Feryje zbyte / na 26 sierpnia 2006r
Ojgyn z Pniokow 26.08.2006

No, toz momy wszyjskie juz te latowe feryje zbyte. Po jakiymu szkryflom momy? Ano skuli tego, co niy ino dziecka jamrujom na fajrant szkolnygo lata, nale i lojce, kiere niy poradzom nastyknonc ze zlociokami na te wszyjskie rzecy dzieckom na nowy rok szkolny, te wszyjskie ksionzki do kozdyj szuli inksze, bali i we jednyj szuli, kozdy rechtor koze sie sprawic tyz inksze. Kiej jo deptol do tyj szykownyj mojij „siedymnostki”, to tyn jedyn slabikorz, tyn „elementarz” Falskigo szlo i za siedym lot inkszymu synkowi sprawic. A terozki ? A terozki to kabzy ino folujom te wszyjskie wydawce, te wszyjskie, kiere na tym „kasa” bajstlujom, a kierym tyn nowy ministyrialny Rosynant dowo zwol i jesce bydzie jakiesik „przetargi” robiol. A jo sie pytom: kaj som te tonie ksionzki, kaj ? Przeca momy (ino na papiorze i we godaniu tych wszyjskich, kierzy terozki chnet lod roka noma reskiyrujom) ta telko szykowno „polityka prorodzinno” i te tonie panstwo, pra? To niech mi to ftosik sam wyekleruje, po jakiymu, skuli cego we familijach kaj jes pora dziecek niy idzie te same ksionzki, kiej je dziecka szporujom, dowac jednymu po drugim, coby niy trza bolo kozdy rok sprowiac juzas nowe ? Nale – tak ci sie uburdalo sam tym niyftorym angyjberom, kierym sie zdo, co wszyjskie filipy pozjodali – bydymy mieli terozki inkszo szula, kaj bydzie mocka wiyncyj katechetkow i tych colkich (Ponboczku lodpusc mi tyn grzych) „historikerow” nizli ludzi, kierzy poradzom dziecka, a jesce barzij, modziokow czegosik naumiec. Bo to, co bydom poradzic nasz hymn zawiskac (niy, jo sie niy chichrom ze tego, kiery ci i sztrofek hymnu przepomniol) to jesce blank niy wszyjsko. Do terozka szkolorze nasze i roztamajte inksze olympiady we Ojropie poradziyli zawdy wygrywac tela, co terozki we tyj loszkliwyj Ojropie pewnikiym niy zbajstlujom olympiady „historii Polski” podle ... no, wiycie kogo, pra? Bo we Ojropie jes na isto ino jedna historio, niy tajlowano na naszo i waszo. Katolicko, polsko i mozno jakosik wanielicko i miymiecko.
I tu mi sie jedyn fal gryfny spomniol, kiery idzie sknoltlowac ze tymi roztomajtymi zortoma historii. Familijo ze Polski zakludziyla sie kiejsik do Miymiec, do jejich downiyjszych pociotkow, przocieli. Te Poloki byli, jak przinolezi katoliki, a te miymieckie przociele richticzne wanieliki. Na lodwieczerz styrolytnigo synka tych Polokow wrajziyli do badywanny, a ize Miymce som fest szporobliwe, to tyz do kupy sniym wrajziyli swoja, tyz styrolytnio, cerzicka.Tyn spikol tak gawcy bez te mydliny na ta dziolszka, kuko i loroz ci godo:
– Ponboczku! A joch niy miarkowol, ize miyndzy katolikoma a wanielikoma jes ci telko srogo roznica !!!
Nale, te wynokwianie mozno ino beztoz, ize kiej tak cowiekowi piznie wiyncyj nizli szejscdziesiont lot, to jimu sie zdo, ize wszyjsko juz miarkuje, wszyjsko wiy, wszyjskie juz filipy weckol. Tela, ize ci juz ino malowiela ze tego boczy, ze tego pamiynto. Chocia, bo jo wiym, cy to tak na isto prowda?
