Szpaniol, 01.03.2007
Kaprys tak jusz nom gowa suszyl godkom jak to ciynszko robi na grubie, ze my sie pedzieli co pojadymy na ta jego chacjynda i posuchomy co tysz nom bydzie fandzolil lo robocie na grubie. Moze sie dowiymy jake maszyny Kaprys widziol, jake naprawil a jake popsul. Jadymy colkom ekipom to jes Frela, Utopek, Jorgus no i Jo. Przyjyzdzomy i paczymy a pszi bramie stoji ci jakis chajer. Na gowie mo, dobrze ze niy pilotka, helm z koplampom, w rynce kilof a loblecony jakby dopiyro z dolu wyjechal, corny jak diobol. My sie wystraszyli cy tyn kilof niy jest na nos. Bojymy sie wylys z auta, ale Frela pado co mo byc niych bydzie jo ida, a my za niom. Wylazujymy z auta poleku i lostroznie podlazymy do tego chajera i pszeciyromy slypia, pszeca to nasz kamrat Kaprys tak sie pszebrol coby nos godnie psziwitac. Gicale my mu na powitanie niy dali bo byl corny jak diobol. Gymba mu sie smiola jakby w totka wygrol. Zaprosil nos do izby a tam jusz na nos cekala Lusia z dobrym kolocym i bonkawom. Prziwitali my sie s niom a Kaprysowi godomy ic sie lokompac gizdzie jedyn bos corny jak diobol. Pytomy sie Lusie kaj lon sie tak zmarasil. Lusia poda dzisioj to mom z mojim chopym komedyjo. Lod rana lazil i cosik kombinowol. Wrescie godo mi tak, wiysz co Lusia jo jim pokoza jak wyglondo chajer jak wyjedzie z dolu. Poszet do piwnicy wzion sito i zacon pszesiywac wongel a nosym wciongol tyn pyl. Potym sie legnyl do tego mialu i sie wolol. Tak ze teras wiycie cymu jest taki corny. A mie godo tak, Lusia niy godej jim prowdy ino powiydz zech dopiyro wyjechol z dolu i niy zdonzyl sie lokompac coby sie niy spoznic na powitanie tak zacnych gosci. Psziszed nareszcie Kaprys lokompany, loblyk sie ancug i binder. No teras to my sie s nim psziwitali. Lusia psziniosla z kuchni kreple, jakis koloc wtory upiykla tesciowo Hanysa no i do tego bonkawa. Zanim Kaprys zacon losprawiac lo ciynszki robocie gornika na dole gruby to wyciongnyl Metaxa. Wiadomo pszi keliszku lepi sie godo. No ji zacon Kaprys fandzolic jak to ciynszko robi na ty grubie. Godo tak : Nosza na ramiyniu colki werkcojg. Kluce rozny masci i wielkosci. Casym rukcug bo niy wiadomo co tszeba bydzie dzwigac ze lo bresze niy spomna. No lo sniodaniu i piciu tysz pamiyntom. Bo jak niy pojym to mi sie robic niy chce godo Kaprys. Rozbiyrom kombajny i casym udo mi sie jaki naprawic jak trefia z diagnozom. Jusz niy godom lo chaszplach. To ci je pieronstwo dopiyro, ale co wom byda godol jakbyscie na grubie byli to byscie wiedzieli ze nimom casu nawet sie polezec. Frela, Utopek i Jorgus tak sie zasuchali ze nawet niy zaluwazyli ze gymby mieli otwarte jakby muchy chytali. A Jo na Kaprys pacza, suchom go i se tak mysla cy lon nom pszipadkym niy cyto Morcinka. Dobrze ze nom niy pedziol ze musiol koniowi na dole podkowa pszibijac, ale cheba zapomniol ze jo