Ojgyn z Pniokow

Spadochronowo wiyza / 8 wrzysnia 2007r
Ojgyn z Pniokow 08.09.2007
No, toz momy juz tydziyn, juz ci nom sleciol tyn tydziyn, kiej my fajrowali (co to bolo za fajrowanie? to bolo spominanie i srogo lutos we ludziach!) tyn dziyn we kierym wloz sam do nos, do naszyj dziydziny tyn fusiasty Adolf. >>>

Drugo wojna ... / 1 wrzysnia 2007r
Ojgyn z Pniokow 01.09.2007
No, toz momy juz dzisioj piyrszy wrzysnia. Piyrszy wrzysnia, tyn niyszczysny dlo nos, dlo Polski dziyn, we kierym tyn diosecki Adolf przikarycol sie ze swojimi wojokoma sam do nos, i kiej sie napoczla ta srogo lopresyja, ta II-go Wojna Swiatowo. >>>

Muzykanty, akordjon abo cija. / 25 sierpnia 2007r
Ojgyn z Pniokow 25.08.2007
No, toz momy juz tyn lostatni tydziyn tego gryfnego siyrpnia. Juz za pora dni przikwancko sie wrzysiyn na lostatek kierego napocznie nom sie podzim. I to jesce niy bolo by take niyszczysne abo jankorne. >>>

Juz pola siyrpnia / 18 sierpnia 2007r
Ojgyn z Pniokow 18.08.2007
No, toz momy juz lod tego Swiynta Wojska Polskigo drugo pola siyrpnia. Tego gryfnego latowygo miesionca. A richtich bolo te Swiynto Wojska Polskigo we strzoda. Lo tym drugim, koscielnym fajerze berolech juz skorzij, bo we zeszlo sobota. >>>

Kackajom sie fajery / 11 sierpnia 2007r
Ojgyn z Pniokow 11.08.2007
No, toz ciurliko sie po malusku tyn nojgryfniyjszy latowy miesionc, niy za tela gorki, i niy za tela dyscowy chocia, podle jednyj polskij powiarki to juz:
„Od Hanki zimne wieczory i ranki!” >>>

I juz kosokowy miesionc. / 04 sierpnia 2007r
Ojgyn z Pniokow 04.08.2007
No, toz momy juz, napocznol nom sie tyn kosokowy miesionc – siyrpiyn. Tyn ci tyz gryfny miesionc roztomajcie niyftorzi mianowali. Juzech sam cheba kiejsik lo tym berol no ale, przipomna to jesce roz. >>>

Fajrant lipnia / 28 lipca 2007r
Ojgyn z Pniokow 28.07.2007
No, toz momy zbyte tyn nojgryfniyjszy (no mozno niy tak zawdy i niy do cna) latowy miesionc, momy lipiyn forbaj. >>>

Trzi scwierci lipnia / 21 lipca 2007r
Ojgyn z Pniokow 21.07.2007
No, toz momy tyn nasz lipiyn z gorki i yntlich przijnszlo lato. Bez dwa tydnie ludzie – te, kiere wykludziyli sie na wywczasy – pieronowali jak sto dioskow na ta dyszczowo pogoda. >>>

Chorzow, chlyb i ... kosmonauty / 14 lipca 2007r
Ojgyn z Pniokow 14.07.2007
No, toz momy juz jutro pola lipnia. Lipiyn to jes bezmac latowy miesion tela, co latos tego lata sam u nos aby we Chorzowie, tego lata – krom moja i czyrwnia – niy bolo. No, ale we kalyndorzu jest i tego sie trza dziyrzyc, i niy jamrowac kiej sie wywczasy medikowalo, miarkowalo we tym razinku miesioncu. >>>

Pol roku slecialo / 07 lipca 2007r
Ojgyn z Pniokow 07.07.2007
No, toz momy piyrszy tydziyn tego lipowygo miesionca za sia, momy juz zbyte.
Miol ci tyn miesionc roztomajte miana. Kiejsik, za starego piyrwyj we Jaworzu godali na niygo lipnik a we Zakopanym wielgi moj. >>>

Dziecka i ... feryje! / 30 czerwca 2007r
Ojgyn z Pniokow 30.06.2007
No, toz momy juz feryje dlo dziecek. He, he nagabujecie mie po jakiymu godom my? Ano, to skuli tego, co te wszyjskie majoryntne (dorosle) tyz juz majom zdziebko pokoj. Chocia ? Niy jes to tak blank ajnfach. >>>

