Juz przikwanckol sie luty! / na 03 lutego 2007r
Ojgyn z Pniokow 03.02.2007

No, toz momy juz luty, zawdy kiejsik lostry zimowy miesionc. Latos jes wszyjsko nalopach. Po prowdzie zdziebko zimy na lostatek stycznia bolo, malo wiela sniyga nasulo tela, co to terozki tyj richticznyj, tyj prowdziwyj zimy jesce sam u nos niy ma. Mozno to i dobrze, chocia nasze chorzowskie dziecka sie festelnie tropiom jak tyz to bydzie ze jejich ferijami. Bo przeca wywczasy kajsik we gorach a bez sniega to gynal tak choby lizac bombony bez papiorek abo woniac wuszt bez szalfynster u masarza. I sam mi sie spomniol telki jedyn fal tela, co jesce ze tyj lonskij zimy. Przilazuje do dom jedyn bajtel, taki bulik zgichany, utoplany na isto jak niyboskie stworzyni.
– Jezderkusie ! Hanysku, a co to ci sie stanylo? Wlecioles kajsik do subla, lod ci sie pod cia zynknol abo co?
– Eeee tam, zodyn lod sie niy zynknol i jo nikaj zech sie niy skipnol, ino grali my sie na placu we ... psa !!!
– We „psa” ? No, toz rzyknij ty mi ino po jakiymu jezes taki blank utonkany ?
– Ano, bo na mie trefiylo coby byc ... laternom !!!
To bol mozno ino telki malo szpasowny wic a terozki blank ze inkszyj faski tela, co tyz jesce lo dzieckach. Wiycie, tak sie miarkuja, ize ludzie sie dziwujom po jakiymu terozki dziecka a jesce barzij modzioki som take frechowne, grubelacke i loszkliwe? Jedne rzondzom, co to jes beztoz, ize lojce a jesce barzij starziki na wszyjsko jejim dowajom zwola, ize wszyjsko tym najduchom lza robic i zodnego niy miec we zocy i reszpekcie. Lojce sie festnie radujom, kiej jejich „pociycha” poradzi sie roztopiyrzac we swojim zywobyciu, ze niy szibnie sie ze zica w bance, kiej wlejzie ftosik zwiekowany, niy do zodnymu placu we dzwiyrzach, ino ryje sie rajn przed starkom abo starzikiym. Somech niy roz widziol we bance, autobusie abo cugu, kiej ftosik robi plac mamulce a lona na zic koze siednonc piyncio-szejscioletnij sruli lebo pojscancowi a sama styrcy na szlapach. Kiejech cosik takigo uwidziol we autobusie – juzech sam lo tym klachol – toch zarozki jo sciep tego podciepa ze zica i somech sie zicnol, chocia jejigo mamulka, tako mokwa, szandara lozdarla na mie pychol i sprzezywala lod „pedofili” i inkszych jesce takich. Godajom niyftorzi, co za starego piyrwyj takich rozwiydzionych dziecek, takich rozdyntkow niy bolo. Mozno i byli tela, co jo jesce bocza mojigo Tatulka (a jesce barzij moja Mamulka) lod kierych zarozki dostolbych po pycholu, kiejby mi sie przidrzilo cosik niygryfnego zbajstlowac abo lodpedziec, lofuknonc jakimus starszyjszymu cowiekowi. Terozki bezmac jes inksze chowanie, niy trzimo sie dziecek sztrynk, niy ma wycwiki, niy ma moresu. Dziecek niy mozno piznonc; ani tatulek, ani mamulka ani – tym barzij – rechtor we szuli. Mozno to i dobrze tela, co kiejsik jo i lod mojij Mamulki nachytol niy roz, i lod rechtora, starego Richata Depty prondkiym po gracach zech dostol i wyloz zech tyz na ludzi (a mozno to ino mie sie tak zdo) i krziwdy mi niy bolo. Lorozki tyn loswiatowy Rozsynant, srogo konsko fresa ciyngiym fandzoli lo jakimsik tam „zero tolerancji” bo cosik mu sie we jednyj szuli niy zdalo a przeca juz downo, downo tymu jedyn francuski kunstler naszkryflol bol – jak to terozki mondroki mianujom – „komiks” lo stworzyniu swiata bez Ponboczka. I bol ci tam jedyn gryfny