Szpaniol 11.02.2005
Jadymy na Bajery
Tak piyknie zacyna sie ta nasza podrosz do Seby, ze ze szczynscio niy mog jo uwierzyc ze to prowada. Kaprys cheba cosik wiedziol, ale kolegom niy pedziol. Zaladowali my gyszynki do Seby i Ani, a to tuste ze szpyrkami w boncloku, kiszone logorki w becce, garniec zuru i wodzionki i jedna nachtiszlampa coby w nocy jo mog cytac ksionszki.
A tyn wagon miol wszystke wygody loncnie z przedzialym do masazu. Ino my masazystki niy wziyni. Kaprys mysli ze Ewa bydzie go masyrowac. Tu sie, pomylil bo jo sie niy zgodzil. Nafolowol jo wonglo z przidzialu emeryta do ciuchci. Corny jak diobol wlos zech do naszego pulmana i sie lobulol. Noreszcie psziszla nojwazniyjszo losoba. Maszyniok Kaprys. Pologlondol stan technicny naszego cugu i wloz do swoji ciuchci. Zagwizdol. Jak ino lodezwol sie gwizdek ciuchci serca zabily warto - noreszcie jadymy do naszego kolegi Seby na byzuch. Ryszyli my s kopyta, wiela koni ino miala nasza ciuchcia. Pora razy kolka ciuchci zarolowaly w miejscu, szarplo, klupli my sie colami, ale noreszcie jadymy. Zaspiywali my hymn slonzoka - jadymy. W rospyndzie dostali my sie naszym cugym na szlak turystycny wtory prowadzi z Siymianowic do Tarnowskich Gor. W Chorzowie mieli my nadzieja ze nom bydzie kiwol kwiotkami Oygyn, ale my go niy widzieli. Cheba sie lobrazil ze my mu niy pedzieli coby s nami jechol. Jechali my przez teryny przemyslowe a nawet zaklady pracy naszego kochanego slonska. Jedne jeszcze som czynne inne jusz niy, nawet sladu po niyftorych nima. Fajnie sie jechalo jusz my, godali co u Seby lobocymy, czym nos bydzie czynstowol, czy Ania nos polubi. Bydymy miec lokazjo loproznic mu lodowka z jedzynio. I tak my jechali i godali co zrobimy. Lod casu do casu musiolech leciec i do Kaprysowy ciuchci, wciepnonc wonglo. Jeszcze my niy zdonzyli bonkawy wypic a tu sztop. Pieronie w Tarnowskich Gorach skoncyly sie glajze. Patrzcie lo wszystkim my mysleli, a zapomnieli my ze nasz cug jest na rostaw glajzów 750 mm. Jusz niy godom wiela pieronow wciep mi Kaprys. Tyla przigotowanio, zachodu i remontu zabytkowego cuga. Jaki wstyd wrocac sie nazod. Jakby bolo lato mogliby my zostac tam na bocznicy pora dni a tak. A nojgorsze je to ze zawiydli my naszego kamrata Seby. Przeca lon nakupil tyla rozmaitego jedzynio, maszketow i napojow niy jino alkoholowych. Co lon z tym tera borok zrobi. Wto mu powiy ze jesce roz nom sie niy udala rajza do niego. Co zrobiymy z gyszynkami do Seby. Przeca tego naroz niy wrombiymy. Muszymy sie psziznac ze my som pieronske slimoki. Jednak Kaprys miol racjo mogli my jechac jego karom. Ze strachym ale by my dojechali. A tak pszeca niy bydymy budowac glajzow asz na Bajery, bo by nom zycio niy styklo. Seba musisz pocekac do lata jak wybierymy porzondny i bespieczny, wehikul do podrozy. Jak to godajom do trzech razy sztuka.