Juz momy lato! / 23 czerwca 2007r
Ojgyn z Pniokow 23.06.2007
No, toz momy juz lod szczwortku lato colkim pyskiym. I to niy ino te blank kalyndorzowe ale i te na isto gorkie, take lato, kiere by wszyjskie kcieli miec tela, co ino wtynczos, kiej niy trza pyndalowac do roboty ino flyjgowac sie na lufcie, kajsik na Karaibach, we Egipcie abo jesce kaj indzij. >>>

Pola czerwiynia i juz ... / 16 czerwca 2007r
Ojgyn z Pniokow 16.06.2007
No, toz momy juz pola czerwiynia. gryfnego miesionca i – podwiyl co – gorkigo chocia ... kajniykaj rzgmialo i bol nogly dyszcz i ulicha. U nos ... niy! Wczorej deczko kidlo chocia niyftorzi blank sie niy kapli co to jes dyszcz ino miarkowali co jich dzimble lobsrali. I momy tyz, znacy Chorzowioki majom juz lod wczorej srogi fajer. >>>

Lostatni dugi szlustydziyn / 09 czerwca 2007r
Ojgyn z Pniokow 09.06.2007
No, toz momy juz tyn gryfny czyrwiyn colkim pyskiym. Jesce dzisioj ci jes przedlostatni dziyn tego (juzas ) dugigo szlustydnia tela, co to jes – pokiel co – lostatni aze do listopada taki dugi zapiontek. Czyrwiyn, kiejsik mianowany tyz ugornik, jak mianowali czyrwiyn jesce we XIV wiyku abo zok. >>>

Po Zielonych Swiontkach / 02 czerwca 2007r
Ojgyn z Pniokow 02.06.2007
No, toz momy juz po tych – cheba nojgryfniyjszych swiyntach – Zielonych Swiontkach. A terozki we kosciyle godajom co to jes: dziesiync dni po fajerze Zeslanio Ducha Swiyntego. Po jakiymu jo godom: po tych swiyntach”? >>>

Dziyn MAMULKI / 26 maja 2007r
Ojgyn z Pniokow 26.05.2007
No, toz momy – jakech lonsko sobota godol z gorki – a terozki lostatek juz tego nojgryfniyjszego miesionca, tego moja, tych trzidzisci jedyn dni wiesny, casu kiej kozdy jakosik inakszij na tyn swiatek gawcy. >>>

Moj z gorki! / 19 maja 2007r
Ojgyn z Pniokow 19.05.2007
No, toz momy za sia wiyncyj nizli pola moja; za jedynoscie dni bydymy mieli juz czerwiyn, prowda? A moj, a moj to som gryfne powiarki: >>>

Zimne zegrodniki i niy ino / 12 maja 2007r
Ojgyn z Pniokow 12.05.2007
No, toz momy lod dzisioj Pankracego, Serwacego i Bonifacego a na lostatek to „zimno Zoska”. Lonski tydziyn berol lo tych zimnych zegrodnikach berol we radijoku Wicek a jo terozki ino tela ...i tyz momy juz chnet pola tego nojbarzij kochliwygo, nojbarzij szykownygo, tego na isto syrcowygo miesionca za sia. >>>

Po szlustydniu (dugim)! / na 05 maja 2007r
Ojgyn z Pniokow 05.05.2007
No, toz momy juz lod poruch dni tyn nojgryfniyjszy miesionc, tyn na isto ci nojszykowniyjszy moj. Mocka by sam terozki szlo lo tych piyrszych dniach rzondzic i berac. Przeca zawdy wszyjskie, i modzioki i te stare knakry niy poradziyli sie doczkac kiej lon ino przijndzie. >>>

Kwiyciyn forbaj / na 28 kwietnia 2007r
Ojgyn z Pniokow 21.04.2007
No, toz momy za pora dni kwiyciyn forbaj, kwiyciyn zbyte. I, topie tyn nijgryfniyjszy we roku miesionc MOJ. Tyn nojgryfniyjszy miesionc moj momy juz lod wtorku przed sia. Napoczyno sie lon nojdugszym szlustydniym (abo ja inksi godajom: likyndym lebo tyz wochenendym) juz lod dwadziestego losmego i zetrwo aze do szostego moja. >>>

Pola kwiytnia i ... / na 21 kwietnia 2007r
Ojgyn z Pniokow 21.04.2007
No, toz momy juzas srogi fajer. Abo... bydymy dziepiyro go mieli za jakiesik piync lot, bo erbli my to, ize bydymy do kupy ze Ukrainom organiziyrowali mistrzostwa Ojropy we fusbalu we 2012 roku. >>>

