Szpaniol / Szopynice 24.12.2007
Niy jedyn snos pamiynto swiynta z dziecinstwa. To ci byly swiynta. Wiela nerwow to wszysko kosztowalo coby swiynta byly jak sie paczy. Stonie w rajach casym i w noc fto to pamiynto. Do nos bajali stonie w rajach to byl szpas bo my niy musieli w doma nic robic i colki dziyn byli my na dworze. Piyrszy problym byl z rybami. Te ryby jak sie zwiedzialy co bydom zezartre we Wilijo to sie kajsik pochowaly bestosz jich w sklepach tak malo bylo. Tak ze my jusz w listopadzie stoli w raji coby kupic karpie na swiynta. Casym tak bylo co w raji sie stolo ale ryb zabraklo no tosz tsza bylo zas sie szykowac i na drugi dziyn w raji stoc. No ale my byli wytrwali i ryby wystoli i jak jusz my kupili te pierzinske ryby to tsza bylo gipko snimi dric do chalpy. Lojciec jak lobocyl wiela my smycymy ryb to zawsze godol czymu te pieronske ryby sie niy potopily. Potym ino napuscic wody do wanny i jusz ryby plywaly. No casym niy zdonzyly doplynonc zywe do Wiliji bo cosik cynsto byla awaria i wody brakowalo. Ftosik musiol sie znerwowac i zakryncol kokotek i w chalpach wody niy bylo. Nic innego niy zostalo ino tsza bylo ryby pozabijac. No tosz lojciec brol po koleji karpie do kuchni i je tam mordowol. Nom bajtlom niy pozwolol paczec jak to robil. A my w tym casie krojili cebula i cosnek. Karpie zamordowane cekaly coby je mama lodropala z lusek i psziprawila. Ryby z lusek wyczyszczone i na konski pokrojone mama do srogi miski wciepowala. Jak jusz wszyske konski znodly sie w misce to mama wciepowala ran jeszcze cebula i cosnek no i posolila. Potym to wszystko wymiyszala i wystawila na dwor coby mros tysz swoje zrobil. Na a potym tsza bylo jeszcze wystoc w raji rodzynki, mak i inne pszismaki coby wilijo byla jak sie paczy. Wiela razy my jeszcze stoli w rajach coby kupic apluzyny, mandle i inne rzecy ale to nic radosc byla jak mu kupili te wymarzone apluzyny cy inne maszkety. Jak te ciynszko wystone maszkety smakowaly tego zodyn niy zapomni. W doma jusz wonialo swiyntami a do swiont bylo jeszcze pora dni. Mama pszed nami bajtlami chowala maszkety bo fto takim chuncfotom by wierzyl ze cegos niy zezrom jak lojcow niy bydzie w chalpie. Dwa dni pszed wilijom lojciec szet do lasa i loglondol ftory gojik bydzie pasowol do izby. A musiol byc srogi lod ziymi do gibsdeki. No i co wazne paczyl wiela rogolek podzie sniego wystrugac. Jak jusz sie upaczyl taki gojik to pszilazil do chalpy i godo chopcy jutro idymy po gojik. Na drugi lojciec nabrusil siykyra i pado chlopcy ja sie sciymni idymy po gojik. Ale zanim my poszli to musieli my mamie pomelac flajszmaszynom szpyrki ftore mama dowala do ciasta i s tego piykla pierniki. Ciymno jusz bylo jak my z chalpy wylazowali. Taszlampy my niy mieli ale lojciec dobrze wiedziol kaj tyn upaczony gojik rosnie. A szlo nos styrech cyli lojciec i nos tszech braci bo nojmodszy byl za smarkaty. Lojciec nos brol na lobstawa jak bydzie chlastol gojik. A my byli rozstawiyni trocha dali lot gojika i suchali cy feszter niy lezie. Bo jakby nos capnyl to sztrofa by byla ze strach myslec. I jak pamiynciom siygom to nigdy nos feszter niy capnyl, to moga pedziec co mieli my szczynscie. Lojciec ciupol gojik s przerwami