Moj z gorki / na 20 maja 2006r
Ojgyn z Pniokow 20.05.2006

No, toz momy tyn gryfny moj z gorki. Ino, z gorki, bo jesce pora tych mojowych dni sam bydzie, pra ? Slecieli te gizdowate, te zimne zegrodniki do kupy ze tom loszkliwom Zofijom, chocia tak po prowdzie to za tela sam u nos niy napochali i przeziymbnonc na isto niy szlo. Dziepiyro niyskorzij prziszli te dni ze dyscym i zdziebko loziymble. I juz nom tyro han do czyrwiynia bele jesce ci momy sam te colkie jedynoscie dni, kiej do nos przikludzi jesce jesce barzij gryfny miesionc, tyn blank gorki czyrwiyn. Ezli bydzie gorki to zodyn niy miarkuje, cheba co godo sie lo polityce sam u nos we Polsce, lo tyj polityce, kierom reskiyrujom jakiesik tam cwilingry i jejich utrzidupskie. Styknie kuknonc na to wszyjsko co sie sam u nos we tyj Warszawie wyrobio.
A kiej juz tak bele co fandzola, to moga sam jesce wciepnonc telki wic, no, mozno i niy telki festelny szpas:
Do Zakopanego przikludziyla sie telko jedna gryfno wyciyczka. Prowajder, szef tych ausflugowicow pokazuje na ta gora Giewont i godo:
– Ta srogo gora przipomino lulajoncygo, spioncygo ritera, rycyrza. Telkie stare powiadaczki godajom, co kiejby sie sam u nos we Polsce cosik lipnego, zlygo sie dziolo, na isto niydobrygo sie dziolo, to lon sie sztreknie, to tyn riter stanie, porwie sie i bydzie sie sam lo nos ringowol!!!!
– No, toz na coz lon jesce ...czeko !!! – godo jedna dziolcha ze tyj czelodki.
I do tego mi sam ganc klapuje inkszo godka, bo to niy jes szpas ani tam zodyn wic:
Suchejcie, mondroki ! Jak sie mianuje, jak sie nazywo we tym naszym Syjmie telkigo, kiery jes uczciwy, mondry i intyligyntny ???
– Niy mom anongu !
– To jes synek szkolorz, kiery do Warszawy ze colkom klasom przijechol na alsflug i terozki zwiydzo tyn colki Syjm !
I cheba niy byda sam za tela loszkliwy, kiej spomna cosik telkigo, ize terozki nom sie zdo sie telki „the amerikan way of life”, hamerikonski “styl” zycio. Bo to ci jes bali bezmac i nasz Prezidynt, kiery malo wiela sie pokazuje bele kaj, bo na gwolt uczy sie anglickiego, coby go juz blank za lebra zurnalisty ze tych roztomajtych „polskojynzycznych” cajtongow niy robiyli. Bali i Lon pokozol sie roz zalonskigo tydnia we telewizyji, kiej rzondziol te jejigo „oryndzie do narodu” ze kierego tak by tak nic niy szlo spomiarkowac. Ludzie! Cy ino Lon to poradzi robic ? Na i isto prowda jes we telkich sloweckach, we telkij mondrosci: Bo kozdy co kce plycie na tym bozym swiycie, a zolwizol nojwazniyjszo jes ... „encyklopedia” – bo wiy zawdy lepszij !!! A tak na isto, po co nom lynzyk angiylski? Przeca we naszym kraju, we tyj naszyj gryfnyj, szykownyj dziydzinie niy poradzymy ci sie blank dogodac po polsku, po naszymu !!! Styknie co sie jednego telkigo Wildsztajna wciepnie do naszyj polskij telewizyji i juz bydzie colkiym inakszij, blank dobrze, dlo tych, kiere terozki nami reskiyrujom. Nale, we lonsko strzoda bola srogo „konferyncjo prasowo” na kieryj pokozol ci sie tyz tyn nasz Przenojswiyntszy Prezidynt i fest, mocka fulol lo „Legii Warszawa”, kaj po szpilu bola diosecko chaja wszyjskich kibicow, tela co za szpilplacym ! I jesce tyz we ta gynal lonsko strzoda podszrajbowol cosik skuplowanego ze kibicoma „Legii”, jakisik „apyl”, tela co miol psinco do kupy ze Jejigo przezidynckom robotom. Chocia niyftorzi to mieli radzi, bo na lostatek poradziyli sie knipsnonc do kupy ze Prezidyntym (te ci wszyjskie angyjbery ze kancylarii musieli jejich fest pozganiac, skludzic blank wszyjskich do kupy coby jejich fresy byli we wszyjskich cajtongach ).
A tak na isto toch miol dzisioj napocznonc ze blank inkszyj faski. Nojprzodzij pora powiadaczek:
„Dobro Mamulka wiyncyj cowiekowi filipa przisporzi nizli bali i sto rechtorow.” I na isto – Ponboczku bron – niy godom sam lo tym srogim ministrze lod loswiaty!