A wiycie Wy co? Jak miarkujecie, fto wypokopiol tak richtik te latowe feryje, te latowe wywczasy dlo colkich familiji? Za tyj loszkliwyj „komony” to chnet wszyjskie te, kiere robiyli (a elwrow bezmac u nos we Polsce niy bolo) mogli sie lajstnonc gryfno rajza na wywczasy. I cy to bolo nad nasze polskie morze, cy to sie ludzie wykludzali do Bulgarii, Do Rusa, do NRD-owa, to zawdy tam byli jakiesik wywczasy, i to dlo colkij familiji, prowda? A jo naszol we jednym telkim gryfnym cajtongu, ize to wszyjsko sie napoczlo u Zabojadow, we Francji. A bolo ci to nesci tak: Wiesna i lato we tyj Francji we 1936 roku bajstlowali telko malusko „rewolta” i wyringowali wszyjskich te lywicowe partyje zabojadow. Byli roztomajte sztrejki nikiej u nos we 80 roku, bajzlowali, wyrobiali i na lostatek (godom to blank „kurz und bündig” jak godajom richticzne Miymce, kierych jes u nos ci corozki latos wiyncyj) colko chnet Francja lostowo stoc, haltuje, nic niy robi. Ichni prezidynt kazuje jednymu telkimu, kiery sie Léon Blum mianuje, coby wartko jakisik rzond we tyj Francji lobsztalowol. A bolo to kajsik przi napocznoiynciu czyrwiynia. Tyn colki Blum podszrajbowol ze ichniom „Solidarnosciom”, ze ichniymi zwionzkami zawodowymi telkie „uklady z Matignon”. Coby sam za tela niy fandzolic rzykna ino, ize zbajstlowali telko ustawa we kieryj bolo ci gynal naszrajbowane, ize te robole, arbajtery bydom, miasto styrdziysci loziym godzin we tydniu, ino robic styrdziysci. Tyn prymier jesce wypokopiol telkie ministyrstwo szportu i frajnygo czasu, kierym miol reskiyrowac inkszy mondrok Léo Lagrange. Tyn ci juzas wszyjskim eklerowol, co bez te frajne dwa tydnie wykludzac sie kajsik na swiyzy luft, na wywczasy. I coby to jesce do wszyjskich palicow wlazlo, wystudiyrowol ci bol, ize colkie familije, kiere bydom kcieli kajsik do kupy na te wywczasy wypolic erbnom aze 40 % tonij listecki na cug do dziedziny, kiero sie lobierom. I tym to tuplym ludziska napoczli na te feryje sie wybiyrac. Gynal siedymdziesiont lot pizlo ci latos, kiej napoczli sie te familijne wywczasy. A loszkliwce urzinali, lachali sie ze tego colkigo ministra (byli to te „zgnite” kapitalisty – nikiej zawdy lo nich „komuna” godala), ize tyn istny wypokopiol ci tydziyn ze dwiyma niydzielami. Nale, terozki Zabojady jesce mynij robiom i wszyjsko jes do porzondku, pra? A, co jejim i nom lostalo, to tyz jes gryfne, tela co terozki u nos idzie juzas lo cosik blank inkszego, lo to, co te ze tych „wsiepolskich” latos wynokwiajom. Godom sam – a juzech to tyz kiejsik spominol – lo frajnych niydzielach, nale ino dlo ludzi we tych „super- i hipermarketach”. Rzecy majom mozno i prawie, bo przeca momy te trzecie przikozanie boskie. Tela, co to niy jes gynal tak nikiej to te angyjbery mekrujom. Bo dejcie sie pozor ! Juz telki jedyn mondrok Italijok – Umberto Eco – jakiesik piytnoscie lot tymu nazod naszkryflol pora gryfnych slowecek lo tych wszyjskich niydzielach. Cowiek mo „dziyn swiynty swiyncic” pra? Znacy sie, niy mo blank nic robic. Nale tak niy idzie przeca. Som po prowdzie jesce telkie – nikiej to modroki godajom – „ortodoksyjne” Zydy i te ci majom szabas. To ci dziepiyro sniymi som mecyje. Lone muszom bali i telewizyjor zaszaltrowac juz na lodwieczerz dziyn przodzij, coby ino nic we tyn szbas niy robic. Nic, nale to jesce psinco. Bezmac som kajsik we Jerozolimie telkie szole, windy we hotylach, kiere same sztopujom na kozdym sztoku, coby te istne niy musieli nacisc knefla. Bo u nich to jes ta starodowno mondrosc: jak nic niy robic, to blank nic. Kiej mosz loddychnonc po colkim tydniu roboty to, to musi byc gynal loddychniyncie, i to lod wszyjskigo, i lod roboty, i lod colkotydniowyj utropy i lod staranio; musisz przepomniec lo wszyjskim. We naszym, katolickim swiycie do tego niydziylnego loddychniyncio