kopruch jo 04.12.2006
04.12. Barborka - slonsko zdrobnialo forma od Barbara: mianoz greckymi korzyniami, pozyczone bez Rzymianow,
(mynsko forma barbaros -> barbarus) znaczy cudzo, cudzoziymka,
surowo, niyuczono, bez kultury, barbarzynsko - po rusku Warwara,
zdrobniynia w inkszych jynzykach: Basia, Baerbel, Babsi, Barbie,
Babette, Barbe, Barbro.
Podug jedny z legynd sw. Barbara bola cerom bogatego chopa z Nikomedii
niyjakigo Dioskura i zola bezmas miyndzy 236 a 305 rokym po
Chrystusie (nikere padajom, ize niy bolo taki historyczny postacie).
Jak sie dala okrzcic, to jeji ociec sie tak zezlosciol, co niy dojs
ze jom dol zasondzic na smierc to jeszcze som wlasnoryncznie
jom zabiol. Za taki grzych zarozki go pieron trzasnol. Skuli tego
rzyko sie do Barbary tyz przi burzy. A ze grzmot przipomino
sztrzylanie artyleryje, stala sie Barborka tyz patronkom
artylerzystow. A patronkom gwarkow, bergmonow, grubiorzow, gornikow,
hawiyrzow je skirz tego, co ji sie przodzi udalo uciyc przed
ojcowymi przesladowcami bez jaskinia. A wieza je jeji
symbolym bo we wiezy jom wiynziyli. Sw. Barbara je tyz patronkom
rolnikow, architektow, mulorzow, kamiynnikow, cieslow, dachdekerow,
masorzow, kuchorzow, dzwonnikow, ludwisorzow, groborzow, dziouszkow,
heresztantow i umiyrajoncych. Rzyko sie do ni o dobro godzina
smierci, przeciwko burzy, grozbie ognia, goronczce, zorazie i nogly
smierci.
Wszyskim Barborkom, gornikom i inkszym, kerzi majom
gront dzisiej fajrowac, wszyskigo nojlepszego.
W Czechach godajom na utniynte 4.12. astle/galonzki czesni barborka.
Tyn obyczej je znany we wiyncy krajach.
(Czerpol zech z belejakich slownikow)
Obejrzol zech sie film "Barburka" i czym dugszy zech sie w ekran
gawcol, tym barzi zech miol chync sie ozrac. Tego deprymujoncego
wrazynio niy zmiyniolo tyz te niby optymistyczne zakonczynie ze
nowozyncami w bryczce. Zicher je to filmowo prowda i niy je to colko
prowda o dzisiejszym Gornym Slonsku, ale dobry kans i to je smutne.
Za to cieszy, co w Polsce Henckel von Donnersmarck dostol nagroda za
nejlepszy film roku (o agyntach "Stasi" nrdowski UB). Mozno na
Gornym Slonsku tyz wiyncy tych arystokratycznych wyzyskiwoczow wroci
do lask i w rewanzu np. Tiele-Wincklery sypnom groszym na
restauracyjo Moszny itp.
Toch se juzas pobrzynczol na colki tydziyn, zycza udanych piernikow
i samych radosci.
Carpe diem
kopruch jo