Zawrocanie ze wstydym
czynsc II
Stojymy tym naszym cugym i kombinujymy co by tu tera robic. Loblizujymy nasze buly po klupniynciu colami. Miny nom zrzedly, dobrze ze zodyn niy becol. I tu niyspodzianka, nogle zndili sie jakes bezrobotne. Bezrobotni jak sie zwiedzieli ze taki cug pszijechol ala salonka, zacyni kombinowac. Pszeca takim cugym to moze jezdzic no wto no przeca Prezydent. No to zacyni robic barykada z kamiyni, co by my, niy mogli nazot ruszyc. Dobrze ze ta jich manifestacjo byla pokojowo, nawet transparyntow niy mieli. Chcieli przedstawic swoje postulaty. Z tego co my sie dowiedzieli to chcieli roboty i chleba. Chleba to akurat my mieli duzo. Ewa zacyna krojic sznity jo szmarowol je tystym z boncloka a Kaprys jich czynstowol i do kozdy sznity dolokadol kiszonego logorka. A tacy byli glodni ze colki chlyb i tuste wrombali ze lo logorkach kiszonych niy spomna. Fto chciol tyn mog tysz dostac talysz zuru abo wodzionki. Musieli my paczec coby wtos dwa razy niy dostol. Ale nojwazniyjsze je to ze styklo tego wszystkigo. I tu Kaprysowi zmiyklo serce jak lobejzol tych bezrobotnych, co wcinajom chlyb bez popicio. Poszet do ciuchci a jo go lobserwuja, co bydzie robil przeca przejazdu nima. Ludzie lon przedymnom miol skryto w ciuchci beka piwa. Zacon tych borokow cynstowac piwskym. Byscie widzieli te lusmiychniynte gymby i te pelne brzuchy. Ale teraz psziszet czas na robota. Staly posady niy mogli my jim zalatwic bo nimomy takich mozliwosci ale dorywczo ja. Wiync jo jim pedziol ze robota do nich jest. Wycie jak loni sie radowali jak to uslyszeli. A jo jim godom. Dostaliscie pojes i popic wszyscy lodpedzieli chorym ja. To jo godom tera to trza lodrobic. Biercie sie za te bergi na glajzach tak coby glajze byly wolne. Ludzie jak loni drapko te bergi lodciepli to sie w gowie niy miesci. Cheba licyli jeszcze na jaki zarobek. Jak skoncyli to Kaprys do nich podszet kozdymy luscisnyl graba pedziol jakes zacarowane slowa. To mi pszipomnialo nasze dobre downe czasy. Buska, roncka, gozdzik klapa. I jo tak pomyslol ze te glajzy cheba kas dali szly ino jakes miglance jusz wcesni zacyni je rozbiyrac coby zwiynkszyc produkcjo hut. Nojgorzy bolo wyranzyrowac ta naszo ciuchcia. Z wielgim trudym znod Kaprys wajcha i mijanka. Wyranzyrowol , przijechol i podpion ta nasza ciuchcia do salonki. Zagwizdol gwizdkym i ruszyl z kopyta coby my zdonzyli na wieczerzo do chalpy. I zas maszyna zarolowala kolkami w miejscu. Szarplo a my prask lebami jusz tak lobolalymi. Ewa miala miyjszo bula ale jo musiolech lopata do gowy pszicisnonc bo lyzka byla za malo. Ludziska machajom nom rynkami na pozegnanie niy wiym czy z radosci czy ze zlosci. Hymnu jusz niy spiywomy. Jadymy nazot. Kaprys jusz tak gwistkym niy gwizdo z radosci. Ino po cichu skradomy sie do chalpy. Lopuszczomy te goscinne Tarnowske Gory. Nawet z tych nerwow niy poszli my lobejrzec ciekawych miejsc. Jusz niy godom lo rynku kaj kedys jedyn rolnik wylorol berga ze szrybra. Jadymy przes Swiyrklaniec tam tysz je co loglondac, ale przeca nom to niy w gowie. Zblizomy sie do Nakla tam kaj Oygyn byl zaproszony do szkoly. Dobrze ze lon tam bol w piontek. Bo jakby nos tera lobejzol to by ze smiychu orla rypnyl. Ale to nic dali sie skradomy do chalpy. Tym razym Bytom lomijomy przeca cyrku niy bydymy robic. Po co momy loglondac resztki naszego przemyslu i dumy cyli grub. Jadymy przez Piekary. Jadymy - skradomy sie i tyla. Jusz my som w Chorzowie. Dobrze ze Oygyn niy wiy ze wrocomy. Tyn by nom dol do wiwatu za to ze my go niy wziyni. Jusz tera czuja ze Oygyn locyni nasza rajza w nojblizszym szkryflaniu. Jusz za zakryntu widac Siymianowice. Kaprys wiela niy widzi przez te zamaraszone bryle ale zowdy cosik skoro jedzie. Gruby jusz tam nima, lostala sie ino huta. No som my w doma. I tu coby nie kombinowac nasza ciuchcia sprzedali my do huty. Wracomy sie nazod autobusym i lobmyslomy coby tu pedziec znajomym i rodzinie. Kaprys place niy wiym cy s tego ze sie wyprawa niy ludala abo ze mu berga do loka wpadla jak ciekawy bez lokno z ciuchci wyglondol. Kaj miol bryle to niy wiym. I tu Ewa wpadla na pomys coby wszystkim godac, ze rolniki strajkujom i nikogo niy puszczajom. Bojom sie ze my salonkom prziwiezymy zarcio i zaciepiymy nasze sklepy. I to bol dobry pomys. Bo ji honor my uratowali.
A jinni bydom nom zazdroscic.
I tak zakoncyla sie naszo rajza tam i nazot.
Szpaniol