Szpaniol 01.05.2006
Pogoda dzisioj niy dopisuje. Ale co tam moze i dobrze. Bo jak bydymy pitac z pochodu to niy jedna kopyrtka zrobiymy to nos dyszcz umyje. Ale nojpiyrw na balkonie powiesza dwie fany a cerwono z tym motym i siyrpym bydzie nojwiynkszo. Mom nadzieja ze somsiedzi mie jajcami niy zaciepiom, bo malo ze jim sie niy bydzie podobac to jeszcze lokna zasloniac jim bydzie.Teroski gibko sie logola, lobleca ancug z cerwonym bindrym. Zza szranku wyciongna portet Lynina z haslym "Wiecznie zywy" i coby trocha gardlo pocwicyc wezna sie spiywnik i wyleza z chalpy szukac kaj tys cerwoni dzisioj bydom maszerowac coby sie do nich psziloncyc. Do pewnosci pod ancugym lowina sie jakom blachom stalowom coby bulu niy cuc jak mie bydom prac.
Loj co to byly za czasy. Spynd wszyskich i wszyskigo. Sprawdzanie list lobecnosci a potym z lotwartymi gymbami i radosciom sie szlo te pora kilometrow.
Jak jo robil na grubie to mieli my spynd na dolinie 3-ch stawom. No to my sie wyrywali fany z gicalow. Kozdy chciol miec jedna a dobrze bylo coby miol dwie. No i ruszali my z pochodym ul.Murckowskom ale tom starom jeszcze kaj niy bylo asfaltu a byla kostka. Jak my sie zblizali do skrzyzowaniu z ul.Warszawska to my zwijali fany i gibko niby sie wysikac wlazili my do lasku i cekali asz pochod pszyndzie. Teroski sie zapytocie co my robili z tymi fana. Tosz Wom zdradza tajymnica byl taki jedyn chop co je kupowol i jusz cekol na nos. Tak zech ino roz w zyciu niy dol rady pichnonc i musiolech donsc asz pod sama trybuna. Do dom zech psziszed to bylo kaj kole 3-popoledniu.
Szczegolnie zapamiyntol taki momynt. Jak jo chodzil do szkoly to dyrektor pedziol tym lostatnim klasom do ftory jo tysz chodzil coby pszisc do szkoly na 1-ga maja w biolych koszulach no i ancugu bo jutro bydzie spotkanie w kinie Swiatowid, locywiscie pszed pochodym z jakoms waznym szychom. No to my psziszli elegancko loblecyni. Zaladowali nos do autobusow i zawiyzli do katowic do tego kina. Jak my do kina wlazili to kozali nom jakle zostawic w szatni coby wszysko bylo jednolicie biolo. No to my to zrobili. Jak jusz wszyscy sie zebrali w sali kinowy to my sie dowiedzieli dwoch rzecy. Po piyrsze kozdy dostanie cerwony binder i go loblece a potym idymy pod trybuna honorowo i tam bydymy wiwatowac. A coby my niy pitli to nom zamkli szatnia na kluc. Toch ino sie roz tak dol zrobic w konia. Ale do tszeci popoeldniu musieli my stoc pod tom pieronskom trybunom.
Szpaniol