fal: Ponboczek prziflostrowol cowiekowi ze zadku dwa polrzitki a to skuli tego, coby bolo go za dziecka – kiejby cosik napochol – kaj prasknonc, bez co przirzynonc a na starosc, coby miol na cym sie gryfnie zicnonc. Terozki jes blank inakszij. Pewnikiym uwidzieliscie juz we telewizyji tych najduchow, zasrancow, loszkliwych spikoli ze kierymi lojce blank niy poradzom szczimac ani niy poradzom przijnsc dran. Musi przikulwitac sie dziepiyro ta „superniania”, coby wylonacyc we tyj familiji jakisik ordnong. A styklo by chocia roz prasknonc w rzic i mozno zarozki bolby we chalupie pokoj. Miast tego idzie terozki lod kielanostu dni uwidziec we telewizji tako ryklama, ludzie, dejcie pozor! Familijo wybiyro sie na wywczasy, slazuje przed chalupa juz ze koframi a sam autok jim pichli. Kiej to uwidziala tako jedna myjdla, jejich festnie rozwiynzlo dziolszka, jak ci niy switnie swojigo lojca we szinkbajn. Ludzie! Przeca to sie we palicy niy miysci, coby dziecko poradziolo swojigo lojca switnonc. Jak to moja Starka godali – takimu gizdowi to by musiala zarozki ta szlapa uswiyrknonc do imyntu! Styknie, co we jakisik ryklamie ftosik pokoze konsek cycka abo polrzitki we tych modernych „stringach” to zarozki te wszyjskie „swiyntoj ...” – wiycie jakie, pra? – robiom rojmong, larmo na colki karpyntel i na colko Polska, ize to jes lobraza bosko. No, ale kiej taki jscoch switnie lojca, to przeca nic sie niy stalo, przeca dzieckom wszyjsko sam u nos lza. I kaj jes tyn colki Giertych ze tym jejigo wywolanym „zerym tolyrancji” ? Przeca to wszyjsko, te wszyjskie jejigo knify som tak szpasowne, choby ci wol jscol na „Mona Liza”. Mozno mi sam po dzisiyjszym ftosik rzyknie, co jo same swinstwa godom, ize mom rod berezdzic. Ezli jo jes taki grubelacki, mom taki niywyparzony pysk, to co dziepiyro pedziec lo tych wszyjskich najduchach, lo tych wszyjskich szkolorzach, kiere (a dziolchy terozki mozno jesce barzij nizli chopcy) ci tak sklinajom, tak pieronujom, takim flapsym we godce ciepiom, ize mie, starymu knakrowi uchole poradzom zwiyngnonc. Styknie, co ino lozewrza lokno na ta moja szula, na ta moja „siedymnostka” kiej ci te szkolorze majom srogo palza miyndzy sztondami we szuli. Widziolech kiejsik bez lato jak na kole jechali dwie szykowne dziolszki. Jak lone ci poradziyli sklinac toch jesce lod nojgorszyjszego formona niy uslyszol. Pyndalowali tak na tych kolach bez colko moja ulica i ani roz niy wypedzieli tego samygo lobmierzlego slowecka. To na isto bolo yjklich mi suchac, chocia jo juz niy jedne, kiejech bakol we werku – slyszol. I pewnikiym tego sie lod lojcow niy naumieli chocia juz za starego piyrwyj lozprawiali ludzie telki wic.
– Mamulko, mamulko a nasz Lojzik pedziol dzisioj na placu na naszego tatulka festnie zadne, loszkliwe i grubelackie slowecko.
– A jake, jake? Rzyknij mi je Cilko, rzyknij!
– A niy moga mamulko pedziec bo byscie mie jesce po rzici zeprali.
– Niy boj sie Cilko, nic ci niy zrobia, ino mi rzyknij jak tyz to Lojzik pedziol lo naszym tatulku?
– Niy mamulko, niy moga pedziec. No, ale rzyknijcie wy mi terozki sam przodzij wszyjskie te slowecka, kiere ciepiecie na naszego tatulka we lutosci, kiej ci to wos mamulko mory bierom, a jo wom wtynczos rzykna, kiere to slowecko bolo !
Tela, co jo kciol sam jesce rzondzic lo czymsik blank mozno inkszym.
