Moja droga do gornictwa Szpaniol 12.01.2006 Drugi rok szkolny Skoncyly sie ferje to czas do szkoly. Dyrektor szkoly loglosil ze lod rana ucniowie majom sie zapisywac jaki kierunek dalszy naluki lbiyrajom. Nasza paczka zapisala sie do klasy elektrycny. Belfry sie niy zmiynily. Belfer lod ruskigo jak zwykle polowol ale tym razym roznymi pszirzondami coby ucinac knefle przi jaklach tym co niy zapinali jaklow. Jednego razu miol nawet brzeszczot mie tysz dopot i uznyl pilkom wszyske knefle. Przibyl nowy przedmiot Uzrondzynia elektryczne. Prowadzil go fajny belfer. Na jedny z piyrszych lekcji capnàl mie jak jo godol z kolegomi wzion mie do pytanio. Zadol pytania jak jes zbudowany kondensator. Jo zacon kombinowac belfer mi podpowiado staniol. Na koniec godo Stanik z ciebie jes taki Szpyniol i koledzy zaros to podlapali i zacyni na mie godac Szpaniol. I tak jusz zostalo i jes do dzisioj. Warsztaty zacyny sie zas lot przemowiynio kerownika bo jakby inacy moglo byc. Paêdziernik piykny miesionc dostali my zadanie zamiast na warsztaty to pojadymy podbijac glajze na magistrali piaskowy. Zanim my sie pokapowali jak idzie ta szychta zalicyc bez ciynszki roboty to pora dni minylo. Jak my pszijechali jedyn kolejorz wyznaczol dwoch chopa do sygnalizacji. Jedyn dostawol fanka a drugi trompka. Tom trompkom dawalo sie naszym kolegom co robili przi glajzach sygnal ze jedzie cug z pioskym i majom sie ponknonc, a drugi kolega wylazil na tory i wywijol fanom coby maszyniok tego cugu to widziol i zwolnil. Co my robili, ano podbijali glajze. Nojpiyrw jechala tako platforma i my sni sciepowali kamynie miyndzy glajze. A potym toromiszcz wolol podkop pod glajzom, wsoc lewarek i dêwigej glajze. Jak glajze boly dêwigniynte to nastypno ekipa kilofami wbijala te kamynie pod szwele. I zas lopus glajze i idymy dali i w nastympnym miejscu to samo. Colki miesionc my robili no i trza pedziec ze my tysz dostali za to zaplacone, ale plynckyrze zostaly na jakis cos. Sztolnia zacynala przibiyrac wyglond prawdziwy gruby bo zacyni ucniowe montowac maszyny. Tam mieli my tysz salki kaj boly wyklady. A w przerwie z nudow to my sie szukali. W niektorych miejscach ciemno to i zabawa byla west. Bol jeden instruktor co prowadzil zajyncia gornice – bol to byly przodowy i szczalowy wtory poszet na emerytura a tu w lobecnosci naluczyciela zawodu naluczol modych psziszlych gornikow jak sie stawio sztomple, kaszt i tak dali. Bol strasznom marudom. Kerownika warsztatow sie bol jak lognia. Ucniowie go niy suchali bo jakos niy mog sie snimi porozumiec. My na niego wolali Fredoulin. Musza pedziec ze robil k´dys razym z moim lojcym a miyszkol na drugi lulicy lot mojego domu. Ucniowie w casie sniodanio niy chodzili na hala jodac kaj stolo mlyko i herbata, ale kozdy brol swoje domowe sniodanie i na sztolni wartko je jot. Jedni jedli coby trocha loka pocwicyc a drudzy coby sie pogonic. A tyn Fredoulin tego niy ciyrpiol i gonil nos po ty sztolni, to nom bolo graj. Chowali my sie za lobudowom i wolali Fredoulinnn. Borok lotol i nos szukol. I zabawa twala. Jednego razu chycil tysz mie i jednego kolegi. Capnyl za uszy i godo idymy do kerownika idee nos. My wiedzieli ze sie go som bol to mu godomy idymy. Idymy a lon colki cos godo przeprosicie mie to wos puszcza, a my godomy niy. I tak my szli i lon swoje a my swoje. Przet samymi drzwyrzami biura kerownika pytol sie lostatni roz przeprosicie a my swoje niy. No to pokryncil naszymi uszami i godo iccie ale by to bolo lostatni ros. Byli my ancymony nima co. Zycie i naluka toczyla sie normalnie, ale rojbrowac to my dali rojbrowali. Przed wywiadowkom kozdy ucyn spisywol na kartce jake miol locyny i te kartki mieli dostac nasi lojcowie na wywiadowce. Bolech sie lojcu i matce pedziec lo wywiadowce. Bo miol co niy co za luszami. Lojcowie na wywiadowce niy byli. Ale wychowawca sie pytol cymu no toch wymyslil ze mama choro a tata robi stale na rano. Belfer godo to wtos z rodziny niych pszidzie, a jo sie pytom cy moze pszis moja siostra. Belfer godo moze. Colko szkola wisiala w loknach bo do szkoly idzie moja siostra s kolezankom. Wychowawca jich pszijon zacyni godac na moj tymat i w pewnym momyncie „moja Siostra” zapomniala jak jo mom na imie. Wychowawcy cos to podpadlo i pedziol co miol pedziec ale karteczki z locynami niy dol, chociosz jo sie niy miol cego wstydzic.  