Szpaniol 05.04.2006
Dugo my namyslali sie, komu by tu zrobic niyspodzianka i lodwiedzic go. Frela godo a poccie lodwiydzymy, Ojgyna. Cowiek swiatowy, kawal swiata zwydzil to moze nom cosik lopowiy jak tam jes w tych inkszych krajach, pokoze jakes stare fotki a moze nos pocynstuje, jakimi maszketami, co mu zostaly s tego rajzowanio. Przeca niy nadarymno wylazi ciyngym na balkon w chalpie ino cosik tam jy abo kurzy cygarety coby, Elza niy widziala. No, bo przeca gorzolki niy bydzie szleptol na balkonie, lepi by bolo w piwnicy. Uzgodnili my, co Frela podzie do Ojgyna sie zalgac coby nom z chalpy niy pitnyl ze strachu, jak sie dowiy wto i po co chce do niego przyjechac. Jo godom do Frele coby wziyna ze sobom ta swoja tasia z medykamentami, bo to nigdy niy wiadomo, co sie moze stac. Egra godo moze by kupic jake gyszynki. Jo godom dobra jo kupia dwa bukety kwiotkow. Jedyn bydzie do tesciowy Ojgyna a drugi do jego slubny cyli Elzy. Utopek godo jo wezna flaszka utopconki ale jak Kaprys zostawi bunia w chalpie, a Jorgus flinta tysz zostawi, przeca niy jadymy na polowanie ino na byzuch. Kaprys godo jo wezna pora krepli coch upiyk no i trocha koloca lod tesciowy. Jo godom, ze wezna babowka i skaner coby skanowac te fotki i karty lo wtorych colki cos godol, Ojgyn. Moze kedys, stana s tymi kartami na torgu i byda, sprzedowol. Egra pado, ze specjalnie wydrukuje na ta lokazjo kalyndosz no ji lobiecol ze nos zawiezie swoim autym cyli, Polonezym. Momy nadziyja, ze nos dowiezie calych. Siadomy do auta, Kaprys s pszodku. Jadymy do Ojgyna, ale zrobili my jedyn feler niy spytali my sie Frele kaj miyszko w tym Chorzowie, Ojgyn. Jadymy ty autockym a Kaprys colki cos godo do Egry uwazej za wartko jedzies, pacz cerwone swiatlo i tak dali. Egra niy wytrzimol i sztopnyl autym. Wylos i poszet do bagaznika. Przinios rolka klejoncy tasmy i godo do nos chyccie Kaprysa za rynce. Trzimiymy Kaprysa a Egra zaklejo mu gymba. Teros mogymy jechac spokojnie niy bydzie mie szterowol.. Zrobil sie nasz Kaprysek cerwony na, gymbie ale mo to, na co zasluzyl. Mie tysz nerwowol jak my jechali do Utopka. Pszijechali my do tych Pniokow i zacyni sie rozpytywac lo naszego kamrata Ojgyna. Kogo sie pytomy cy wiy kaj miyszko Eugeniusz to ino kiwie gowom i godo taki tu niy miyszko. Zacyni my godac, ze lon bol kedys radnym i spotykol sie na wiecach z ludziskami. Zacyno sie robic ciymno, przeca tu niy bydymy spac. Utopek godo suchejcie ludzie przeca lon cynsto fandzoliw radijoku Piekary, co tydziyn. A miyszko w takim miejscu, co sie nazywo Jozefka cy jakos tak. Jedyn chop wylos i godo, jo go znom i wiym kaj miyszko. Lon sie downo stond wykludzil. Jak docie na piwo to, wom powiym kaj teroski miyszko. Kaprys wyciongnyl 5 zlotych i mu, dol. Chop lobejrzol Kaprysa z tom, zaklejonom gymbom i sie go pyto cy mo zadzwonic na Policjo, moze my som terrorysci. i Kaprysa silom trzimiymy, a dziub mu zaklejili coby niy rycol ze strachu. Kaprys kiwie gowom, ze niy. A lon godo, suchejcie Ojgyn miyszko w Chorzowie na ul. Dombka to je naprzeciw kosciola pod wezwaniym sw. Jozefa i skuli tego godajom na to Jozefka. Chcymy siadac do auta a jo pacza jak Kaprys nogami przebiyro i lecom mu placki z locow. Jorgus lodklejil mu gymba i sie go pyto, co Kaprysku boli Cie cos, a lon godo niy, ale musza do chazla. Kaj my mu chaziel znojdymy. Jo mu godom widzis te kszoki do chybej gibko i sie wypulej, bo nom jeszcze auto zaswinis, a rob to wartko, bo, na Cia niy bydymy dugo cekac. Kaprys sie uwinyl gibko i jak prziszed zacon nos prosic coby my mu gymby niy zaklejali, bo jusz bydzie grzecny. Jak tu niy wierzyc kamratowi. Siadomy i jadymy na ta Jozefka, jes ulica Dombka. Wlazujymy do piyrszy chalpy i cytomy ze nasz kamrat mo numer miyszkanio 7. Stojymy pszi drzwiyrzach i kozdy sprawdzo swoje gyszynki. Egra rozwinyl gryfny kalyndosz ino camu wydrukowol rok 2005 to niy wiym. Koloce, kreple, babowka i utopconka som cale, blumy tysz. Jorgus lobejrzol kaj je dzwonek i nacisnyl paluchym na knefel i niy puszczo. Dzwonek dzwoni i dzwoni. Lotwiyrajom sie drzwiyrze i wychodzi starszo kobiyta cyli tesciowo lod Ojgyna i pado do Jorgusia a Ty karlusie niy mos sie, cym bawic ino dzwonkym. Bier ta gicala z tego knefla, bo dostaniesz kloprym. Jorgus sie wystraszyl i przestol dzwonic. Wydowalo