Jo ci tam kiejsik jamrowol skuli tego dioseckigo internytu. Terozki musza pedziec, co lon niy jes taki juzas blank zadny. Kiejech tak w niym sznupol naszolech pora szykownych konskow, ze kierych idzie gryfne wice wypiytnoscic. Choby taki:
Kejsik we Tatrach nad takom srogom tifom, nad przeposciom wisieli na sznorze jedynoscie ludzi; dziesiync chopa i jedna baba. Ta sznora niy bola ci jednakowoz za tela sztramsko, coby wszyjskich, kierzy na nij wisieli zdziyrzec, coby wszyjskie mogli lobstoc na nij. Ftos musiol sie tyj sznory puscic, musiol by sie lod tyj sznory lodkuplowac, coby rest do kupy niy sleciol na zlomanie gnypa. Po jakisik kwilce baba godo, co lona sie lod tyj sznory lodkupluje, bo przecamc wszyjskie baby sie zawdy za wszyjskich, za dziecka i za chopow we jejich zywobyciu poswiyncajom. Bez loka mrzik bolo blank cichusko i loroz wszyjskie chopy napoczli klaskac. No i stalo sie. Miarkujecie, prowda? I tu trza zawdy chopy dowac pozor ! Na isto niy idzie prziklaskowac zawdy i wszyjskimu co tyz to baby wypokopiom, co tyz baby we jejich palicach wystudiyrujom !!!
A coby bola glajcha to terozki ze inkszyj zorty. Mom i jesce jedyn wic, tela coch go zdziebko po mojimu przelonacol. I toz dejcie pozor bo tuplowanie niy byda tego sam berol !
Szli sie roz trzi mamzele, wiycie, baby blondiny no, kiere majom konopiaste kudly bez szumny, logromniasty las aze tak po poltrzecia godziny doklechtali sie yntlich do srogij rzyki we kieryj byli snozy, kieryj nijak niy szlo przefuknonc. No, ale lone musieli bez ta rzyka przyjnsc na drugo zajta, na drugi kraj tyj rzyki. Piyrszo snich praskla ci na klynczki i napoczla rzykac:
– Ponboczku! Dej mi tela siyly, tela druku cobych ci bez te glymboczyny, bez te snozy mogla przeszwimowac!
I lozroz drzist-prask i Ponboczek dol ji sztramskie grace i norymne kotyry. Kielanoscie minut to zetrwalo ale baba usiotano znojdla sie na drugim kraju.
Drugo krapyka tyz kiksla na kolanska i dowej ci festnie rzykac:
– Ponboczku roztomiyly! Jo by tak kciala cobys Ty mie lobsztalowol jakisik srogi bolt abo chocia niy za teli flos, izbych jo tyz mogla sie na ta drugo zajta rzyki przekludzic !!!
I juzas: drzist-prask, i Ponboczek postawiol na kraju rzyki gryfno kana i lona wartko poszla ....
Terozki ta trzecio baba, nojstarszyjszo, nojbarzij zgniylo tyz, chocia juz niy po klynczoncku napoczla rzykac:
– Ponboczku! Dej mi mozno niy tela siyly, ale moc srogi filip cobych tyz mozno sie na ta drugo zajta, na tyn drugi kraj zicher przekludziyla nikiej moje kamratki !
I loroz juzas, jak niy prasknie, jak niy drzistnie, jak pieron ze swiatlygo niyba niy gruchnie i ... Ponboczek zwekslowol jom, przemiyniol we mondrygo ... CHOPA.
A tyn ci wzion i poszol zdziebko we gora tyj rzyki, naszol szykowny most i szykownie, blank zicher przeszol na drugi rant, na drugo zajta tyj rzyki. No, ale to bol przeca juz CHOP (a niy galoty) !
Bo tak ci to jes juz ze tymi babami ! Godo sie przeca tako powiadaczka, ize lepszij gryfno dziolcha (babeczka) wartko seblyc nizli jom miolby jakisik chop loblykac tak, nikiej by lon sama sie zawinszowala.
Niy bolo mozno dzisioj za tela polityki, prowda? Bo przeca wiela sie do suchac tych gupot, kiere nom wiere wciepujom do palicy te wszyjskie „partajgynose”, i to ze roztomajtych partyjow. Choby ino we lonski wtorek. Te ze tyj „rolwagi lobywatelskij” kcieli na zbity pychol wyciepnonc tego ministra lod autobanow. Bo przeca juz kiejsik wszyjskie sie sam u nos a i we Ojropie sie chichrali co momy ino tela autobanow jak srogi jes minister Pol. A terozki jesce mynij, bo minister tyz jes mynszy. Na to juzas te utrzidupskie cwilingrow lodpedzieli ... (ha,ha) momy przeca polityka „prorodzinno” a skuli tego na co nom autobany. Chop mo siedziec w doma i niy tyrac kajsik do jakisik mamzeli po autobanach, i kiej na isto niy mo co robic to ... niech robi dziecka. I to tyz prowda! A nasz Pon Minister loznojmi „rozporzondzynie” i miast cestow, drogow i chodnikow bydymy mieli autobany !