tysz na grubie robil, bo zacon cosik fandzolic lo koniach. Fajnie sie gawyndzilo, wieczerzo zjadlo, Metaxy i bonkawy sie napilo a tu cas do chalpy. Pozegnali my sie serdecnie. Nawet Frela lobiecala Kaprysowi ze jak ino bydzie miol pszepisane pszes dochtora szprice to lona mu z radosciom jom wbije w ta wymyncono ciynszkom robotom dupa. Pszeca po taki ciynszki robocie to tsza cowieka uszanowac. Jadymy do chalpy a to Jorgus abo Utopek ze lo Freli niy spomna colki cos godajom jako to mo ciynszko robota nasz Kaprys. Wiela lon musi w casie jedny szychty naprawic tych kombajnow ze lo chaszplach niy wspomnom. I tak bez pszerwy ino colki cos lo ty grubie godajom. Jo niy wytszimol i godom cekejcie jo wom locy lotworza. Zalatwia zjazd na dol na tym Ziymowicie cy kaj tam Kaprys robi i lobejrzymy go pszi robocie. Ino mom jedna prosba niy godejcie mu lo tym, zrobiymy mu niyspodzianka. Tak jak my postanowili tak tysz zrobili. Jadymy na dol do naszego kamrata Kaprys. Frela ze sobom tacho tasia lekarsko, dobrze ze sali loperacyjny ze sobom nie wziyna. Utopek mo pszi sobie colki spszynt do malowanio a Jorgus aparat fotograficzny. Idymy ci upadowom i pytomy sie colki cos lo naszego kamrata Kaprys. Paczymy a tu siedzi tszech chopa pszi chaszplu. Pytomy sie jich kaj mogymy spotkac Kaprys. Loni godajom pierzinski gizd paczcie rozebrol nom chaszpel i poszet na sciana bo tam majom nawalony kombajn. Idymy wartko coby tam zdonzyc, ale po drodze zatszimujom nos gornicy i godajom jak spotkacie tego slusorza Kaprysa to powiyccie mu cy pamiynto lo rozebrany plompie emulsyjny.I jak wartko niy pszidzie jom slozyc to lon skoncy ale na bezrobotnym zasilku, ino wcesni to mu nakopiemy do zici. Idymy tak dali i gosno godomy. Pszeca niy moze byc coby na ty grubie byl ino jedyn slusosz cyli Kaprys. Jorgus pado powiydz mi Szpaniol jak to jes, Kaprys wszystke maszyny rozbiory i niy sklodo, to kedy ta gruba fedruje. I to podobno 30 000 ton wonglo na doba fedrujom pado Utopek. Frela wiela niy godala ino slypia zamykala ze strachu. Ale podziala dobrze ze Kaprys niy rozebrol maszyny wyciogowy bo jak by my wylezli na wiyrch. Co bydymy jednak marudzic idymy dali. Pologlondali my se tych nojwazniyjszych ludzi wtorzy siedzom na kneflach i decydujom gruba stoj gruba jedz. Widac jusz ta sciana. Wlazujymy na nia. Frela z Jorgusiym nojpiyrw sie lopiyrali, ale jak my jim pokozali szczura co lotol blisko nos to Frela zacyna gibko piszczec i nogami pszebiyrac. Ale nic idymy i idymy a Jorgus knipsuje aparatym. Lon nie wiy ze jak roz dobrze knipsnie to gruba byla i gruby nima. Aparatow na dol niy wolno brac. No noreszcie my psziszli paczymy kombajn rozebrany jakos cynsc wisi na rukcugu a Kaprys nima. Jego werkcojg lezy pot sztusym a kaj nasz kamrat. Frela wrazicko wszyndzie wlazi choc mo strach. Nogle godo nom po cichu poccie