„Lepszij kiej Mamulka rzic spiere nizli macocha uholko”.
I jesce telkie dwie powiarki, bele niy som lone tak po prowdzie nasze, nale tyz niy telkie gupie:
„Ponboczek niy mog byc wszandy, beztoz stworzol Mamulka”. „A co matka nom spiywala do kolybki pojndzie to snami aze na som kiyrhow”. Tela, co terozki niyftore Mamulki poradzom dzieckom wszyjsko dac, niyba prziklapnonc, coby ino ta malo loszkliwo dziolcha, lebo tyn maluski gizd niy wyrceli, niy wyrobiali i dali lojcom swiynty pokoj. Idom komunije, idom te swiynta we kierych dziecka mogom lod lojcow, ujkow, chmotrow erbnonc wszyjsko co sie jejim ino uzdo. Bydom to chlywiki, znacy „komorki”, znacy telefolny na kierych idzie szkryflac roztomajte gupoty i we szuli, kiej rechtor fandzoli wszyjsko to, co dziecek terozki blank niy loblajzi. Idzie erbnonc psioka, kierego, kiej ino bydzie srogszy idzie wyciepnonc na plac. Mozno i jakigosik gryfnego, rasowygo kota, kiery za pora tydni sie juz blank zmierznie i trza go bydzie wyciepnonc na plac, kaj stare baby bydom go fytrowac a niyskorzij inksze niy bydom poradziyli nynac, kiej jejich mode bydom tyrac po colkim placu, po colkim familoku i ... kaj tam jesce. Niy godom tego tak richtik dlo szpasu. Lonski tydziyn podeptali my sie ze mojom Elzom i jeji Mamulkom (a mojom Swiekrom) na planty kole tego ci naszygo krankynhalzu, kole telkij gryfnyj byratungszteli. Zicli my sie na bance, podychali zdziebko i loroz idzie dziolszka, gryfno dziolszka i cojik smycy we gracach. Kiej nos ino majtla wartko, przepasowala – podeptala na trowniol i ... gawca, kukom, slypiom niy wiyrza .. a lona to co miala we gracach pociepla na trowniol i ... bol ci to maluski mycok, krolik tela, co ze hondelajnom i lobujkiym na karku. Kiejby fto niy spokopiol, to rzykna jesce roz: tyn krolik miol lobroza i „smycz” choby srogi rotwajler na karku. Mogecie sie to wystawic: krolik na kecie na trowniolu ???
To ino poradzom wypokopic Mamulki (bo Lojce cheba niy som telkie cepiate, coby wszyjskie gupoty dzieckom sprawic) i niyskorzij jes ino lostuda. A jes i tak, kiej synek jes jakisik mondrok i poradzi cosik tam wypokopic, co niyskorzij idzie kajsik skalic i jesce betkow przidubnonc. Bolo ci tak i u nos na Pniokach, kiej staro Pytlicka trefiyla sie ze Gominiorkom.
– Wiycie Pytlicko, tyn moj Jolzel to ci jest telki mondrok, lon ci mo telko mondro palica!
– Niy godejcie Gominiorko ! A coz lon tyz telkigo wypokopiol, wysztudiyrowol ?
– Ano wiedzom loni, wyszpekulowol ci lon telkie gniozdo dlo kurow. Kiej ino wom ta kurzica sniesie jajco, to ci sie spodek tego gniozda lozewrzi i te jajco sie skulnie do telkij szyflodki na spodku. Kura gawcy sie nazod, kuko, jajca niy widzi, medikuje, ize sie lomylola, lochybiyla. Zicuje juzas na gniozdzie i snosi nowe jajco, kiere juzas sie skulnie do szuflodki. Tak ci sie wom porzond chybi, szydzi sie i sklodo, snoszo, tak, co niyroz i do kopy sie dokludzi, dociongnie ...
Jajca, kurzice, hyndyki i inksze ptoki ... a sam corozki barzij poseblykane nasze dziolchy ... stare szlomplety tyz ... chocia to juz niy zawdy jes telkie gryfne, i niy zawdy chopom sie widzi. Kiej jo terozki gawca na te wszyjskie fest poseblykane dziolchy (i te niyftore stare mamzele) to mi sie spomino wic Groucho Marxa:
Baba, tak mocno po styrdziestce godo do kamratki:
– Wiysz! Ubezpieczolach moje giyry, moje klepyty na colki milijon dularow !!!
Kamratka tak gawcy, kuko gynal ze kozdyj zajty, swidrzi na nia i niyskorzij pyto:
– A cozes ty zrobiyla ze tym .... colkim „ubezpieczyniym”????
I tyn wic mi sie gynal skuplowol ze jednym telkim jednym falym:
Trefiolech ci pora dni tymu nazod jedna paniczka, hrabinia, nale tyz i lampucera, kiero mie jesce boczyla lod mojij hilfki. Pogodali my sie zdziebko i na lostatek rzykla mi lona:
– Wiysz Ojgyn, jo sie juz festelnie przimykom do styrdziystki ...
