A mozno styknie tyj zimy? / na 18 lutego 2006r
Ojgyn z Pniokow 18.02.2006

No, toz momy cheba tyj colkij dioseckij zimy polno rzic. A lona dziyrzy choby miala byc aze do kwiytnia. Co jo godom – my. My sam we miescie, i nojbarzij sam u nos we Chorzowie i na Pniokach. Dziecka to mozno i majom uciecha, krom tych, kiere polomali szlapy, grace lebo festelnie szczaskali rzicie a ... niyskorzij to i lod lojcow jejim sie nachytalo. I wiycie, nojbarzij to mo uciycha tyn wicyprzezidynt, kiery sie raduje co yntlich jes zima, co ludziska tyn sniyg widzom, i coby zodyn niyskorzij niy godol co my to bydymy chnet sam mieli jakosik Afrika. Tela, co niy kozdy fyrto autokiym, (a miarkujecie? Czym mynszy prezidynt, tyn wiynkszy mo altok), bo przeca jes mocka ludzi, kiere muszom deptac piechty (kiej niy som rajcami lebo prezidyntami). I jejim na piechta niy kce sie deptac do Urzyndu, do magistratu. A skuli tego byamtry majom ciyngiym pokoj, srogi pokoj, a kiej tak bez cufal jakisik pierdola przijndzie na jejich „dyzur” we szczwortek (na tyn prziklod do tyj lod hajocikow), to tak by tak mu pedzom, coby prziszol za dwa tydnie (bo bydzie inkszy rajca). Bo jejim zodyn rzici niy zawroco jakimis tam zatkanymi gulikami, jakimis tam rulami, kiere pukli lebo hazlikami ze kierych capi, bo zodyn tego niy lodmroziol. Kcecie to uwidziec? To prziklechtejcie sie na plac Mickiewicza we Chorzowie, na Krzizowo, na Polno i ... na pora jesce inkszych sztrekow (moga pedziec na jake!) sam we naszym Chorzowie, i niy ino, bo jak indzij jes blank tak samo. We Chorzowie, nale ... piechty, bo ze aultoka wicyprezidynta to zolwizol gowno widac. A i rajce sam lod nos, barzij majom we zocy poncie lebo koncyrty telkij Magdy Aniol, bo to zawdy lepszij nizli kukac kiej ludzie mogom sztalchnonc sie szlapy na Pudlerskij, na Karolce lebo na naszyj Krojcce. Nale, lod wczorej momy toplaka i ciaplyta colkim pyskiym, tak co zodyn sam u nos niy poradzi przyjnsc na drugo zajta cesty a autoki, we kierych jesce baby reskiyrujom, majom uciecha kiej utoplajom do imyntu tych, co piechty deptajom. A szolech ci ze mojom Swiekrom bez ta naszo sztreka i bola by mi sie Lona chnet tonkla we telkij jarudze (chorzowskim prziflostrowanym Slonzokom – tuplikuja co to jes „kaluza). Bezmac we jednym naszym miescie (niy byda godol we kierym, coby mie sam zowistniki ze tego naszygo radijoka niy wyciepli), rajce na gibko uchwolyli, ize kozdy erbnie ze miasta guminianny ponton, guminianno kana, coby mog we niydziela przikludzic sie do kosciola lebo (to ino chachary) do szynku. I niy trza ze roboty wyciepowac tego, kiery miol we naszym bycirku, we naszym magistracie wachowac, coby sniyg bol we miyscie lodszalflowany, bele ino sie ludzie lajstli rudle, padle, znacy wiosla, kiere idzie nojsc ino, nale to ino ... we Warszawie.
Nale, to je wszyjsko psinco. Wiycie – a niy kciolech sam prziflancowac naszym chopcom lod nartow, kierzy we Zakopanym zbajstlowali telko poruta, co ... niy idzie lo nij godac – ino pedziec cosik lo Zakopanym. Jak wszyjskie miarkujecie we Miymcach jes mocka naszych (naszych... niy godom ino lo Sonzokach, ino lo tych, kierzy tam ci jakigosik przociela, pociotka lebo ujka i prziflostrowano starka, mieli we Miymcach) przikludziyli sie do Zakopanego i kcieli udowac richtik Miymcow. Ino, co lone za tela niy poradziyli po miymiecku, nale kcieli festelnie szpanowac, dogwarzyli sie, smowili co ino bydom godac po miymiecku, coby jejich nasze mieli za tych richtik fajnych Miymcow.
– No, toz zbajstlujymy to tak – godo tyn piyrszy, kiery sie mianowol Antek. Kozdy snos sie naumi jednygo zdanio po miymiecku i przeca te gorole za Zakopanego sie niy kapnom. Kiej ino trefiymy jakiegosik gorola to jo sie zabocza jedne zdanie, ty Waldus drugie a Hajna trzecie. Ino, ino musicie je gynal boczyc!!!!
Niy zetrwalo za tela czasu i kozdy snich poradziol cosik tam po miymiecku rzyknonc, aze jejich jakisik baca napasztnol.