jest Kaprys. Paczymy a pot sztusym ni to siedzi ni to lezy bez koszule ale w galotach nasz Kaprys. Ino mu brakowalo zegofka i pierzyny. Jo godom paczcie jak lon ciyszko robi. Frela sie wystraszyla i pado moze lon zymdlol. Jo godom zymdlol, pojot sie i teraz to trowi. Ale Frela swoje i wyciongo s ty swoji tasi jakos flasecka, potym my sie dowiedzieli ze to byl amoniak. Dala mu pod nos. Hanys powoniol i wyskocyl jak z katapulty. Grzmotnyl lebym, dobrze ze miol helm na nim, w lobudowa. Gwiozdki mu sie pokozaly i prasknyl na zol. Pszi lokazji tyrpnyl Frela wtoro praskla na ziemia, slypia pszewraco i lezy. Lezy tysz niypszitomny Kaprys. Jo godom Frela pacz cos narobila. Loboc cy Kaprys dycho. Frela sie niy lodzywo. Teras Jorgus wzion ta sama flaszka i z daleka dol powoniac Freli. Zerwala sie na rowne gyry i pado wto mie zdzielil. Jo godom cekej Frela nic sie niy stalo pszewrocilas sie sama cheba ze strachu. Utopek znot jakis kibel i poszet z Jorgusiym po woda do lajtungu pszeciwpozarowego. Psziszli s tom wodom i zamias pora kropelkami pokropic Kaprysa po gymbie lobloli go colkim kiblym. Kaprys sie zerwol ale my byli jusz na to pszigotowani i go pszitrzimali tak ze w nic sie niy piznyl lebym. Zamrugol slypiami i pszetar je tymi cornymi gicalami. Mrugol ci nimi i mrugol dopiyro Jorgus mu pedziol Kaprysku to my Twoji kamraci. Jusz sie brol za loblapianie nos tymi cornymi gicali, ale my sie niy dali. Jo mu godom ty gizdzie tak ciynszko robisz. To jes robota. Colko gruba cie szuko a ty lezysz nazarty i trowisz po cichu. Kaprys s nami godo a cos sie bez pszerwy dropie po swoji glacy. Utopek godo Frela loboc go co lon tam mo pot helmym. Kaprys wzion helm do gicale i pokozala nom sie na jego lebie bola jak apluzina. Jo poleciol po lopata i chciolech tom lopatom pszicis ta bula, ale jak Kaprys zacon rycec to godom jo to kichom. Nasza Frela wziyna binda i zawinyla mu leb a jo godom teraz pierzinski gizdzie naprawiej tyn kombajn. Przeca kraj ceko na tyn Twoj wongel. My mu pomogli pora muterek pszikryncic i kombajn ruszyl. Jo niy wiym cy lon by sie dol rady z tym kombajnym bez nos. Dobrze ze Utopek to tysz jes szpec mechanik jo wiym ze malutkich jak zygarek lurzondzyn ale mechanik. A lepszego szpeca lot sterowania jak Jorgus to nima. Jo umia dobrze rzondzic tak ze ta robota pieronym nom poszla, wartko my zrobili. Kaprys powiniyn sie cieszyc zech mu tako grupa psziprowadzil do pomocy. Kaprys zaloncyl kombajn, larma kupa i zrobilo sie ciymno. W tym momencie Utopek, Jorgus i Frela szukali drogi coby uciec. Jo jich jednak uspokojil i godom Kaprys pieronie wylonc tego gizda. Teras jest cicho i siedzimy i tak se losprawiomy. Jo godom Kaprys tys na ty grubiej jes znany jak malo fto. Utopek godo to wy jeszcze niy wiycie jaki lon jes znany. Jo wom lopowiym lo naszym Kaprysku posuchejcie i godo tak :.