PO SWIYNTACH / na 14 kwietnia 2007r
Ojgyn z Pniokow 14.04.2007
No, toz momy juz i po kwiytnij niydzieli, i po Wielgijnocy i po tym naszym szykownym smiyrguscie. Chocia latos to we tyn kidany pyndzialek to i kajniykaj sniyg sleciol a i u nos niy bolo tak gorko jak to kiejsik bywalo. >>>

Wielkanoc – terozki Wielgonoc! / na 07 kwietnia 2007r
Ojgyn z Pniokow 07.04.2007
No, toz ci nom slecialo. Dziepiyro my mieli Dzieciontko a sam – i to blank bez zimy – juz Wielgonoc na gyniku. I wiycie, ludziska zawdy sie wadziyli, tropiyli, kiere to tak po prowdzie swiynta som istniyjsze. >>>

Juz „Kwiytnio niydziela” / na 31 marca 2007r
Ojgyn z Pniokow 31.03.2007
No, toz momy jutro palmowo niydziela. Chocia u nos to barzij sie zawdy godalo, ize momy „niydziela kwiytnio”, pra? >>>

Jolzel i ... Marzanna! / na 24 marca 2007r
Ojgyn z Pniokow 24.03.2007
No, toz momy juz po fajerze naszych Jozkow, Jolzli, Zefli i Zeflikow. Jo miarkuja, co sam u nos na Slonsku niy fajruje sie „imiynin” a ino gyburstaki nale, som take miana jak Pyjter, Paulek, Jolzel, Marika abo Zilwester, kiere i gorole i Slonzoki festnie fajrujom. >>>

Wiesna, chocia bez zimy! / na 17 marca 2007r
Ojgyn z Pniokow 17.03.2007
No, toz momy juz za styry dni wiesna. Szloby sam mocka lo tych wszyjskich pogodowych falach godac, no ale po jakiego dioska? >>>

Po babskim fajerze! / na 10 marca 2007r
Ojgyn z Pniokow 10.03.2007
No, toz momy juz po tym colkim babskim fajerze. Pola ludzi markiyruje, co blank niy wiy lo co idzie, modzioki godajom, ize to je blank komunistycny fajer a juzas niyftore, te blank „normalne” chopy tak by tak swojim babeckom jakiesik tulpy (co jo godom?) jakiesik gryfne blumy do chalpy przismycyli. >>>

Ha, ha, idzie „Dziyn kobiyt”! / na 03 marca 2007r
Ojgyn z Pniokow 03.03.2007
No, toz momy juz tyn gryfny marzec na karku. Czamu godom gryfny ? Ano, bo to juz chnet bydzie ta diosecko zima forbaj i napocznie sie za chnet trzi tydniy kalyndorzowo wiesna. >>>

Babskie combry, tusty szczwortek i harynek! / na 24 lutego 2007r
Ojgyn z Pniokow 24.02.2007
No, toz momy juz latosne zapusty, latosny faszing zbyte, forbaj. Mieli my zeszly tydziyn tyn szykowny tusty szczwortek, po kierym mie jesce do dzisioj leberka sztinkrujom. >>>

I idzie post... / na 17 lutego 2007r
Ojgyn z Pniokow 17.02.2007
No, toz momy juz po latosnym tustym szczwortku a jesce przed lostatkoma, przed „sledziym”, przed tonkaniym harynka. Bydzie tyz i chnet fajrant ze zapustami abo, jak to inksze godajom, ze faszingiym. >>>

Luty, luty i co...? / na 10 lutego 2007r
Ojgyn z Pniokow 10.02.2007
No, toz momy juz lepij niz tydziyn lutygo. Zawdy sie godalo lo tym miesioncu mocka roztomajtych powiarkow, gryfnych powiadaczek. Jesce za blank starego piyrwyj godali tako jedna: „pyto sie luty ezlis lobuty”. >>>

Juz przikwanckol sie luty! / na 03 lutego 2007r
Ojgyn z Pniokow 03.02.2007
No, toz momy juz luty, zawdy kiejsik lostry zimowy miesionc. Latos jes wszyjsko nalopach. Po prowdzie zdziebko zimy na lostatek stycznia bolo, malo wiela sniyga nasulo tela, co to terozki tyj richticznyj, tyj prowdziwyj zimy jesce sam u nos niy ma. >>>

Dwie sety mojich konskow / na 27 stycznia 2007r
Ojgyn z Pniokow 27.01.2007
No, toz momy ... nale, co momy ... a tak richtik, co tyz to Wy mocie (ezli Wom sie to zdo abo i niy)? To Wy juz mocie dwiesta mojich konskow. Dzisiyjszy jes gynal tyn dwiochsetny. >>>