zodyn niy podlajziol ze srogim reszpektym. Po prowdzie farorzycki ze ambony wyrceli tam po swojich parafianach, kiere we niydziela wylazowali do pola i cosik tam kosiyli, lebo lorali, rzynyli gadzina na pasionek nale, niy bolo we tym jakigosik tam „fanatyzmu”. Bola jesce telko, jak to mianowali, „sluzba publiczno”, wszyjskie ichnie fojermany, szucmany, policajty, szoferoki we busach, szafnery we bankach, baniorze i fto tam jesce. Kiej ci jesce we tych lostatnich porudziesiynciolyciach niydziela sie zrobiola telkim dniym, ize kozdy napoczynol gupiec i kasprowac, corozki wiyncyj bolo fachow, kiere snadno nojwiyncyj bakali razinku we niydziela. Hotylorze, retery nad morzym lebo te na basingach, tych wszyjskich na tanksztelach i srogij kolony roztomajtych handlyrzy niydziylnych. I tych wszyjskich ludzi jes corozki wiyncyj, coby te istne, kiere sie wykludzajom, chocia ino na dwa dni ze miasta na alsflug, mieli wszyjsko co jejim potrza do gryfnego, szykownego loddychniyncio na swiyzym lufcie. I wszyjskie te na morzu, na plosach, sublach – kiere kcom wstyrknonc jejich autok na parkplacu, kiere gracajom we motorach, kiere sznupiom za altomechanikierym, kiej jejim swiyca prasknie, kierzy ze folglym we slypiach sztrekujom swoj moderny altok coby zwekslowac w niym kolo, to przeca ciyngiym robiom i blank niy zwazujom i tego „swiyntygo dnia” niy swiyncom, pra? To rzyknijcie mi ino po jakiymu te ino sprzedowacki i te wszyjskie inksze we tych super-i hipermarkytach razinku majom miec frajny dziyn a rest bako, drugda i barzij we niydziela nizli na beztydziyn ? Bezmac to skuli tego coby colkie familije byli do kupy. Gryfnie to wystudiyrowali, nale cy te niyftore dziecka, kiej uwidzom faterka lod ranca przi halbecce, te babeczki, kiere muszom we niydziela pranie prac, bo bez tydziyn niy majom na to czasu ani szkrabki, tak ci na isto tropiom sie lo tych, kiere muszom robic we markytach ? Cheba niy lo to idzie, niy lo to sie rozlajzi. A kiej niy idzie sie zmiarkowac lo co tyz tak gynal sie rozlajzi, to pewnikiym idzie lo pijondze. Nale to juz jes inkszo pora galot i styknie tego mojigo wynokwianio !
Nale, latowe feryje, to tyz jes czos kiej ludziom sie przitrefiajom roztomajte, na isto dziwucne, z niynazdanio fale. Tak nikiej i mie juz downo, downo tymu nazod we Moskwie. Byli my tam ze mojom Elzom, kiej my sie wrocali nazod ze telkich wywczasow na Krymie we Soczi. Landowali my na flugplacu Wnukowo a dalszij do Polski mieli my furgac ze inkszego, ze telkigo wywolanego flugplacu, ze Szeremietiewa. Mieli my ci pora godzin fraj i beztoz deptali my po tyj Moskwie, coby jesce cosik krom tego naszygo gryfnego hotylu „Ukraina” lobejrzec. I loroz, a idymy sie tak kole krymlowskigo muru, widza ci tak juz ze porudziesiynciuch myjtrow znajomo gymba, flapica jednego gryfnego karlusa. No, mozno niy karlusa, chocia mie tyz sie zdowalo, ize jo jes jesce karlus, tela co zyniaty i juz jakiesik trzidziysci lot stary. Gryfnego, tyz za tela pedziane; ryzy ci bol, krziwo gymba i telki jakisik cheba chycony. Szol ci lon ku mie. A jo, nikiej na lostuda, niy poradziolech ci sie blank spomniec, fto to jes, ani jak ci go mianujom. Wiycie, to sie richtik porzond moge kozdymu przitrefic, nojbarzij fort we inkszym kraju. Gymba we telkim ci zwekslowanym lotoczyniu poradzi fest we palicy namotlac. Znom ta flapa, na isto musza sztopnonc i sie prziwitac, pogodac zdziebko, choby ino tyn istny miol sie ino spytac: „Serwus Ojgyn, jak sie mosz, co sam robisz?” abo bali i cosik inkszego: „No, i jak tam ? Zrobioles to, co zech ci godol?”