coby nasluchiwac cy niy dawomy mu znac ze feszter idzie. Uciupac gojik to pikus ale teroski tsza go do chalpy zasmycyc. No i zas my bajtle szli pszodkym i slypiami szukali cy kaj z za winkla niy wyskocy feszter z flintom. Udalo sie gojik w chalpie tosz lojciec gipko do piwnicy poleciol coby poszukac sztynder do niego. Zanim lojciec nabil gojik na sztynder to musiol gojik trocha pszistrugac coby pasowol a mama jusz wyciongala z piekarnioka pierniki. A my ino na to cekali i nojpiyrw dali zolondkowi uciecha a potym dopiyro zabiyrali my sie za wiyszanie na gojiku. Gojik jusz stoji i teroski my bajtle zacyni wiyszac na nim ciacka i maszkety. To byla radocha jak sie wbijalo w lorzechy sztrachecla, lowijalo drucikym i gipko wiyszalo na gojiku. Ponki tysz sie tak wieszalo. No a potym wiyszalo sie take duge bombony w piyknych papiorkach a normalne bombony tysz musialy wisiec. No i pierniki. I te co mama piykla i te co kupila. Teroski kolej psziszla na banki i zimne lognie. Potym jeszcze zabki ze swiyckmi i wata. A na som koniec lameta. S pocontku jak bylo ciynszko z lametom to my rozbiyrali stare kondensatory a tam sreberka bylo ze ho ho. No i nozyckami sie ciyno i na gojik. Gojik stoji lostrojony na tyn jutrzejszy dziyn a wonio ze strach. No to lojciec i matka nos lostszegali coby s ty choinki nicego niy zezric. Tyn gojik mo wytszimac nienaruszony do tszech kroli. Fto to widziol coby sie tak dugo marnowaly na gojiku bombony i pierniki. Po colki chalpie rozlazil sie tyn zapach swiontecny. Apluzyny mama dala na stol. Ludzie jak lone wonialy. Niy jedyn jeszcze teroski wylobrazo sie ze i terazniejsze tak woniajom ale to niy jes prowda dzisiejsze apluziny niy woniajom jak te z moich lot dzieciyncych. Zanim my sli spac to lojciec nom pedziol co to jes za dziyn ta wilijo. I ze w takim dniu momy sie niy lobzyrac jedzyniym zresztom bydzie lichy lobiot i muszymy wytszimac do swiontecny wieczerzy no i ze momy byc grzecni i niy rojbrowac. Bo jak bydymy rojbrowac w tyn dziyn to znacy sie ze bydymy rojbrowac colki rok a lojciec bydzie miol robota coby zylom wymierzac sprawiedliwosc. Boli my sie ty zyly jak diobol swiyncony wody. Ciynszko byla ta noc przed wilijom. Spac niy szlo bo w chalpie wonialo i kusilo coby sprobowac jak to tysz smakuje. Ale ze my sie lojca i ty zyly boli to ino my slinka lykali i w syn zapadali we ftorym nom sie snilo jake to gyszynki dzieciontko pod gojik psziniesie no i ta wiecerzo kaj bydymy zric same dobrocie. We wilijo wcas rano mama budzila nojstarszego brata i musiol zaiwaniac po zymly. W tych casach cheba monki tysz bylo malo bo i zymel piekorzy myni piykli. Rano ino my wstali mama psziszykowala sniodanie. My jedli sniadanie a mamy wyciogla z za lokna ryby coby sie rozmrozily. Po sniadaniu nojmodszy brat leciol do piekorza coby starszego brata w raji po zymly zmiynic. No i zacyny sie pszigotowania. Jo ze starszym bratym melol tyn pierzinski mak. Mama nojpiyrw mak spazyla a potym my go pszepuszczali pszez flajszmaszyna. Robili my to dwa razy coby byl dobrze rozgnieciony. Potym mama mak wciepowala do gorka razym ze rodzynkami i pomelonymi mandlami i dali warzyla i dolywala mlyka. Zymly krojil nostarszy brat bo mama takim