Antek poradziol pedziec: „wir alle drei!” (to jes: my trzech), Waldus :”f r eine Mark fünfzig” – terozki styry ojro, (znacy downij marka piyncdziesiont), a tyn lostatni Hajna naumiol sie co: „Das haben wir gleich gewusst” (to my zarozki wiedzieli). Deptajom sie tak po tych Krupowkach, po tym colkim Zakopanym (bo na bednorkach blank sie nie znali) i loroz przideptali do telkijch slodow, kaj te chopcy, kiere skokajom, deptajom na wiyrch a sam slegla ci jedna baba (co to znacy slegla, to niyftore miarkujom). Lorozki jes i policajt i szucman miyjski i lapli tych naszych szwarcowanych Miymcow.
– Fto to zrobiol – pyto sie tyn policajt tych naszych karlusow.
– Wir alle drei – godo tyn nojgupszy Antek– Nale kiej i .... za co? – pyto sie dalszij policajt.
A kole gupigo Antka styrcy Waldus i godo:
– Für eine mark fufzig !
– No, to terozki na isto pojndziecie do heresztu – slosznie godo i policajt i tyn szucman.
– Das haben wir gleich gewusst – pedziol na to Hajna i chichro sie choby nojlepszyjszy wic we szynku pedziol..
I cosik mi sie zdo, co jesce do dzisioj tam we tym hereszcie siedzom i mozno niy poradzom uwidziec, kiej naszym na tyj terozki olimpiadzie we Turynie w dupa dowajom. >>>>>
No, dobra, jo niy lo tym kciol dzisioj berac. Przeca jes jesce zima (bezmac jes, chocia juz napoczyno sie toplaka.).
Tela, co nojbarzij uciecha majom ze tyj zimy dziecka. Nasze juz we pyndzialek podeptali po feryjach do szuli i mozno jejim niy bydzie tela zol, co juz jes corozki myniuj sniyga, corozki mynij mroza a ... do szuli – kaj Dyrechtor Gmyrek we „siedymnostce juz sie niy poradzi doczkac – trza deptac. A telkie stare knakry, telkie zubry nikiej jo i moj kamrat Antek muszom kukac coby niy zaboczyc spodniokow, coby staro poflikowala wszyjskie fuzekle, i coby niy zaboczyc srogij sznuptychli, kiej napocznie ze kichola siompic. I rzyknijcie mi tak po prowdzie, bez cyganstwa, bez kminiynio, te wszyjskie, kierym juz pizlo kole szejscdziesiont lot cy niy kcieli byscie – nikiej niyftoro gadzina – napocznonc bez pora miesiyncy zimy nynac????
Niy wierza!. Jo som – kiej moja Elza depto do roboty lo siodmyj rano – to bych sie tak nojlepszij zakulol, zababulol we pierzina i nynol, nynol .... jesce bez dwa- trzi miesionce. I to niy skuli tego co jes zimno na dworze, niy! Ino coby ze tego prykola niy wylazowac. Ludzie! Przeca bali i do szynku trza sie loblyc we cwiter, jakla, watowa, szczewiki ... a niyskorzij, kiej cowiek juz cosik szluknie, to chnet napoczyno sie szwicowac, napoczyno sie mokrzic pod myckom, i to ... niy skuli tyj ustawy „lo wychowaniu we trzyzwosci”.
A som na swiycie zwierzoki, jes gadzina, kiero poradzi nojwiynkszo zima przetrzimac, chocia to jes maluskie i niy mo telkigo filipa co cowiek. Kajsik zech wyczytol (terozki idzie wszyjsko wyczytac i we „internycie”), ize jes ci telki zwierzok, kierego amerkonskie Indianery mianujom „Spiochem i wozy ino kajsik kole 50 gramow a poradzi nynac ciyngiym bez styry tydnie. Nyno we kaktusie (mozno skuli tego je mu wszyjsko jedno?) i mo ino przi sniku piync gradusow a bez rest roka wiyncyj nizli styrdziysci..
Jes i inkszy – i to bych musiol pedziej kiej indzij – ptoszek, kiery sie mianyje „lelek”. To niy jes polski (nale sam tyz telkie zyjom) i lon nyno dugszij nizli te co my miarkujymy, ize nynajom festelnie bez zima. Tyn „lelek” nyno dugszij nizli popielica, nizli swistak, lebo nizli ber. A niy godom sam lo telkim ptoku (coby mie te nasze biologi za slowecka niy chytali) „lelek kozdoj”(cigow niy cycko, chocia tak niyftorzi godajom!). I, jakech to wyczytol, to niy ino zima, nale kiej niy ma co weckac do brzucha, to niyftoro gadzina, idzie na isto, na dugo nynac. Wiela by sam szlo lo tym godac (nale, fto to kce wiedziec? ) Rzykna ino tela, co jes ci telko wiywiorka (niy naszo, niy naszo), kiero skulnie sie we telki knoltel, wlazuje do dziury we ziymi i nyno, jak przinolerzi. Ziymia moge miec i dwadziescia gradusow mroza, a ta gadzinka mo bali (minus dwa gradus) – szkryflom minus, coby zodyn niy pedziol, izech sie chybnol – i niy zamarznie jeji krew. Stryknie nale coby jom ftosik wtynczos tyknol i ... zarozki zemrzi!
