Szpaniol 13.12.2006
Witom!Ja Seba ty bys chciol coby jo colki cos nic ino spol i tu zes sie machnyl.
Cytom Wasze ymilki i sie zastanowiom cy zas sie niy wyrychla. Moji lojcowie no i jo tysz mom nadzieja som slonzoki z kwi i kosci. Moji lojcowie zawsze w chalpie godali po slonsku i bestosz jo niy roz zebrol szmary w szkole. Nigdy niy zapomna jak do nos rechtorka godala wy gestapowcy ! Ino sie tak mysla czamu? To ze jeji chop byl w loswiyncimiu to pszeca niy moja wina. Moj lojcieco bol sie wychylic i synkowi pomosz bo do polski psziszed niy z tom armiom co miol. Ale tysz musza pedziec ze nom chopcom podala rynka rechtorka ftor slonsk znala ino z lopowiadan. Zawsze nos brala w lobrona. Zawsze byda jom miol pszed locami i nigdy ji tego niy zapomna a nazywala sie Kuczera i miala moje imie cyli Stanislawa. A nasza somsiadka ftoro ledwie miala jake take pojyncie lo szkole ucyla nos tysz ale nom dowala do wiwatu. I lo dziwo to byla slonzoczka !!!! I sie tak som mysla czamu my slonzoki niy umiymy tszimac sztamy i sie postawic. Jo wiym czamu !! bo my sie bojymy. Jo goroli niy chwola ale musza pedziec ze mie w zyciu gorole pomogli!!!. Niy slonzoki tako jes prowda. No ale czamu tak musi byc??? Bo my momy trocha kwi w zylach ftoro rodzi zowisc, tako jes prowda.
Teroski z inny becki. Jak to wszysko sie w polsce rospiepszylo i komuna padla zacyni wszyscy szukac swojigo miejsca no ji kariery. Jo byl pszewodniconcym Komitetu Obywatelskigo no i co niy co moga pedziec.
Nojpiyrw wszyscy ruszyli coby powstol Zwionzek Gornoslonski ftory zech pomog zalozyc. Bylo super. Bo tyn zwionzek w swojim statucie miol naszkryflane co do niego moze nolezec kozdy fto miyszko na slonsku ale jes zainteresowany jego rozwojym.
Potym jedyn gyniusz utworzyl zwionzek Gornoslonzokow. No ale jusz bylo naszkryflane co do niego mogom nolezec ino ci co sie urodzili na slonsku.
Potym zjawili sie u mie ludzie z Jaskolki tzn komitetu czyli Ruchu na rzecz autonopmi slonska. No i tu mie zwalilo z gyrow. Zaroski powiym czamu.
Moja filozofio jes tako ze colko Polska pszes prawie 50 lot darla ze slonska wiela sie dalo. I psziszed cas coby nom to loddali !!! A my jim pomogomy w tym coby nom gorole pokazali fakju. No bo paczcie zamykajom gruby, huty a co w zamian?? No bo fto chce cos budowac w krajinie ftoro chce byc inno??? Zawsze byda godol czamu my niy bierymy pszikladu z kaszubow??? Loni majom w szkolach nawet swoj jynzyk !! Loni robiom po cichu to co my gosno godomy !!!! Lo powstaniu tego giganta miasta niy byda sie wypowiadol bo wedug mie to jes utopia. Pszeca z gorolami tworzyc cos co jes nasze?? No tosz tymat do dyskusji jes.
Jusz sie boja
Szpaniol