A jutro Dziyn Starki / na 20 stycznia 2007r
Ojgyn z Pniokow 20.01.2007
No, toz momy ... nale co? Zimy niy momy, dziecka niy mogom sie na sniygu pokiolzdac, klara drugdy blynduje a kiej indzij juzas siompi dysc, a mroza i sniyga, to ani na recept niy idzie sam u nos na Pniokach lobejrzec. >>>

Juzas faszing / na 13 stycznia 2007r
Ojgyn z Pniokow 13.01.2007
No, toz momy juzas faszing, abo jak to mondroki godajom, karnawal. Tela, co mozno latos niy jes juz tyn faszing telki szpasowny, niy majom ludziska telkij uciychy nikiej downij. >>>

Trzech KROLI / na 06 stycznia 2007r
Ojgyn z Pniokow 06.01.2007
No, toz momy juz po Zilwestrowym kasprowaniu, po praskaniu, szczylaniu tymi roztomajtymi – i to bez pora godzin – lojtugloma i inkszymi placpatronami. >>>

A jutro Zilwester! / na 30 grudnia 2006r
Ojgyn z Pniokow 30.12.2006
No, toz momy jutro lostatni dziyn tego – mozno niy nojgryfniyjszego – roku dwatysionce szostego. >>>

Jutro Wilijo! / na 23 grudnia 2006r
Ojgyn z Pniokow 23.12.2006
No, toz momy yntlich juz jutro, i to we niydziyla latos – Wilijo i niyskorzij zarozki Gody. I – jak zawdy – we colkij Polsce wysulo sie mocka, nale to richtik mocka tych wszyjskich „charytatywnych” ferajnow, tych wszyjskich lonakich (mozno) „fondacjow”, kiere nic ino nasze chudobne, glodne dziecka we szulach majom na zwazowaniu. >>>

Drabko idom GODY / na 16 grudnia 2006r
Ojgyn z Pniokow 16.12.2006
No, toz na isto festelnie drabko, gibko kulwitajom, idom ku nom Gody. Cheba nojlepszyjsze swiynta, chocia niyftore godajom, co to bezmac Wielkanoc jes ta nojwazniyjszo, bo na tym „zmartwychwstaniu” lopiyro sie przecamc colko naszo wiara katolicko. >>>

Po „Barborce” i ... / na 09 grudnia 2006r
Ojgyn z Pniokow 09.12.2006
No, toz momy juz po tyj jankornyj latos „Barborce”. Niy byda sam godol kiej i kaj, i jak pochowali tych niyszczysnych ze szpongu 1030 myjtrow, ani niy byda ci sie pytol kaj sie podzioli te wszyjskie pijondze, kiere snochwiali wszyjskie, nale to wszyjskie swiynte we tym naszym kraju, lod cwilingrow, bez wildsteinowsko i ta TVN-owsko telewizyjo aze po telkich, kierzy wiskali, grali na koncyrcie we Rybniku i jesce mocka, nale to mocka inkszych. >>>

Barborka 2006
Ojgyn z Pniokow 04.12.2006
No, toz momy dzisioj gryfny fajer, swiyntyj Barbary abo – nikiej to richticzne Slonzoki godajom – „BARBORKA”. Wiycie, sam u nos, samtyjesze ludzie majom tak na isto dwa telkie fajery: swiyntego Florijana i swiyntyj Barbary. >>>

Juz grudziyn / na 02 grudnia 2006r
Ojgyn z Pniokow 02.12.2006
No, toz momy juz lod wczorej grudziyn, miesionc jagwiyntowy, we kierym sie napocznie juz na isto zima. Grudziyn, gryfny tyz drugdy miesionc. >>>

Listopad chnet forbaj / na 25 listopada 2006r
Ojgyn z Pniokow 18.11.2006
No, toz za pora dni momy tyn listopod forbaj. Roztomajcie ci na tyn miesionc kiejsik godali. Dlo jednych to bol listopadnik, dlo inkszych, choby dlo Chorwatow, kierzy majom lynzyk blank podany do polskigo, tyn listopod mianowol ci sie „m rcinski”. >>>

Ite ad Joseph! / na 18 listopada 2006r
Ojgyn z Pniokow 18.11.2006
No, toz momy dzisioj u nos na Pniokach maluski fajer. Loziymnostego listopada pizlo latos dziewiyncdziesiont dziewiync lot kiej ks. dziekan Wiktor Smidt ze Katowic pokropiol, poswiynciol nasz farny kosciol, naszo ci cheba nojgryfniyjszo „Jozefka”. >>>