. A Jo juzas blank niy miarkowolbych, co tyz jimu mom lopedziec. Nic, ino musza markiyrowac, izech ci go niy merknol, niy spomiarkowol. Nale, na to juz jes za niyskoro, bo tyn istny jes na drugij zajcie tyj sztreki i ciyngiym gawcy ci na mie. Mozno nojlepszij bydzie, kiej jo napoczna, prziwitom sie i niyskorzj, kiej sie juz po sztimie, po piyrszych jejigo sloweckach kapna mozno fto to jes, byda dalszij sztalnowac, coby na ipty, na gupieloka niy wylyjzc. Juz my som ino pora krokow lod sia, juz mom sie na gymba przflostrowac telkie lachniyncie lod dakla do dakla, kiej loroz ci mie fest loswiyciylo, kiejech ci go poznol. To bol Daniel Olbrychski ! No, przecamc zodyn nos ze sia niy poznol, i jo blank bych sie niy poradziol wtynczos wystawic, ize wlejza na niygo, i jesce byda miarkowol, co to jes jakisik moj kamrat. Nale, przeca znolech go tela, co ze telewizyji lebo ze roztomajtych filmow we kierych lon bol srogim szlszpilerym. Na lostatni driker haltnolech, wybrymzowolech zdziebko, zahaltowol i, slypia w luft, zedrzilech go ze lewyj zajty. Dugoch niyskorzij zech lo tym falu medikowol. I Wiycie, to sie pewnikiym kozdymu snos juz przitrefiylo, bo wiela cowiek ludzi zno, miarkuje ino ze tego szklannygo szalfynstra, ze tego radijoka z lufcikiym – jak to godol lo telewizyji Stefan Wiechecki-Wiech. A kajsik daleko lod chalupy, kiej cowiek niu moge sie spodzioc jakigosik kamrata, te telewizyjne fresy zarozki wlazujom do loka i cowiekowi sie zdo, ize wszyjskich naobkolo zno i miarkuje. A tyn colki Daniel Olbrychski na isto jes telki stary co jo, bo – jakech sie niyskorzij lod niygo samygo zwiedziol – uploncnolo cie 27 lutego styrdziystego piontego roka tela, ize we Lowiczu; i niy jes to nasz ino gorol, pra ? A kiej my som przi Moskwie, to tyz spomnieli mi sie jedne Ruskie, kierych kiejsik znolech: Masza i Grigorij. Zawdy kcieli ci lobejrzec ta festelnie wywolano Galerio Trietiakowsko we Moskwie, nale betkow jejim styklo zawdy ino na gorzola i pol fonta szpeku.
A coby tyn colki sezon logorkowy niy kuplowol sie ino ze tom stworom ze Loch Ness, nasze angyjbery, te wszyjskie utrzidupskie lod tego dupnego Rosynanta ze konskom fresom wysztudiyrowali, co we Polsce nazod mo byc „kara smiyrci”. Ja, tyn kurduplowaty wicy-Giertych tuplikowol nom, co to musi na isto byc, bo inakszij tyn nasz, chnet colkiym katolicki kraj, zyjndzie na psy, niy bydzie telki monter, coby sie go inksze strachali. Zolwizol, nikiej bez colkie dwiesta lot zodyn sie nos niy stracho, zodyn nos we zocy niy mo (bez lostatnich pora miesiyncy juz blank nos majom we swiycie i we Ojropie – we rzici). I terozki, jo ci blank niy poradza spokopic jednygo: Polska, nikiej gryfny ojropyjski kraj, srogo ojropyjsko dziydzina, wyciepla ze naszygo „kodyksu prawnygo” telko, lostatnio, nojsrogszo „kara smiyrci”. Bolo to we dziewiyncdziesiontym szostym roku lonskigo stulycio. A terozki te angyjbery, te colkie panarydzykowe politykiery, kcom, coby colko Ojropa juzas wszyjskim tym, kierzy cosik zbajstlowali, komus na lostuda zrobiyli, kogos praskli, jakimusik dzieciokowi krziwda lobsztalowali – blank leby jejim lodchlastla, cy fto jes winowaty, dluzny cy niy, bele go ino uchlastnonc bez ta leb. Wiycie, tego niy poradza spokopic, te, co to ciyngiym walkujom, sztyjc idom na fol, ize som nojbarzij „katolickom” partyjom (a mozno ino jejim sie tak zdo? bo rest juz mo jejich polno rzic) kcom coby niyftorych we Polsce, a mozno i we Ojropie zakaptrupic. To tyz jes ta colko „kampania wyborczo”. Niy idzie ludziom cosik ze cwekiym snochwic, to idzie ciyngiym ci kymfowac sie lo to, coby niy bolo tych colkich „aborcji” lebo tych wszyjskich „eutanazji”, bo to sie bezmala wadzi, bo to buli pionte przikozanie boskie. A „kara smiyrci” niy ???? A ta kara smiyrci jes gryfno, bo idzie na tym pora tysiyncy glosow we latosnyj „kampanii wyborczej” do samorzondow erbnonc. Tym typlym tych wszyjskich, kierym zawdy wszyjsko niy klapowalo, i kierzy niy miarkujom, co my juz som we tyj Ojropie, a ino telkie angyjbery kcom to wszyjsko lod napoczniyncio zwekslowac.