Nalech sam terozki nafandzolol, pra? Tela co mie juz blank ta zima dopolola, znerwowala i tyz kciolbych coby sie jakosik gryfno pogoda, szykowno lalna narychtowala. Nale nos tak by tak jesce czeko toplaka i tela momy dobrze, co nom zodno rzyka niy wyleje, bo przeca niy godom lo Rawie, kiero juz jedyn nasz mondrok rajca aze we Kanadzie kciol spokopic co sniom zbajstlowac. Nale, nale, to jesce niy wszyjsko. Terozki godolech lo tyj gadzinie, kiero kce zima przetrzimac, a we swicie som zwierzoki, kiere kcom lato strzimac, coby niy kipli. Telkie som telkie „lemury’ (i coby fto niy wynokwiol – to som „naczelne”, tak nikiej ludzie i malupice). Te ci juzas szmarujom nynac do roztomatych dziurow, kiej jes aze trzidziysci gradusow, tela co ciepla!
I ludzie! Fto by niy kciol sie swinonc we telki maluski knoltel coby niy przenynac colko zima a i ZUS by niy musiol pynzyji posywac? Nale, ludzie tego niy poradzom i ... tela! >>>>
I tu mi sie spomniol jedyn wic ... a mozno niy wic .. ino prowda. We lonsko zima kapelonek ze naszyj „Barborki” (bo we „Jozefce som ino u naszego Farorza mondre) musiol drabko tyrac do niymocnygo, a ize niy kciol cucic Farorza, loblyk sie blank po cmoku i pofyrtol. Na sztrece zahaltowol go jedyn telki elwer, biydok i rzyko:
– Kapelonku, kapelonku, dejcie mi chocia pora ceskich na zymla!
– Nale, kiej jo chopie, jako kapelonek we „Barborce” nic niy mom, wszyjsko biere zawdy Farorz!
– Nale, kuknijcie ino kapelonku do kabzy, mozno cosik tam nojndziecie?
Kapelonek wywijo kabzy naobkolo, na rymby i tak na lostatku znod pora ceskich. Festelnie sie zdziwowol i dol tymu borokowi to co tam we tyj kabzi znod. Prziszol nazod na fara, locuciol farorza i wszyjsko mu lo tym „cudzie” lopedziol. Farorz (juz go ni ma) kuknol tak na niygo i godo:
– Suchej ino kapelonku, na juzas to sie bajstluj cuda we swojich galotach a niy we mojich ! Bo te galoty, kiere tyn kapelonek po cmoku loblyk, byli ... lod Farorza!
A terozki tak na lostatek. Lonski tydziyn lozprawiolech lo jednym mojim sznapskamracie, kierymu babeczka pichla kryki, coby niy poszol na piwo. I tu zech sie pieronym drzistnol. Bo ta jejigo slubno niy zebrala mu tych krykow, ino poszla ze miarom do marketu, coby jimu sprawic nowe, lepszyjsze, na kierych niy musiol by sie jedyn nasz taksiorz ze Chorzowa tropic coby tyn Andrzyj trefiol na te piwo. I tu widza, choby we zdrzadle naszo polityka; kozdy fto mo maluski filip to mu sie wszyjsko metlo ze jejigo palicom. I tak ci tyz bolo ze jednym telkim naszym ... dobra niy rzykna, bo sie niy werci, kiery sie na mie lo te kryki lod Andrzyja fest pogorszol.
Andrzyj, i wy wszysjkie kamraty, kiere zescie tyn wic slyszeli i widzieli – Wos to pozdrowiom festelnie: Mozno i u nos we Chorzowie Drugim nojdom sie ludzie, kiere sie miarkujom szpas, wic a niy ino .... dobra wiyncyj tyz niy rzykna, bo jesce tyn chop mog by sie dufac, co jes telki mondrok.
I jesce wic: Idzie chop ze Pniokow Krojckom. Mo kalne slypia, polomano graca i chichro sie choby gupi. Trefol go nasz Antek glacok i pyto sie:
– Coz ty gupolu sie tak chichrosz, lodkany liziesz?
– Ano ze wisiolow.
– Ponboczku lodpusc, a ze jakich wiesiolow?
– Ano, we weselo cery naszygo sekretorza, kiery terozki dziepiyro zbajstlowol wesele, a jo sam mom jejigo INTERES !!!
I jesce ino dlo mondrych slowecka Waclawa Potockiego: „...czasem zbyc zartem, co mialo cie urazac”. Mondre, pra?
I to by bolo na tela, a berol nikiej we kozdo sobota (nale ino dlo tych, kierzy sie na szpasie znajom).

Ojgyn z Pniokow