Dzisioj fajer a jutro welonek! / na 11 listopada 2006r
Ojgyn z Pniokow 1.11.2006
No, toz momy jutro juzas festelnie bajzlowaty dziyn, juzas muszymy welowac naszych rajcow, kierzy bez lostatnie trzi-styry tydnie tela nom snochwiali, coby tego i sto hamerikonskich stolorzy niy posklodalo. >>>

Po Wszyjskich Swiyntych / na 04 listopada 2006r
Ojgyn z Pniokow 04.11.2006
No, toz momy juz zbyte i Wszyjskich Swiyntych (tak przikozali godac wszyjskim redachtorom we telewizyji i we radijokach) i po Zaduszkach (lo kierech juz zodyn niy boczy, bo to terozki niy jes dziyn frajny lod roboty, chocia kiejsik bol, i to niy tak blank downo). >>>

Idom „zaduszki” ! / na 28 pazdziernika 2006r
Ojgyn z Pniokow 28.10.2006
No, toz momy chnet i tyn gryfny pazdziyrnik zbyte. Gryfny podzim szczimol latos dosik dugo i ino rzykac coby jesce i we tyn piyrszy dziyn listopada tyz utrzimala sie gryfno lalnia. Piyrszygo listopada. Wiela juz roztomajte angyjbery i mondroki lo niym naszkryflali. >>>

Klara, jankor i kapusta ! / na 21 pazdziernika 2006r
Ojgyn z Pniokow 21.10.2006
No, toz momy juz lod poruch dni gryfno klara na niybie, ani jednyj mrokwi, choby i nojmynszyj, chocia z ranca juz srogi idzie ziomb, juz idzie ujzdrzic gryfny mroz na stromach tela, co we naszyj (Ponboczku lodpusc mi tyn grzych) „polityce” jes gorko, ize idzie sie palcyska abo fresa loparzic kiej sie cowiek napocznie w nia wrazowac choby ino colko lonski i terozniyjszy tydziyn; no jes juz podzim colkim pyskiym. >>>

Dwie Jadwizki / na 14 pazdziernika 2006r
Ojgyn z Pniokow 14.10.2006
No, toz momy jun jutro i Jadwiszka forbaj. Ino tak po prowdzie, to sie terozki lycko pometlalo, bo zawdy Hyjdwich fajrowala we piytnostygo pozdziyrnika (Starka godali, ize po swiyntyj Jadwidze slodkosc w kapusta lyjzie) nale, terozki to jesce momy dziyn niyskorzij, szesnostygo pazdziyrnika, swiyntyj Jadwigi Slonskij. >>>

A jo mom rod pazdziyrnik! / na 07 pazdziernika 2006r
Ojgyn z Pniokow 07.10.2006
No, toz momy juz pazdziyrnik colkim pyskiym. Ze tym miesioncym skuplowane jes wiela powiarkow ze kierych nojbarzij mom rod telkie
„Kiej pazdziyrnik mrozny, to niy bydzie styczyn grozny.” >>>

Gryfno polsko jesiyn / na 30 wrzesnia 2006r
Ojgyn z Pniokow 30.09.2006
No, toz momy tyn nojgryfniyjszy goldowy polski podzim, ta – nikiej to sam u nos niyftore mondroki mianujom – zloto polsko jesiyn. We lonsko sobota pora minut po szostyj z ranca napocznol sie na isto tyn nojszykowniyjszy podzim, kiery jes nojszumniyjszy razinku we Polsce. >>>

Juz podzim! / na 23 wrzesnia 2006r
Ojgyn z Pniokow 23.09.2006
No, toz momy juz podzim, przikwanckala sie ku no jesiyn. To tyz som gryfne i festnie szykowne miesionce, chocia juz telkie barzij jankorne, bez tyj przodzij wiesiynnyj uciychy. >>>

Dziecka, Lojce i Starziki / na 16 wrzesnia 2006r
Ojgyn z Pniokow 15.09.2006
No, toz momy juz pola tego gryfnego miesionca. Dziecka sam u mie we tyj mojij „siedymnostce” niy dajom mi juz lod pol losmyj nynac. >>>

Zyniaczka / na 09 wrzesnia 2006r
Ojgyn z Pniokow 09.09.2006
No, toz momy juz wrzesiyn colkim pyskiym. Downiyjsze staropoloki godali jesce na tyn miesionc inakszij, bo „stojeczen”. Lod cego to sie wziyno, to za tela niy miarkuja, nale jesce moja Starecka downo, downo tymu, jesce za starego piyrwyj slyszala te miano lod swojij starecki. >>>