Do dyrektora gruby pszijyzdzo dyrektor zjednoczynio. Witajom sie i w pewnym momyncie jak godajom dyrektor zjednoczenio pado tak do dyrektora gruby suchejcie kolego na waszy grubie robi Kaprys? no ceniony slusosz. Dyrektor dzwoni do kadr i dowiaduje sie ze Kaprys robi i jes na szychcie na rano. Dyrektor zjednoczynio godo zawolejcie go do siebie. Po jakims casie Kaprys wlazuje do gabinetu dyrektora, a dyrektor zjednoczynio podlazi do Kaprysa zacyno sie s nim witac i kusikowac. Godajom sie po imieniu. Po chwili dyrektor zjednoczynio godo do dyrektora gruby suchajcie kolego my z Kaprysym wylazymy. Na drugi dziyn dyrektor zawolol Kaprysa i pyto sie go skond zno dyrektora zjednoczynio. Kaprys godo to serdeczny kolega znomy sie lot lot. Dyrektor sie po glacy poszkrobol sprawdzil w kadrach ze Kaprys mo srednie wyksztalcynie. No to tsza go awansowac. No ji Kaprys zostol sztajgrym. Za niydugi cas na gruba pszijyzdzo minister gornictwa. Wito sie z dyrektorym i jeszcze niy zacyni godac lo wydobyciu a minister pado tak, dyrektorze u wos robi Kaprys. Dyrektor pado ja robi, malo tego lon jes sztajgrym i to dobrym. W porzondku pado minister zawolejcie go do biura do siebie. Dyrektor wydol polecenie coby Kaprys sie u niego gipko zglosil. Kaprys wlazuje a minister idzie do niego i godo ces Kaprys i zas kusiki loblapianie. Minister godo dyrektorze wylazymy z Kaprysym.
Na drugi dzien. dyrektor wezwol Kaprysa i pedziol mu ze go awansowol na nadsztygara. Niy minylo duzo casu na gruba przijyzdzo prymier. Zas z dyrektorym tirli, tirli a po chwili premier godo tak, dyrektorze u wos robi Kaprys. Dyrektor pado ja jes nadsztygarym. To dobrze, ale zawolejcie go niych tu pszidzie. Kaprys wlazuje a premier czesc Kaprys i zas kusiu i tak dali. Ale premier godo dyrektorze wylazymy z Kaprysym. Dyrektor tak mysli, Kaprys mo take znajomosci jo go musza awansowac. I Kaprys lostol naczelnym inzynierym. Niy tfalo dugo a na gruba pszijizdzo prezydent. I zas z dyrektorym tirli tirli ale prezydent godo dyrektorze u wos robi Kaprys. Dyrektor godo ja. No to go zawolejcie. Wlazuje Kaprys, prezydent sie s nim wito i godo dyrektorze my idymy z Kaprysym. Na drugi dziyn. Dyrektor prosi do siebie Kaprysa i w czasie godki pyto sie go tak, powiydz mi Kaprys wto cie niy zno. A Kaprys godo wszyscy mie znajom. Dyrektor sie zamyslil i godo niy powiysz mi ze papiyza znosz, a lon na to ze zno. Dyrektor niy wytszimol i godo tak, jutro lecymy do Rzymu jo to musza sprawdzic. Na audiencji papiysz kiwie palcym na Kaprysa i wolo go do siebie. Kaprys idzie i wito sie z papiyzym. Nogle Kaprys slyszy sygnal karytki pogotowio i widzi ze dyrektor lezy na ziymi. Kaprys wartko leci do dyrektora i pado mu chopie co ci jes. A dyrektor pado tak, Kaprysku jo wytszimol jak jo sie dowiedziol ze znosz dyrektora zjednoczynio, ministra, premiera i prezydenta ale moje serce niy wytrzimalo jak zes sie witol z papiyzym a jedyn z Amerykanski wyciecki pyto sie mie s kim sie Kaprys wito. I tak idymy i sie smiejymy. Nawet niy sposzczegli kedy my sie znodli w szoli a potym na wiyrchu. Wylazymy z gruby a Kaprys pado zaproszom wos na dobre piwko i golonko bo na pewno zescie zglodnieli i som spragniyni. Milo nom uplynol cas.
Teras nasz Kaprysek docekol sie szczynsliwie emerytury, ale jom loglondo ino na
posku zresztom jak kozdy z nos. A casu to mo teras lod groma. A nojwazniyjsze ze wongel, kombajny, chaszple i inne dziadostwo loglondo ino w telewizji. Cheba ze mu koledzy z gruby psziwiezom do naprawy jaki chaszpel. Ino Lusia jakos ze strachym paczy jak Kaprys wyciogo werkcojg coby cos naprawic. Pszeca jak zacnie lod telewizora to koniec z telewizjom ze lo lodowce niy spomni.
Szpaniol
Szopynice luty 2004 rok