A jo ci prziszol na te idy, coby jakigosik skozanygo, jakigosik srogigo rabsika, bandyty, kierego juz skozali na ta kara smiyrci, pokazowac we telewizyji, kiej ci go bydom zakatrupiac, kiej ci go juz do imyntu zaciukajom. I to, ta naszo, terozki „misyjno” wildsteinowsko telewizyjo musiala by to pokazowac tak kajsik kole siodmyj na lodwieczerz, coby jak nojwiyncyj ludzi to poradziylo sie to lobejrzec. Mo to byc kole wieczerzy lebo wtynczos, kiej niyftore juz sie rychtujom do dlaskow te roztomajte „drinki” – nikiej to sie terozki tak mianuje. Suchejcie, musi ci to byc gynal wtynczos kiej ludzie sie juz zicli za stolym, na kierym jes gryfny bioly tisztuch, bo – kiejby tego istnygo wiyszali – jak napocznie praskac tyn jejigo gynik, bydzie miol telkie dyrgowki basiska i bydzie ci jesce wiyrgol szlapami we lufcie, to bydzie ci to gynal sztimowalo ze lykaniym konskow wieczerzy, tego narychtowanego gryfnego jodla. Nie miarkuja co sam jesce u nos wypokopiom, nale skuli tego co my terozki nikiej malupice, bierymy wszyjsko lod Hamerikona, to tyz mozno jesce i u nos zbajstlujom tyn colki elekstrycny, sztromowy stolek. Tu by sie werciylo, coby tyn skozaniec na tym „krzesle elektrycznym” skwiyrczol tak zdziebko, pora kwilek, kiej te, co to terozki ta kara smiyrci wypokopiyli mogli sie przi tym posuchac, co tyz ze naszyj kuchyni dolatuje, kiej skwiyrcom ci jajca na masle, lebo parszczy sie gryfno smazonka. Moge byc jesce komora gazowo. To tyz by sie gryfnie we telewizyji pokazowalo, kiej chopowi kozom festelnie dychac, a niyskorzij mo szykowne „telewizyjne” dyrgowki. Bo ezli idzie lo ta kara smiyrci to som ci, i to niy ino u nos, dwie zorty ludzi. Jedne to som te, kiere niy majom radzi tego, drugie to te, kiere ciyngiym terozki – nikiej ta nojbarzij katolicko partyjo – na gwolt kcom coby niy ino u nos, nale i we colkij Ojropie napoczli blank lod nowa zaciukowac roztomajtych chacharow. Dzisz, ezli mosz rod ta colko kara smiyrci, to na isto musiolbys sie tuplowac, zgodzac sie na to, coby gawcyc sie na telkigo istnygo, kiery wiyrgo, melo sie, dyrgo sie, wyrywo, zalyknie sie, zesro sie przi tym i ... loddowo swoja fest grzyszno dyszycka Ponboczkowi. Bo przeca, kiej sam Ty spomogosz ta nojsrogszo kara, to tyz musisz miec jakosik szecyjo, smak tego wszyjskigo, kiej bydziesz ckol, slepol, bajstlowol co ci sie ino rzywnie ubzdo we izbie, roncz zwazowosz co to jes dobre i sloszne, pra? I to by bolo na dzisioj a berol nikiej we kozdo sobota

Ojgyn z Pniokow