Chnet do szuli / na 02 wrzesnia 2006r
Ojgyn z Pniokow 02.09.2006
No, toz momy juz za dwa dni napoczniyncie nowygo roku szkolnygo. Niy, niy jo ino te wszyjskie bajtle, spikole, miglance, modzioki, dziolchy i synki, kierym juz tyz pewnikiym ckni sie na placu kole familika, kaj jedne, te, kiere majom fest pijynznych lojcow i ciyngiym lozprawiajom lo gryfnych wywczasach kajsik we gorkich krajach a te, kiere musieli lostac sam u nos, to ino ze zowisciom i polnom rziciom lutosci suchajom. >>>

Feryje zbyte / na 26 sierpnia 2006r
Ojgyn z Pniokow 26.08.2006
No, toz momy wszyjskie juz te latowe feryje zbyte. Po jakiymu szkryflom momy? Ano skuli tego, co niy ino dziecka jamrujom na fajrant szkolnygo lata, nale i lojce, kiere niy poradzom nastyknonc ze zlociokami na te wszyjskie rzecy dzieckom na nowy rok szkolny, te wszyjskie ksionzki do kozdyj szuli inksze, bali i we jednyj szuli, kozdy rechtor koze sie sprawic tyz inksze. >>>

Juzas fajery / na 19 sierpnia 2006r
Ojgyn z Pniokow 19.08.2006
No, toz momy juz pora dni po tych naszych polskich dwioch, chnet nojsrogszych, swiyntach. Po swiyncie Matki Boskij Zielnyj i – dlo niyftorych jenerolow i tych, kierzy radzi we wojsko szpilujom – Swiyncie Wojska Polskigo. >>>

Sto siedymdziesiont piync konskow / na 12 sierpnia 2006r
Ojgyn z Pniokow 12.08.2006
No, toz momy, a tak na isto to jo mom, juz colkie sto siedymdziesiont piync tych wszyjskich mojich konskow, tych „felietonow”, kierech do naszygo radijoka, do Radia Piekary do dzisioj naszkryflol. >>>

Siyrpiyn / na 05 sierpnia 2006r
Ojgyn z Pniokow 05.08.2006
No, toz momy juz lod poruch dni tyn gryfny kosokowy miesionc. Tym barzij gryfny, ize jo sie we tym siyrpniu sam u nos na Pniokach uploncnol tela, co latos piyrsze dwa-trzi lekusko zaslimtane byli. >>>

Agynty / na 29 lipca 2006r
Ojgyn z Pniokow 29.07.2006
No, toz momy tyn gorki miesionc, tyn lipiyn chnet forbaj, chnetki zbyte. Rzecy miesonc logorcanny, miesionc we kierym nos stwora, telki tojfel ze Loch Ness ino strachuje, nale sam u nos to jesce tyn srogi Rosynant lod loswiaty, kiery ciyngiym cosik nowygo wynokwio. >>>

Logorcanny czos? / na 22 lipca 2006r
Ojgyn z Pniokow 22.07.2006
No, toz momy tyn „sezon” logorkowy fol... a tak na isto, co jo godom ? Przeca u nos sam we Polsce telkigo sezona niy ma, bo te nasze prowajdery tela nom sam bez te lato bajstlujom roztomajtych fali, ize cowiek niy mo bali i czasu na to, coby mu sie cniylo i coby sznupol we telewizyji za jakimsik stworami, utopkami lebo cym tam jesce. >>>

Lipiec z gorki / na 15 lipca 2006r
Ojgyn z Pniokow 15.07.2006
No, toz momy lod jutra lipiyn ze gorki. A nasz gryfny rocek tyz juz poszol kajsik na drugo pola, przekludziol sie na tajta, kaj juz po malusku bydzie fyrtac na fajrant lata. >>>

Lato, lato i ... / na 08 lipca 2006r
Ojgyn z Pniokow 08.07.2006
No, toz momy chnet pola lipiynia. Chnet, bo jesce niy colko polowina. Za to hica momy lod trzech tydni nikiej we Africe lebo na jakisik Majorce. I jo blank ci niy zowiszcza tym wszyjskim fuzbalokom, kierzy jesce we tych mistrzostwach swiata grajom. >>>

Gorki miesionc? / na 01 lipca 2006r
Ojgyn z Pniokow 01.07.2006
No, toz momy juz lato colkim pyskiym. Lod porunostuch dni jes we colkij Polsce hica nikiej sto dioskow. Pora dni tymy nazod bola ci we nocy festelno sumeryjo ze pieronobiciym. Jesce tyz ze strzody na szczwortek zdziebko ci sam pokidalo, nale ciyngiym jes gorko nikiej bez lato przinolezi. >>>

