Szpaniol 22.01.2006
Jes rok 1977. Jak co roku tak i teras jadymy na urlop nad morze cyli do Chalup w czyrwcu. Ewa, niy robla i z cerami rano pojechala kupic kuszetki. Siedza ci jo w biurze a tu dzwoni telefon, jo lodbiyrom a to Ewa. Godo mi tak: wys co Stanik, kuszetek jusz nima. Sypialnego tysz niy to, co jadymy normalnym. Godom jak nima wyjscio to jadymy. Ale Ewa pado mi tak, cekej modszo cera cyli Iwonka chce s tobom godac. A jo suchom, co tysz mi chce pedziec moja cera. Lona mi godo tato, ale my sie pytali i mogymy leciec fligrym do Gdanska. Mnom asz zaczynslo i godom: zodnym fligrym nie leca. Ale jak to cery wziyny mie przes tyn telefon w lobroty no to godom jak ino chcecie to niych tak bydzie lecymy.
A moja cera godomi: tato wiysz, bo my jusz bilety kupili. Jeszcze niy wiydzialy ze bydom tego zalowac ze tak lojca podeszly. Moja tesciowo dziyn przed wyjazdym psziszla do nos. Zacon sie cyrk. Jusz niy godom lo pakowaniu kofrow. Bo jak to wszystko spakowaly to jo sie ino ich spytol cy losobny fliger te kofry powiezie. Zacyni lod nowa pakowac i lokozalo, sie ze polowa bola niypotrzebno. Tesciowo jusz mi worecka na kark, niy szyla, lo bryle i inne pieronstwa niy, pytala, ale zadala sakramyntalne pytanie: „ Stanik, a jak tyn fliger spadnie ?". Mie sie slabo zrobilo boch przeca, bol mody i chciolech jszcze trocha pozyc.Ewa swoji mamie zacyna tuplikowac coby, niy siola paniki. Niy wiym cy tesciowo byla przekonano, ale do dom poszla.Tym razym niy ludalo sie tesciowy zostawic w doma. Wcas rano bola u nos i gotowo do lodprowadzynio na Koszutka, skont miol nos wzionsc autobus do Pyrzowic. Stojmy przed tym autobusym a tu zacyno sie. Tesciowo godo do Ewy: bilety MOS? Ewa godo: mom. Piniondze mocie? Momy! - chorym wszyscy godajom. Nogle tesciowo godo: Jezus Maryjo niy bojicie sie lotac fligrym. Paczcie, fligry spadajom. Mie sie zas slabo zrobilo i tak se mysla a co bydzie jak jak tyn pieron richtich spadnie. Tesciowo zacyna becec jakby nos mieli wywiys na Syberio. Jo jusz niy wytszimol, chycil zech taksowka i wsadzil kochano tesciowo do ni. Bolech sie, ze przez ta jej godka zrezygnuja z lecynio tym fligrym. Z wielgim, placym sie z nami zegnala placki lecialy jak do taksowki siadala. Jo widziol strach w jejich locach.Je godzina 8.30 rano. Ta godzina je wazno. Pszijechali my na lotnisko. Lotnisko? jedna chalpka i jedyn fliger wtorym momy leciec. A bol to AN-24. Pogoda niy ciekawo, zacon loc dyszcz. Stojymy na lotnisku, pacza, idzie dwoch facetww w mundurach i dwie gryfne babki. Jak jo jich lobejrzol, godom do Ewy: mieli pieronym ciynszko noc. Lotwirajom sie drzwiyrze i gryfno stewardesa cy jak tam by nie pedziec zaproszo nos do fligra. Jak jo wlos toch nawet niy myslol ze jo jes we fligrze. W srodku te siedzynia boly jak w naszym autobusie pospiesznym cyli Jelczu. Siadomy a frelka roznosi gazety. I ruszomy. Zapomnilech pedziec ze tyn fliger leciol do Warszawy a w Warszawie mieli my przesiadka. Jak ino loderwol sie tyn gizd lod ziymi zacyno nim ciepac jak krykom w kiblu. A to brakowalo mu cheba drogi, bo co jakis cos lecieli my nadol. Londujymy w Warszawie. I zas ty som cyrk z kontrolom. Ale nogle moji rodzince sie lodmiynilo. Cery godajom tato poc jadymy dali, cugym. Bo jak zas tak bydzie ciepac to, niy wytrzymiymy. Ewa tysz jakosik blado pado Stanik moze jednak podymy na cug. A jo chociosz miol strachu pelne galoty godom niy. Wy gizdy sami zescie chcieli leciec fligrym to teroski ciyrpcie. Lecymy dali. Jusz niy byda godol ze te tytki, co som w siedzyniach szly w ruch przez moja familjo. Wylondowali my na lotnisku w Gdansku. Do Chalup my dotarli jak bola godzina 19:00. Jo godom pacz Ewa piechty by my byli pryndzy. To nic. Nasze cery wykorzystywaly sytulacjo, bo jak chcialy na loda a Ewa jim niy chciala dac to pokazywali ji bilety na tyn fliger. Ewa na widok biletow z tego fligra musiala lotac tam kaj krol piechty lazi. I nasze cery to wykorzystywaly do casu asz zech te bilety spolil. Urlop mieli my jednak piykny, a do dom wracali my jusz cugym. Co my sie ryb najedli. W Pucku rodzinka lodwiydzili i lopolyni, zadowolyni i ze wspomniyniami do chalpy przyjechali coby nabrac sil na nowy urlop.
Szpaniol