Chocia lo jednym werci sie sam spomniec. Jedyn telki graf von Rotz, wojywoda mazowiycki pyndalowol ci bol lo drugij nad ranym na kole naprany jak belowa. Policajty go drapsli i wziyni mu te jejigo „prawo jazdy”. No wziyni, niy wziyni bo jak sie niyskorzij pokozalo tyn istny niy miol juz tego papiorka lod jedynostuch lot. Tela co – jak to som tuplikowol we telewizyji – nic lo tym niy wiedziol, blank ci tego niy miarkowol, bo chocia lon jes „prawnik” nale niy musi wszyjsko znac. Napoczli ci go nasrowac wszyjskie te ze tyj „opozycji|” kierym lon zaloz za skora, kiej kciol wyciepnonc ze stolka ta colko Hanna Gronkiewicz-Waltz. Bo – jak lon to gryfnie tuplikowol – zawdy i wszandy styrcy na „strazy prawa” i niy do zwolu coby inksze te prawo lomali. I niyskorzij pokozalo ci sie, po tym jejigo eklerowaniu, co to lon brechom sie za telomanie prawa wzion. Mozno go ci i wyciepnom, lodchlanstnom lod tego wojewodowygo zesla, chocia niy bolbych ci tego taki isty, bo tyn minister lod tych filcokow, lod tych „kamaszy” tyz tela nametlol, ize – jak to jo juz niy roz godol – sto hamerikonskich stolorzy niy jes we sztandzie tego posklodac. Tela, co to juzas jes polityka a jo kciol dzisioj blank malo lo nij rzondzic, chocia to sie na isto niy do. Bo zawdy ci u nos, i to niy ino we polityce jes iste jedne pytani: fto juzas nasrol i jesce ku tymu lozszmarowol ???
A tego flapsu jes, i jesce bydzie corozki wiyncyj. Juz przeca i tyn colki Marcinkiewicz naszkryflol bol we internycie, we tym jejigo „blogu” coby mu wszyjskie dali pokoj abo co nojwyzyj fukli mu na pukel ze tym sznupaniym za sztelom, za robotom dlo niygo. A przeca niy tak downo tymu ci Marcinkiewiczowi sie ubzdziylo, co jes gansiom miyndzy kaczycami, ha, ha !!!
I co z tego wylazlo? Ano, psinco; dostol figa ze makiym, blank nic ci mu sie to niy werciylo, pra ?
Lojciec tuplikuje synkowijak tyz to wszyjsko wyglondo po zyniaczce ze babom i chopym we prykolu. Migo gracami, gestykuliyruje, ciepie sie po dylinach, logibo ta „niywidzialno” baba na wszyjskie zajty, i choby na lobrozku pokazowo kozdo sztelong ... A synecek siedzi sie we zeslu cerwiony nikiej kwak, nikiej kuloch, lica mo zgorane, palica wcisko corozki barzij we plyca, no jesce zdziebko a na isto kipnie zymglony. Na lostatek przidarzilo mu sie tyn lojcow cyrkus, tyjater zahaltowac i lostrzymnie godo do lojca:
– Tatulku! A dyc ustoncie juz calbrowac. Przeca jo godol, co my jutro we szuli momy sztonda historii, miarkujesz wojny, zabory i take tam inksze. I wyscie mi to mieli tatulku ino wytuplikowac fto to jes na isto tyn „najezdzca” !!!!
– Wiysz Ojgyn, jo blank niy poradza we nocy nynac, niy poradza spac.
– No, toz co ty tyz we tyj nocy robisz???
– Ano, co godzina szlukna sie jedna seta gorzoly !!!
– I co, nynosz niyskorzij, ja ?
– Niy! Tela, co sie zatym fajniscie wachuje, dowo pozor jak wajzry tyrajom po cyferblacie mojigo buksioka !!!!

Ojgyn z Pniokow