Momy juz lato / na 24 czerwca 2006r
Ojgyn z Pniokow 24.06.2006
No, toz momy juz fest lato. Wiesna to ci jes na isto gryfny czos, tela co latos tak jakosik wilglo, zaslimtano ci lona bola, tako niy gryfno, niy hersko. A dzisioj jes Jona i lod poruch dni gorko nikiej sto dioskow. >>>

A za tydziyn lato! / na 17 czerwca 2006r
Ojgyn z Pniokow 17.06.2006
No, toz momy juz po Bozym Ciele i za pora dni bydzie lato. Ezli lone bydzie tyz telkie zaslimtane nikiej ta latosno wiesna, to niy ma sie cym radowac. Mozno nale bydzie inakszij i to co sie spaskudziylo bez te lostatnie trzi miesionce, to terozki ci wyjndzie na lepszyjsze. >>>

Zielone swiatki / na 10 czerwca 2006r
Ojgyn z Pniokow 10.06.2006
No, toz momy chnet tydziyn tym szykownym Zeslaniu Ducha Swiyntego, znacy po downiyjszych Zielonych Swiontkach. Gryfne to swiynto, bo jes ci to trzeci po Wielkijnocy i po Godach – nojwazniyjszy fajer. >>>

Byzuch / na 27 maja 2006r
Ojgyn z Pniokow 27.05.2006
No, toz momy po wczorejyszym Dniu Mamulki a i chnet bydzie juz na isto szlus ze byzuchym Papiyza Benedykta XVI u nos we Polsce. Jutro kole pol losmyj na lodwieczerz bydymy Go zygnac na flugplacu we krakowskich Balicach. >>>

Moj z gorki / na 20 maja 2006r
Ojgyn z Pniokow 20.05.2006
No, toz momy tyn gryfny moj z gorki. Ino, z gorki, bo jesce pora tych mojowych dni sam bydzie, pra ? Slecieli te gizdowate, te zimne zegrodniki do kupy ze tom loszkliwom Zofijom, chocia tak po prowdzie to za tela sam u nos niy napochali i przeziymbnonc na isto niy szlo. >>>

Trzinostego / na 13 maja 2006r
Ojgyn z Pniokow 12.05.2006
No, toz momy dzisioj trzinostego moja. Tela dobrze, co niy je to piontek ino juz sobota. Tak po prowdzie jo tam niy flyjguja roztomajtych powiarkow, niy stoja lo to ezli to jes prowda lebo jakiesik cyganstwo. >>>

Fajrowanie w moju / na 06 maja 2006r
Ojgyn z Pniokow 05.05.2006
No, toz momy juz po tych siaronskich fajerach, a mozno i gryfnych ???. Wszyjskie zwyrtne to mieli aze dziewiync dni fraj, tela co launa bolo niyhersko, ciyngiym lod soboty siompiylo i pieronym sie lochlodziylo. >>>

Idzie moj! / na 29 kwietnia 2006r
Ojgyn z Pniokow 29.04.2006
No, toz momy za dwa dni tyn nojgryfniyjszy miesionc we roku – moj. Na tyn moj to niy ino modzioki sie radujom, nale i telkie stare knakry nikiej jo tyz jakosik tak inakszij na tyn nasz gryfny swiatek gawcom. >>>

Wiesna colkim pyskiym / na 22 kwietnia 2006r
Ojgyn z Pniokow 21.04.2006
No, toz momy juz wiesna colkim pyskiym. Wiesna juz lod miesionca, tela co we lonski tydziyn, we Srogo Sobota niy godziylo sie lo gupotach godac, chocia juz we pyndzialek bol nasz gryfny smiyrgust. >>>

Wielgo Sobota, to dzisioj / na 15 kwietnia 2006r
Ojgyn z Pniokow 15.04.2006
No, toz momy dzisioj Wielgo Sobota a lod wieczerzy bydzie nasze nojgryfniyjsze swiynto: WIELKANOC. >>>

A za tydziyn swiynta! / na 08 kwietnia 2006r
Ojgyn z Pniokow 12.04.2006
No, toz momy jutro Niydziela Palmowo a za tydziyn Wielkanoc, znacy – cy jo tak na isto wiym? – nojwazniyjsze swiynta. >>>

Prima aprilis / na 01 kwietnia 2006r
Ojgyn z Pniokow 01.04.2006
No, toz momy dzisioj „prima aprlis”. Gryfny to zwyk, chocia nie wszyjskie mozno miarkujom lod kany sie to wziyno. Jo juz kiejsik szkryflol te wszyjskie powiarki, te wszyjskie bery, kiere som skuplowane ze tym dniym. >>>