Na koniec pedziol do „siostry” jak matka sie pocuje lepi to niych pszidzie. Dugo to twalo ale wreszcie matka psziszla ale na drugo wywiadowka. No to wychowawca sie jom pyto czamu niy bola na lostatni wywiadowce ino potym poslala corka. A mama godo jako corka przeca jo corki nimom. Ljciec dol mi pora razy w pysk za corka. Ino teroski niy wiym cy mie prasknyl za to ze myslol ze jo jusz mom corka abo zech wywalil taki numer. Cosik sie zmiynilo momy nowego kerownika warsztatow a szkoda bo tak fajnie bolo. Zblizo sie koniec roku pszilazi do nos belfer i godo ze zas tego roku lorganozuje lochotnicy hufiec pracy cy pojada, jo godom ja i moj kuzyn tysz. Pszijechali my zas do ty Witnicy, ale tersoki momy rozbite namioty na srogim polu przy bojisku. W namiotach momy jusz loszka no i tradycyjnie zas rwanie tego pierzinskigo groszku, siana zbiyranie i zniwa. Ci wtorzy tak jak jo byli jusz drugi ros zostali brygadzistami, tosz wiycie jako to fucha. Rano pobudka i kozdy jak wstowol to wartko leciol pod plot coby loddac mocz, a belfer tym czasie szet do nos i jusz z daleka rycol palancie jedyn z drugym schowosz tyn instrument. Lod pewnego casu wtos nom zacon kras i grzebac w naszych kofrach. A nojwiyncy sie tracilo gutalinu i szczotek do szczewikow. Niy wiym camu i na co to bolo komu potrzebne. Jak my to pedziele belfrowi to lot tego czasu zawsze dwoch lucniow mialo dyzur colki dziyn. Ale zlodziyjstwo dali twalo. Dyzur pszipot na mie i mojego kuzyna. Jak ino nasza colko grupa znikla za zakrytym ruszyli my po namiotach coby znosc  tego zlodzieja. W jednym namiocie paczymy srogi kofer pod loszkym. Lotwiyromy go i locom pokazujom sie sztaple gutalinu i inne pierdoly. Kofer nolezol do Leszka wtory miyszkol kas, ale daleko lot slonska. Zrobili my narada colki grupy i uzgodnili ze dzisioj spuszczymy mu manto. Jo z Bynkym bierymy poski i bydymy loc a dwoch innych podom z dekami i mu wciepnom na leb coby niy bolo slyszec larma. Niy wiedzieli my lo jedny rzecy a wiedziol to nasz belfer ze tyn karlus po sygnale gasic swiatlo -  spac cichcym wylazil na spotkanie do stodoly z jakoms frelkom. Jes kas 23 idymy do tego namiotu kaj spi tyn ancymon. Colki oboz niy spi bo ceko co to bydzie. Wlazujymy do namiotu jest lezy i spi. Dwoch kolegow cieplo mu deki na gowa i trzimiom a my walymy tymi poskami asz piyrze leci. Karlus sie ciepie cosik tam bulko pod tymi dekami ale my niy paczymy ino wiela pary w rynkach walymy poskami. Nogle udalo sie karlusowi  jakos sciepnonc deka z gowy i slyszymy wy siyroty lobrzigane. Ludzie jakigo my dostali szwongu, dobrze ze my sie niy pinkli jak my uciekali. Na drugi dziyn. Rano idzie nasz belfer ale jakisik polomany ale jusz nimo sil rycec wy palanty. Dowiedzieli my sie ze belfer wiedziol lo nocnych randkach tego kalusa i jednego tego pechowego wiecoru chciol na niego zacekac w jego loszku a skutek jusz wiycie. Jakos dziwnie paczyl lot tego czasu na mie i na mojego kuzyna Bynka. Pora dni minylo jak psziszet jedyn kolega do namiotu i pado tak Stanik tu niydaleko som jabka marzynie moze by my poszli i cos urwali. Jo i Bynek godomy cymu niy. Jes noc kolega pszichodzi i nom godo to co idymy, idymy godomy. Loblykli my sie i wylazujymy s namiotu. Jak my sie trocha loddali pacza zostol jo i Bynek. I nogle rany boske wtos z grubego szlaucha zacon na nos loc wodom, a z boku wyskocyl nasz belfer i zacon nos walic poskym i rycol wy gizdy jabek wom sie zachcialo co. Mokrzy jak wiepszki pichli my do namiotu a za nami wtos leci. Do namiotu wpadli my i belfer. Jak nos lobocyl   bolo mu nos zol i pedziol no to my som kwita pado a teroski spac i cicho. Potym my sie dowiedzieli ze tyn Leszek to snim pszigotowol. Koniec obozu jadymy do dom, ze smutkym my zegnali ta wioska bo wiedzieli my ze na oboz jusz tu niy przijadymy, ale wspomniynia piykne nom zostaly. Take to boly lata  szesdziesionte. Wyplata zas na banhowie i to samo 180 zlotych. Szpaniol