sie ze, Kaprys i Egra uratujom tymi blumami sytuacjo a lokozalo sie, ze niy. Egra wyciongo gicala z blumami i godo babko te blumy to do wos. Tesciowo sie wnerwila wziyna blumy i jusz chciala nimi prasknonc Egry w pysk za ta babka, ale sytulacjo uratowol Ojgyn wtory, wylos w lodpowiednim momyncie i uratowol Egry przed szlagym. Strasznie sie lucieszyl jak nos lobocyl. Zacyni my sie witac z Ojgynym, Elzom no i tesciowom, Kaprys jak dzentelmyn wryncyl blumy Elzie, nawet w gicala pocalowol, no, ji zacyni my dawac gyszynki Ojgynowi. Elza i Ojgyn zaproszajom nos do izby, ale sie colki cos, loglondajom bo tesciowo Ojgyna cosik ksziwo patrzy na Egry, niy moze mu darowac, ze ji pedziol babko. Ojgyn nos przestawil Elzie i swoji tesciowy. Przywitali my sie tysz z Frelom i sie rozsiedli i cekomy, asz Ojgyn nom zrobi bonkawy. Utopek pedziol Ojgyn psziniys ino, keliszki bo my strasznie zmarzli jak my, Cie szukali i muszymy sie utopconkom rozgrzoc. Piyrszy tolast bol za gospodarzy domu. Ojgyn zacon nom lopowiadac lo cieplych krajach kaj rajzowol jak bol duzo, modszy i zdrowszy. Lopowiadol lo Cubie, ale z Fidelym sie niy witol. Posiedzieli my sie i pospiywali, stare czasy wspominali a Utopek wyciongnyl swoje, lorganki i zas dol nom koncert. A Ojgyn w tym czasie, co chwila wylazowol na balkon. Utopek gro na lorgankach a Jo ida cichcym za Ojgynym i co widza lon wyciongo z barku wtory stoji na balkonie flaszka s piwym. To ci gizd jedyn zdrowio nimo a piwsko zlopie i to bez kamratow. Egra coby zalagodzic sytulacjo, z tesciowom pedziol Freli coby puscila jako dobro muzyka z radijoka, bo chce zatancowac z tom kobiytkom no i zacon wywijac z tesciowom. Muzyka gro, Ojgyn popijo piweczko na balkonie a Jo go podglondom, Kaprys poprosil do tanca, Elza i tak sie roskokocil w tym tancowaniu, ze zapomniol, lo chorym kryngosupie. Nogle kopnyl nogom w tepich i lezy, na delowkach i jyncy. Frela doskocyla do niego i sie go pyto, co mu jest. Kaprys nic niy godo ino jyncy. Frela capla ta swoja tasia z lykami i wyciongla szprica. Jak Kaprys to lobocyl zamknyl locy, ale jak mu Frela szprica wbijala to, ryknyl. Z balkonu wyskocyl Ojgym, bo myslol ze wtos Kaprysa bije. Ojgyn locynil sytulacjo i pado poccie wyciongnymy drzwiyrze z izby i Kaprysa na nich polozymy. Teroski dopiyro doszla do glosu, Elza i godo jaki to Ojgyn dobry i robotny chopecek. Pado nom tak, rano ino, locy lotworzy biere nec i idzie po swiyrze zymly i mlyko. Jak my z mamom wstajymy to na stole, jusz stoji gotowe sniodanie. A jake lon lobiady warzy palce lizac. Szkoda, ze niy chce pranio prac. Godo, nom ze sie na automatyce niy zno i potymu do waszmaszyny niy podlazi. Ale mom nadzieja, ze jednak do sie przekonac do tego automatu. Dugo my tak siedzieli i losprawiali wiela my krajow dziynki lopowiadaniu Ojgyna zwiydzili, kartki by braklo coby lopisac. A zdjync co my sie naloglondali a jo zeskanowol to sami lobocycie jak byda wysylol. No i prziszed czas coby wrocac sie nazot do chalpy. Dugo my sie zegnali, tesciowo nawet Egry wysciskala i pedziala mu, co sie na niego, niy gorszy. Elza lobiecala, co na zjazd do Wisly tym razym z Ojgynym, przijedzie bo takich gryfnych kamratow mo Ojgyn, ze warto sie spotkac. Idymy do auta a Kaprysa na drziwyrzach niesymy, ale do auta to, jusz wlos som. Jadymy do chalpy a Jo godom chopy dobrze, ze my swojich slubnych, niy wziyni ze sobom. Bo to, co Elza godala, jaki to robotny jest Ojgyn zle by, wplynylo na morale naszych zonecek. Utopek lorganek nawet w aucie z gymby niy wyciogol, malo sie nagrol u Ojgyna i teroski w aucie to nadrobio. Szcynsliwie my do chlapy dojechali, Kaprysek nic niy godol, bo jusz sie, bol ze tym razym to mogymy go zawrzic do bagaznika. Jogusiowi tak sie spodobaly sie te odwiedziny, ze godo tak, suchejcie moze po swiyntach by zas my, kogo lodwiedzili jak myslicie. Jo godom momy cas i we swiynta warto sie zastanowic, kogo by zaszczycic naszom wizytom. Utopek godo, wiycie co Anton cosik bajstluje przi swoji nowy chalpie, poccie pojadamy do niego moze sie, na co przidomy i jak mu ty chalpy niy zbulymy to moze cosik w ni naprawiymy. Jo godom, przeca Utopek mo wprawa, bo u swoji cery kafelki murowol i jeszcze jakos murarka lodstawiol.
Szpaniol-------------------------------------------------------------------------