Juz wiesna / 25 marca 2006r
Ojgyn z Pniokow 25.03.2006
No, toz momy juz wiesna. tela co to jes kalyndorzowo wiesna a tak na isto to trza jesce na nia deczko doczkac. Chocia lostatnie dni klara bez dziyn gryfnie ci juz blyndowala, nale jesce to niy jes ta wiesna na kiero wszyjskie niy poradzom sie po tyj srogij zimie doczkac. >>>

Chnet wiesna / na 18 marca 2006r
Ojgyn z Pniokow 18.03.2006
No, toz momy za pora dni wiesna. He, he, wiesna? A mozno i zima jesce do „prima aprilisu” bydzie? Nale – jakech juz kiejsik szkryflol – „wiesna by tak niy smakowala, kiejby przodzij zimy niy bolo”. >>>

Nikiej w garcu / na 11 marca 2006r
Ojgyn z Pniokow 11.03.2006
No, toz momy – nikiej to nasze starziki godali – we marcu nikiej w garcu. I mroz, i kaj indzij toplaka, i kucanie, charlanie, wilgle bez colki dziyn szczewiki ( i niy godom sam lo tych dziolszkach, kiere tyrajom we tych szpicatych, dugich nikiej knobloszka szulach, na kierych idzie sie siaronsko kiolzdnonc, nale – modernych). >>>

Juz marzec / na 04 marca 2006r
Ojgyn z Pniokow 04.03.2006
No, toz momy juz luty forbaj, zbyty karnawal i terozki napocznymy sie rychtowac do Wielkanocy. >>>

A to jesce niy jes zima forbaj / na 25 lutego 2006r
Ojgyn z Pniokow 25.02.2006
No, toz momy mozno ta diosecko zima forbaj, te wszyjskie mrozy, sniygi i co tam jesce – zbyte. Chocia... jo by niy bol telki isty, co to juz jes blank szlus. >>>

A mozno styknie tyj zimy? / na 18 lutego 2006r
Ojgyn z Pniokow 18.02.2006
No, toz momy cheba tyj colkij dioseckij zimy polno rzic. A lona dziyrzy choby miala byc aze do kwiytnia. Co jo godom – my. My sam we miescie, i nojbarzij sam u nos we Chorzowie i na Pniokach. >>>

Mozno to juz szlus ze zimom? / na 11 lutego 2006r
Ojgyn z Pniokow 11.02.2006
No, toz momy ... nale co? Jakech to napocznol szkryflac bola srogo, i to na isto festelnie szarfowo zima. Niyskorzij jakosiki sie tak gryfnie zrobiylo. We wtorek ci juzas chyciola kurzawica, fujawica sie zrobiyla nikiej sto dioskow. >>>

Niy ino briwy / na 04 lutego 2006r
Ojgyn z Pniokow 04.02.2006
No, toz momy juzas luty. Chocia, tak na isto tyn luty to nom sie napocznol – jesce we styczniu – festelnie jankornie, po czornu dlo mocki ludzi sam niy ino lod nos, nale i ze inkszych krajow. >>>

Styczyn z gowy / na 28 stycznia 2006r
Ojgyn z Pniokow 28.01.2006
No, toz momy juz chnet, za pora dni, tyn styczyn forbaj, zbyte. A richtik bol ci to latos gryfny, zimowy miesionc, kiej nom i mrozym przicislo, chyciylo nikiej sto dzioskow, a i sniega nasulo aze za tela, ize do dzisioj tego niy wszyjskie poradzom lodszalflowac. >>>

Festelno zima / na 21 stycznia 2006r
Ojgyn z Pniokow 21.01.2006
No, toz momy yntlich richticzno zima. Ciongnie lod Rusa mroz nikiej sto dioskow; siaronski mroz tela co Ruskie som zwyczajne telkich srogich mrozow. Bezmac i do trzidziysci gradusow mo byc jesce tyn tydziyn. >>>

Balanga!!!  / na 14 stycznia 2006r
Ojgyn z Pniokow 14.01.2006
No, toz momy juz dzisioj drugo sobota karnawalu. Juz drugo sobota balowanio, tancowanio i wyrobianio aze do strzody popiylcowyj. Lod Trzech Kroli, kiej jes juz fajrant ze „swiyntymi wieczorami” (a napoczyno sie tyn colki karnawal) i som downiyjsze, gryfne – i niy ino staropolskie – zapusty. >>>