Szpaniol 06.02.2006
Witom.
No tosz my som nazot. Co my widzieli to sie pochwolymy a to co my przezyli to jeszcze teroski badki mi sie trzynsom. Przezyli my mozna pedziec horor na lotnisku w Sherki el shejk jak my wracali do polski. Niy wiela brakowalo aby my sie musieli cheba smykac do polski ambasady lo pomoc. Tosz nojpiyrw lopisza co byl za cyrk z wylotym bo jak bydom fotki gotowe to byda sie chwolil i godol co i jak.
Tosz lopowiym co my mieli wcoraj w polednie na lotnisku jak my lecieli do dom. Rezydent arab nos przyswioz na lotnisko kaj my sie dowiedzieli co fliger Fiszer arlines - cyli polsko tanio linio jeszcze z polski niy przyleciol i bydzie lopozniynie 2 godziny. Jusz mie pieron brol, majom w dupie klijynta. Ale nic idymy lodprawic bagaze a nasz rezydynt godo do mie co chciolby fotka naszu wnucki. Jo mu godom jak do 10 dolarow to nima problymow dostanie. Bagaze juz nadane lodbiyromy bilety i nogle rezydynt pado nom co momy mu dac te bilety i paszporty bo cosik sie niy zgodzo. Dajymy mu. Pacza a celnik targo bilety na fliger a nasz rezydynt loglondo paszporty. Po chwili dostajymy nowe bilety i nasze paszporty ale paszporu lod naszy wnuczki niy!!! Jo sie go pytom co jes grane a lon mi pado ze my zle cosik wypelnili w deklaracji wjazdowy i sie niy zgodzo i lon musi zrobic lodbitka paszportu naszej wnuczki bo celnicy cosik tam potrzebujom!!!!!!!!! Jo po angelsku niy umia, Ewa tysz niy a wnucka jusz tam cosik umi. No a tyn gizd nasz rezydynt ani w zomb po niymiecku i rusku, ze lo naszy slonski godce niy spomna. Tszimie paszport w gosci i godo mi colki cos no problym a jo cul, co jes problym. Wrescie psziszed jakisik polok z naszy grupy, co cosik tam rozumiol i umiol godac po angelsku. No to my sie dowiedzieli ze cosik w deklaracji wjazdowy bylo niy tak i musi zrobic ksero paszportu. My fto niy uwierzyli, bo by jusz problymy byly jak my pszekrocali granica z Izraelym a nic takigo niy bylo. Kajsik poszed z tym paszportym a jo za nim, godo co szuko ksera. No i tak laza za nim po colkym lotnisku lon niby szuko ksera a jo wachuja paszportu. Ewy zacyna bolec gowa, wnucce jusz zacynaly placki leciec. Mie jusz pieron brol, bo to jusz niy bylo smiyszne a tfalo to jusz cheba z godzina. Lokozalo sie ze na lotnisku nima ksera. No jo myslol ze mie pieron szczeli. Wszyscy jusz byli po odprawie ino my sami lostali, ale tym polok zostol z nami, pszeca na gibko niy byda sie ucyl egipskiego. Jo jusz widziol w locach jak tyn fliger bez nos startuje. Nogle jak filip z konopi znod sie nasz przewodnik arab, ale fajny karlus. Teraz lon wzion tyn paszport i kajsik snim poleciol a tyn rezydent nic ino ciyngym godo no problem. Wreszcie widza jak leci nasz przewodnik z lodbitkom ksero a jo mu wyrywom paszport z gosci i w nogi do odprawy jeszcze widza jak mi machajom na dowidzynia loba. Udalo sie nic do nos niy mieli celnicy, bo loni ino paczom cy mosz wklejono wiza a reszta to ino zbyndny dodatek. Jeszcze my godzina cekali asz tyn fliger pszileciol, ale my sie tyn cas z jednym kolegom umilali dobrom ksionszkom. Jak jusz my byli we fligrze toch sie pedziol, co tero smogom mie pocalowac...Ale co my sie strachu najedli to nasze.
Szpaniol-------------------------------------------------------------------------------<<< Egipt - fotki