Wspomnienia z downego Slonska
Norbert z Fryny 21.03.2006


Drugo czynsc  to okolice Myslowic i Szopienic  -  zwyczaje i zycie w drugiej polowie XIX wieku
W roku 1859 jak spomino Oskar przekludzili my sie do Morgenrothgrube kole Szopienic-Rozdzienia. Mieszkali my w domie do urzyndnikow kery stol kole familokow gruby Morgenroht. Domy te stoly niedaleko drogi kero prowadziola ze Katowic do Myslowic. Na polnoc lod tyj drogi lezala „ Wilhelmina“  kero dniami i nocami wyciepowala do luftu smrodlawy luft z huty cynku. Dalyj bola widac  Kolej Gornoslonsko kero leciala ze Katowic do Myslowic ale wtedy Szopienice nie mieli jeszcze stacji kolejowej. Zaroz za torami drogom wysypanom zuzlym dochodzilo sie do szkoly w Rozdzieniu. Stond zle utrzymanom piaszczystom drogom szlo sie  przez Szopienice i Piasek do Myslowic. Jak sie szlo lod Familokow kolo kopalni “ Morgenroth“ i  „Elfryda“   to doszlo sie do Janowa  - wiejskej osady.
Przechodziolo sie przez wonske tory kolejowe na kerych  konie ciongly wozki z galmanym.
Za Janowem to juz bola ziemia nieznana – kilometry lasow. Dopiero daleko na poludniu lezala huta szkla we Wesolej. Szosom lod Wilhelminy ku zachodowi doszlo sie do Katowic, przechodziolo sie kilometrami przez lasy „ Thiela-Wincklera“ . Krotko przed Katowicami bola malo osada lo nazwie „ Bagno“ wtedy nazywano jom koloniom zlodziejskom, potym dalyj przechodziolo sie przez galmanowo „ Rosbanka“ kero prowadziola do huty cynku „ Norma“
Katowice w tych czasach to jeszcze wioska kero podlegala Myslowicom. Wtedy zodyn nie przypuszczol ze przed tom osadom stoi wielka przyszlosc. Dworzec w Katowicach z jego nowoczesnom budowlom bol bardzo reprezyntacyjny. Tutej bol punkt wezlowy koleji Warszawsko – Wiedynskiej. Z Katowic prowadziola Kolej Wilhelminska kero prowadziola przez Mikolow i Rybnik do Raciborza.
Z huty Wilhelmina jak sie szlo do Myslowic to przechodziolo sie kole zakopconych familokow w kierunku Szopienic, przechodzilo sie przez osada Stawiska przez kero plynol potok Bolina.
Jak wtedy godali  to niedaleko mostu drogowego mieszkol  Utopiec – ( nie mylic z naszym utopkym) .  W owych czasach bol to wygodny sposob na to , by zabronic ludziom kompac sie w  miejscach niebezpiecznych. Wystarczylo ino powiedziec ze pojawiyly sie utopce a juz wszyscy lomijali to miejsce. Jak sie dochodziolo do Myslowic to pierwszym domym bola gospoda kero wtedy nazywali „ Ostatni Grosz“. Dalyj jak sie dochodzilo do Slupnej to trefiolo sie do miejsca kaj sie lonczyla Czarno i Bialo Przemsza i tam stykaly sie ze sobom trzi granice – Prus , Rosji i Austrii. Myslowice byly w tym okresie prawie ze stolicom tego regionu.