smarkocom jak jo bola sie dac noza do gicale. Wiadomo to cy zamias zymly wlasnego palucha uzniyntego do gorka niy wciepna. Potym ino jeszcze piernik pokrojic i pomelac lorzechy bo reszta to jusz mama robila a my ino slypiami szczylali i sie loblizywali. Piyrsze to do gorka Mama a i my tysz wciepowali suszone sliwki, ponki i gruszki no a pszi lokazji niy jedna sie znodla w naszym brzuchu, i warzyla koport. Jak jusz komport byl gotowy lojciec zanosil go do izby coby lochodnyl a nom ino palcym pogrozil. Potym psziszla kolej na mocka. Piernik pokrojony mama wciepowala do gorka i my ji w tym pomogali gicalami i gymbom. Jak piernik zmiyknyl to my go pszeciyrali pszs sitko i nazot do gorka a do tego mama wciepowala rodzynki i inne maszkety a my ino sie loblizywali. Mocka gotowo i lodstawiono tysz do izby. Pszed wieczerzom mama jom podgrzeje. Teroski psziszet cas na makowki. A robila zawsze ze dwie abo tszi miski tych makowek. Pszeca take zarloki jak my to w mig to zezrymy. Na wiyrchu makowki posypywala pomelanymi lorzechami. Kartofle lobrane no i ryby cekaly na swoja kolej coby je upiyc. A ze nos bylo 4 braci no i lojcowie to mama zawsze piykla na wieczerzo ino po konsku ryby a reszta warzyla i po zalywala wywarym ze lebow tych ryb. Jo ino szkryflom lo tych najlepszym jodle. Bo zupy rybny jo niy ciyrpiol. Wszysko zapiynte na lostatni knefel zacynalo na dworze robic sie cma tosz matka godo a teroski pierzinske lochyntole lokompac sie i pszebiyrac do wiecerzy. Wszyscy lokompani i lodswiyntnie loblecyni kukali my pszes lokno coby lobejrzec kedy ta piyrszo gwiazda zaswiyci. Lotali my z izby do izby bo kozdy chciol byc tyn piyrszy ftory ryknie mamo gwiazda swiyci. W tym casie mama pszistrojila stol i zacynala stawiac nojpiyrw talyrze a potym jodlo. Zawsze stawiala jedyn talerz wiyncy no i stolek do kogos ftory nigdy niy psziszet. A lojciec w tym casie pod gojik klod gyszynki. Pszi kozdym talyrzu byl tysz loplatek. Wreszcie ftorys znos ryknyl jest swiyci gwiazda. No to lojciec pozamykol drzwiyrze na kluc i godol co w casie wieczerzy sie niy godo i nikogo niy wpuszczo po modlitwie. Potym brol sztrachecle i zapolol swiycki na gojiku. Na cas modlitwy gasil swiatlo by po modlitwie je zapolic. I zacynala sie wiecerzo. Lojcu my dowali swoj talyrz a lon nom nalywol mocki, i tak po koleji po zjedzeniu jednego dowal drugie jodlo. No i w skupiyniu my jedli ta wiecerzo a slypiami szczylali pod gojik kaj byly gyszynki do nos. Cheba jedyny ros w zyciu my tak wartko zarli a nasi lojcowie pomalusku, nikaj jim sie niy spieszylo. Nom sie spieszylo do gyszykow a jim niy. Skoncono wiecerzo teroski sie ino pszelomac loplatkym ,slozyc zycynia, modlitwom podziynkowac za dary ftore my zjedli. Lojciec zaswycil byrny a my ruszyli pod choinka coby lobocyc co tysz nom dzieciontko pszinioslo. Moze to dzieciatko niy bylo take bogate ale zawsze cosik tam pod choinka pszinioslo. A lojciec gipko szet do kuchni i wloncol radijok „Mazur” na colki fol coby wszyscy slyszeli ze momy dobre radio. Potym jeszcze zapolil pora zimnych logni i tsza sie bylo brac za spanie. Ciynszko bylo usnonc po takich pszezyciach. A na pastyrka my jeszcze niy lazili to lojcowie za nos lazili.Szpaniol