"Radio Erewan"
04.02.2009

To je riposta dlo "wieczoru slaskiego" na artykul

http://www.wieczorslaski.pl/index.php?option=com_content&task=view&id=260&Itemid=1

Znocie Radio Erewan? Ja? Te radio mi sie wspomnialo jak zech czytol sam artykul "Polska siedliskiem korupcji?".

Radio Erewan zowdy padalo "im Prinzip ja, aber..." - "wlasciwie sie zgodzo, ale" - tak zech lodebrol syns tego artykulu. Mo sie rozumiec ze Polska mo problym ze korupcjom ale niemcy majom jesce wiynkszy! Nic niy szkodzi ze we tabulce pora pozycji nad Polska stoja, to sie niy licy, bo przeca Bundestag to i tamto. Czyli radio Erewan. Powiedzcie mi, bo mozno to jo je gupi, kiere panstwo to je, kaj kozdy policmajster lapowa biere, kaj sie do lykorza bez koperty niy dostaniesz? Skond sie biere powiydzenie "na lepsze"? Mozno to sie z niemiec wywodzi? Widziol fto coby w niemcach policmajster lapowa wzion? Nikt na tyn pomysl ani niy wpadnie coby mu cos wcis! A u lykorza som w niymcach lotwarte szuflody do wciepowania kopertow? Powiym wiyncyj, Siemens zaplacil tera wielgo sztrofa, bo przekupiali przetergi na colkim swiecie. Prziznali sie do tego, sztrofa je zaplacono a pieronem wartko zalozyli abtajlung kaj bydom wszystkie transakje przeswietlone czy ino kajs do przekupstwa niy doszlo! Slyszeliscie w Polsce lo takim ewenymencie? To je prawatno firma a nie zodyn urzad! A co je ze Telekom i Deutsche Bahn? Lostatnie dwa lata swoich ludzi brali pod lupa czy ftos lapowek nie biere abo niy dowo, coby wygrac jaki przetorg. A co je we Polsce? Jak chcesz wygrac przetorg lod lod startu dolicz sie chopie 10% lapowy bo niy wygrosz! I co, to niy je to Radio Erewan? Z inkszyj beczki, jo som sie pytom czymu "Stefanki" i inksze pierdoly sam w tych niymcach siedzom jak im tak zle? Pociskajom gupoty po forach internetowych i plujom na niemcy. Jakby ino chcieli na prowda cos sam zmienic, mogli by do wyborow komunalnych startowac (kozdy fto mo meldunek w niemcach moze wybierac i byc wybieranym we wyborach komunalnych, egal jakiej masci sie je) i pokozac co umiom i sie starac coby sam co zmiynic. No ale to ino we gymbie je mocne i fertik. Szkoda godki, takich "Stefankow" to jo juz poznol w pierony, jak przindzie co do czego to ze skulonym logonym pitajom. Co prowda Poloki niy mogom jesce w niymcach na "biolo" robic, ale na szwarc je dosc roboty a co jedyn bardzij wyzgierny zaklodo dupno firma jednoosobowo kafelkowo abo sprzontanie i jadom na tym wozku. Niy mom nic przeciw tymu, ale niych niy piszom gupot jak im sam zle, bo mozno muszom podatek zaplacic. Na koniec powiym Wom jak to moj kolega slonzok juz latami dlo biura konstrukcyjnego robi, tera niydowno bez "Entsendegesetz" (jak firma mo siedziba we Polsce i mo filiala w Niymcach to mogom ludzi do Niymiec do roboty wyslac) przijechalo pora swiyzo upiyczonych insztalatorow, przepraszom inszynierow ze warszawy i piyrsze to podlizywanie u szefa, pouczanie starych wygow i "szarogynszenie sie". Skond my to znomy, pra?

Ojdyr