Kaprysek we burdelu
29.03.2007



Roz to bylo po silwestrze, nosz Kaprysek dostol od Trusie wychodne i wyruszyl do kamratow coby sie we hotelu przespac na waleta. Dyc chop zapomniol lod Trusie piyniadze wycyganic. Tak to juz z naszym Kapryskiem je, co za darmo to lon je pjyrszy, jak kajs co dowajom to Kaprysek juz to wyniucho. Auta lod Trusie pod swoja opieka niy dostol, bo chop je niypewny. No ale jak juz bol to i zostol. No ale niydugo bylo cicho, jak Kaprysek zacon bamoncic, lon chce do burdelu, bo lon tam w zyciu niy bol, lon tak chce, ale sie boi jak dziewica przed nocom poslubnom. Lezol nom w uszach colki dziyn, inkszego tymatu niy bolo. Lon chce do burdelu i fertik. W koncu my musieli taksa wolac, wrazili my go rajn i jadymy. Kaprysek zas na waleta. Przyjechali pod tyn etablissement, znaczy sie burdel, a Kaprysek krotko zblod, potym ale ruszyl z kopyta jak ruski pancer do dzwiyrzy. My kozali taksiorzowi czekac, bo czlowiek to mog przewidziec, ze tyn byzuch dosc krotki bydzie. Szmaty my seblykli i lostawili w taksie, fto to bydzie rajn smyczyl - ale Kaprysek nie! Lon w polnym rysztunku i myckom na lebie ruszyl na szturm burdelu. My po leku cisli za nim. My sie fajnie wlezli rajn, siedli sie, po piwku zamowili, nosz Kaprysek by dali w mycce stol i gafcyl, jakby ym mu mycka niy sciongli i posadzili w szeslong. Ale tera sie mialo zaczonc. Frelka sie przikludzila i skocyla na rulka! Kapryskowi galy wyskocyly na wiyrch a bol sie niej, choby somego diobla lobocyl. We kufajce i lo suchym pysku Kaprysek ze wywalonymi galami i jynzorym sie tymu przedstawiyniu prziglondol. Mialo jeszcze przins gorzyj. Frelka prosto z rulki skocyla Kapryskowi na klin. W tym momyncie bol lon fertik! Niy mog chycic luftu, a tak sie lod niej lodegnol, ze my juz mysleli co mu krziz wyskocy! Jak ino frelka sie zmyla, Kaprysek wyskocyl ze zesla, choby ze szlojdra wyszczylony i chopa niy bolo widac! My musieli jeszcze picie poplacic, zanim my sie w pogon za Kapryskiem dali. Taksiorz miol biyda go dogonic!
No ja, zgadnicjie fto nazot zas na waleta jechol? 

______________________________________________________>>>>>