Szpaniol, 26.10.2006
Na naszych locach zmiynio sie swiat no i miasta kaj miyszkomy. Jo jako emeryt kupilech sie aparat i terosko laza i knipsuja co sie do bo fto wiy co bydzie za rok. Mom nadzieja ze mi zodyn pszi tym knipsowaniu w pysk niy do boch jes ciekawski.
Seba to kicho bo pojechol do jakigos miasta co sie Koln nazywo cy jak tam.
Andzia zas robi pszeglond swojego kola coby jom w zimie niy zawiod. Mom nadzieja ze ji pyndale wytrzimiom te jeji pyndalowanie.
Pyjter zas morduje sie z jakoms turbinom cy jak tam sie nazywo to pieronstwo i zapomniol ze kamraci cekajom na jego fotki i szkryflanie.
Jorgus cosik loslobl, moze go goroncka myncy.
Achim nimi sil szkryflac bo jak tyla zymbow wyrwie to i z sil lopadnie.
Ewald sie tak rozlynil ze nawet na balkon niy wylazuje a co dopiyro do kompa zajrzec uwazo ze za duzo by go to kosztowalo sil a lone som potrzebne do innych pszijymnosci.
Norbert pszi pszeprowadze na nowe miyszkanie stracil kompa a bo mu kabel uciyni bestosz nic niy szkryflo.
Ojgyn z doskoku wlazuje i nos informuje. Pszeca mog by tysz cos naszkryflac bo na to cekomy. Teroski bydzie szkryflol tak cuja.
Sabinka sie lodezwala i nic ino sie cieszyc i coby cynsci wlazowalo i szkryflala.
No i mog bych wymiyniac ale mie jusz paluchy bolom lod tego klikanio. Zaroski byda je musiol w kamelkach mocyc coby byly sprawne.
Szpaniol