Niy kciolech byc soroniym – boch ze tom babom tyrolech do jednyj szuli – i opaternie jeji ino tela godom:
– A ze kieryj zajty?
I niy poradza ci gynal zmiarkowac po jakiymu sie lona na mie pogorszola?
A kiejzech sam tela lo niyftorych babach fandzolol rzykna ino jesce jedyn fal:
Na naszyj Krojcce tryfiyli sie dwie kamratki. Jedna snich godo do tyj drugij:
– Wiysz, ida ci terozki nazod ze tego wywolanego „salonu kosmetycznego” !
– Ja ? Niy godej, idziesz ze tego zalonu? I co ... bol zawarty ?
Nale, nale, jes ci tyz gryfno ryklama. Godo w nij jedna telko downiyjszo spiywoczka (lo, fest nale to fest downiyjszo, bo terozki juz cheba niy poradzi wiskac, kiej ci jom do ryklamy wziyni), Natalia Kukulsko. Godo ci lona we tyj reklamie tak:
„Czyste pragnienie musi zaowocowac” co juzas, kiej sie to na nasze przetuplikuje, gynal klapuje wszyjskim mojim sznapskamratom we gospodzie:
„Richticzny katzynjamer musi na isto czymsik tam zalowocowac, znacy – musi byc juzas dobro achtelka lebo setka!” Pra ?
Nale, nale, wice na bok, szlus sniymi, no, bo trza nom sam boczyc wszyjskim lo tym – co jo juz sam przodzij godol – ize dwadziestego szostego moja jes „Dziyn Mamulki” !!! Jedyn telki dziyn, kiej niyftore loszkliwce, gizdonie jesce jakosik bluma jejich Mamulkom przismycom, choby ino skuli tego, co telko Mamulka dobro halbecka na stol postawi. A dejcie ino sam pozor! Kozdy miarkuje kole sia, co som starecki, festelnie zmochane, usiotane tym zywobyciym, kiere majom cery, synkow, nale, kierzy lo nich blank niy boczom. Niyjedna telko starka niy poradzi sie doczkac coby jom cera ze ziynciym lebo synek ze niywiostkom nawiedziyli. Bali i bez gyszynku, i bez kwiotka, bele ino przikarycyli sie roz do roka do swojij Mamulki, do tyj, kiero jejim zycie dala, i flyjgowala podwiyl niy polejzli na swoje.
Mogbych sam mocka lo tym fandzolic, nale niy kca, bo we piontek bydzie te swiynto przi kierym niy idzie wynokwiac, niy idzie jamrowac. Chocia, musza sam jedne rzyknonc. Wczorej, we piontek szolech ci, nikiej kozdy dziyn, ze mojom Mamulkom, ze Swiekrom na gryfny szpacyr. Idymy naszom sztrekom (Dombka sie mianuje) i dwie siynie dalszij moji siyni styrcy na „chodniku” altok, telki, co to wojzi roztomajty towor. Jo musiol ze Mamulkom slujz ze tego lojfra bo niy bolo placu dlo tych, kierzi deptajom piechty. A tyn szofer, mody karlus jesce ci sie rozciepol – kiejech mu zdziebko nazdol – co lon sam styrcy skuli tego co szranki i inksze myjble przikludziol. Tela ... co za dwie-trzi minuty wyjejzli ze siyni trzi gryfne dziolchy, wkarowali sie do tego altoka i ... pojechali. Piyrszy roz we tych mojich szejscdziesiynciu latach spomiarkowolech co trzi dziolchy (gryfne) mogom sie mianowac „mebloma” !!! I coby sie niy nerwowac napocznolech sie wiskac gryfno spiywka ze Radia Piekary: „Bo nojszczysniyjszy chop na swiycie, jes ze cajtongiym na klozycie”.
I dejcie sie sam pozor! Jes jesce cosik na tym swiycie. Cowiek medikuje, medikuje i niy poradzi wypokopic co tyz bez noc sie sniym dzieje. A bezsynnosc to ci robi krotszy snik, nale niy zawdy nasze zywobycie jes dugsze; chocia poniykiedy robi sie je barzij interesantnym !!! Nale, styknie wynokwianio. Niech bydzie deczko gryfnij, i do kupy, i dlo spominanio Mamulkowygo swiynta: „Maminno rynka jes miyntko, bali i kiej niom po rzici piere”.
I nikiej to downij godali : „Wszyjsko jes do porzondku i nic sie niy stanylo, a kiej sie bali i cosik stanylo, to zolwizol jes do porzondku, skuli tego, co iberhaupt sie cosik dziyje !!!” A na lostatek jesce – ezli fto boczy ? – gryfno spiywka do slowecek Ludwika Kondratowicza:
„Po nocnej rosie
Plyn, dzwieczny glosie,
Niech sie twe echo rozszerzy,
Gdzie nasza chatka
Gdzie stara matka
Krzata sie kolo wieczerzy.”
I to by bolo na dzisioj a faflol nikiej we kozdo sobota

Ojgyn z Pniokow