Ojdyr