Fto my som???
Hasok 13.03.2006

Tak sie prziglondom wszystkim, przisuchuja sie tyz mojim krewnym i tymu co sie czasami w gazetach naczytom.
Zawsze kedys przichodzi take pytanie fto jo je, fto my som.
Mom tu na mysli slonsk i slonzokow.
Niy ma chyba u nos rodziny, w kery by z jednego lojca i z jedny matki, co to na poczontku yno slonzokami byli, nie staly sie slonzoki dwoch narodowosci.
Slonzok polski i slonzok niymiecki.
W kozdym przypadku wystympuje jednak slowo slonzok.
Som tyz i niymcy , jako narodowosc miyszkajonco na slonsku. Som i poloki miyszkajonce na slonsku.
Widzicie te inne to som okryslone. Som to mniejszosci narodowe miyszkajonce na slonsku.
A co som my??
W jedny rodzinie slonzoki , slonzoki niymieckie, slonzoki polskie, niymcy i poloki.
Fto my richtig som?
Trzeba by sie tukej spytac . Czymu to tak je, ze brat z bratym czujom sie kim innym?
My nigdy niy mieli wolnego slonska. Slonski ojczyzny.
Beztoz niy mogli my nigdy tak colkym pedziec , MY SOM SLONSOKI.
Tak po cichu to my godali, czuli my sie takimi.
Chocby przez naszo godka abo niykere inne tradycje.
Brakowalo nom tego jednego. Ty samodzielnosci, zeby sobom zondzic, zeby sie szlo samego siebie okryslic na tym swiecie.
Zeby powiedziec my som Slonsoki.!!! Bez tego polski abo niymiecki.
Jak dugo niy bydymy przedsia, tak dugo niy bydymy wiedziec fto my som i kozdy bydzie miol racjo.
Czymu sie to tak dzieje ze te nasze narodowe drogi w rodzinie sie rozlazom??
Wiycie toje ganc ajnfach.
Niy ma czowieka coby miol te same poglondy, chocby ino drugymu na zlosc zrobic bydzie chciol byc inny.
Jak Francik niymiecki slonzok je, to jo byda polski, zeby sie yno niy myslol ze jo za niym ida. Tak ludzie myslom tyz.
Prowda je trocha inno.
Dugo my byli pod polskom. Wiycie ze tam trza tyz bolo zyc. Jedyn bol uparty i zostol slonzokym.
Tyn drugi miol okazjo sie w zyciu polepszyc dostac stanowisko, miyszkanie, abo yno widziol ze lepi bydzie do dzieci, jak sie ku tymu polskymu slonsokowi przignie.
Nikedy som tego niy miarkowol. Urodziol sie przecas juz na slonsku kery nolezol do polski.Reszta zrobiola szkola , platz, kolegi z za Buga. Zodyn sie wtedy niy zastanowiol nad tym , bo i niy mog ,fto my som.
Z drugi strony slonzok niymiecki. Nasze lojce byli we wermachcie. W doma spiywalo sie po niymiecku.
Skond mieli nasze lojce umiec co innego?
Loni mieli niymiecke szkoly.
Jedne yno zostalo przi tym ich niymieckim. Slonsko godka i obyczaj. Tak samo przi polskim po lostatnich latach.
Widac z tego ze my chyba jednak som tak naprowda slonzokami, ale czy narodym.
Zyczyl bych sie zeby kedys tak naprowda bolo.
My ludzie slonska zyjymy w roznych ukladach, momy rozne roboty i inne stanowiska kere w ty mysli lo slonsku boly by moze narazone na strata.
Tu sie wszystke bojymy. Kozdy widzi yno to co moge ,abo zdo mu sie zeby mog stracic.
To je ta prziczyna ze z jednego lojca i jedny matki roz wyndzie polok roz niymiec, czasami nawet slonski.
Widzicie z poloka je zawsze polok z niymca niymiec . A z nos?
Niy wazne je kaj fto miyszko i jake mo kajs daleko obywatelstwo.
Niy ma slonskego obytelstwa. Polskego niy chce miec. Biere inne.
Moze jak by slonske miol to by tyz je zmiyniol. Jego sprawa.
Wazne jest zeby my sie sami mogli okryslic jako slonzoki, jako narod bez tych pieronskich przimotnikow.
Slonski polak?
Polski slonzak?
Slonski niemiec?
Niemiecki slonzak?
Slonzok?
Przeczytejcie sie to pora razy . Zastanowcie sie nad znaczeniym tych slow, jak to wasze ucho przijmie.
Co sie tam w mozgu dzieje. Przi kerym wom te serduszko klupnie.
Teraz jak sie jeszcze godo.
Slazok narodowosci polskiej.
Prosci sie by bolo polok. Pisze narodowosc POLAK.
Tak samo bydzie jak my tego poloka w tym na niymca zamiyniymy.
Bydzie to zawsze abo niymiec, abo slonzok.
Na tych przikladach chciolech sie starac wom pokozac fto my som i czymu my somy czasami fto inny jak my som.
Czy my kedys bydymy czym my som?
Cienszko mi na to lodpedziec.
Jak niy bydzie strachu przed tym fto my som, wtedy bydymy wszystcy tym czym my som.
Z jednego lojca i z jedny matki moze byc ino jedne.
Matka slonzoczka , lojciec slonsok..
Fto scie som??

Hasok, 2002