Moja droga do gornictwa Szpaniol 12.01.2006 Piyrszo klasa Zanim dostolech swiadectwo zech skoncyl szkola podstawowo to moji lojcowie jusz szukali coby jo miol dobry fach i mysleli kim tysz jo byda. Lojciec mie widziol za golaca, jusz nawet prowadzil jakes pertraktacje z kolegom co miol zaklad fryzjerski, a mama zas chciala co bych zostol piekorzym i wyrobiol tortynsztiki. Jo bol caly skolowany i som niy wiedziol co bydzie do mie dobre. Siedza ci sie tak w doma i slysza ze mie wtos wolo. Wlazuja do lokna a tam moje kumple ze szkolny lawki godajom do mie Stanik (jeszcze niy miol jo ksywy Szpaniol) my idymy do Berglery poc s nami. Dugo zech sie niy dol namawiac. Pojechali my balaknym do Belglery i wzion jo papiory. Jak sie lojciec dowiedziol kaj jo bol i do jaki szkoly chca is zacon rycec  po mie, mama bola niy lepszo, ale jak jo jim pedziol wiela dostana stypyndium to wartko mama lojca pszekonala zech dobrze zrobil. I tak uczyl zech sie gornicego fachu w szkole gorniczy. Na powitanie loblykli nos w mundury, a mie nojbardzi podobala sie copka byla podobno do copki generala ino miala inno farba. Piyrszo klasa miala dwa dni w tydniu praktyka. W czasie ty praktyki przechodzili my wszyske zawody lot gornika – budowali my sztolnia wtoro stoji do dzis, stolorza, slusorza ,elektryka, murorza no i kowola. Wykladowcami byli ludzie wtorzy miyszkali blisko nos o nasza rodzina dobrze znali. Piyrszy wypadek zalicyl jo na stolarni jak zech robil olunek. Zagapil jo sie i prasknyl leko siykyrom w gicala. Krew sie puscila a jo zymdlol. Zadyma byla pierzinsko. Dochtor to lobejrzol lowinyl bindom i mi pedziol zech powiniyn lod niego dostac w pysk ze musiol pszis do taki pierdoly. Ale rewiyr mi dol. Jedyn z belfrow wtory nos uczyl ruskigo miol fiola na punkcie tarcz no ji zapinanio szaketow. Jak my wlazili do szkoly to lon cekol z nozym. Wto miol szaket niy zapiynty na knefle to wolol synka na bok i nozym ucinol wszyske knefle przi szakecie, a jak wto nimiol tarczy psziszyty to mu dowol nastypno porcjo tarcz a piniondze kasowol ze stypendium.Tyn belfer bol taki biydny abo udawol, moze go baba lobdzielala cygaretami bo nigdy jich nimiol. Jego piyrsze slowa na lekcji jak ino wlos do klasy to „wszyscy rynce wyciongnonc do przodku”. Wyciongaligali my te gicale a lon lazil i loglondol jak widziol ze palce som pszipolone z cygaretow to kozol wylazic na srodek i wyklodac cygarety na katedra. Psziszet tysz i domie, a jego powiedzonko bolo siyroto lobrzigano a ty co wyciongej cygarety. Jo mu godom ze niy kurza to mie lobmacol jak kura w chlywiku pomlaskol i poszet. Kurzyl lon cygarety Silesia. Poszukol na katedrze czy som te cygarety a reszta sciep na ziymia i godol brac to. Ale bardzo my go lubili pomimo lobcinanych knefli i nadmiaru tarcz w chalpie. Drugim takim ciekawym belfrym bol nauczyciel lod gornictwa. W piyrszy klasie mieli my lekcja gornictwa jedna godzina na tydziyn. Jednego razu przichodzi belfer do klasy i pado tak dzisioj bydzie film prosze napisac „Szarlejka wylala”. Wzion nos dwoch wysokich i zrobil nom instruktaz i pado ze momy tyn film wyswiytlic. Film my lobejrzeli i w chefcie zapisali. Na drugi tydziyn belfer wlazuje do klasy i godo dzisioj tymatym bydzie jusz niy wiym co, a jedyn kolega pado a miol byc film. Belfer sie pyto a loglondaliscie film „Szarlejka wylala”, a my chorym godomy niy. No to zapiszcie tymat  a wy poccie zrobia wom instruktaz. Twala ta komedyjo z tym filmym cosik 4 tydnie. Zblizalo sie polroce i trza uczniow pytac. Wlazi belfer do klasy i godo dzisioj pytomy, jedyn kolego godo panie profesorze a miol byc film „Szalejka wylala”. Belfer sie po gowie poszkrobol i godo tak jednymu synkowi dej ino cheft. Synek mu zanosi a lon loglondo, jedyn tydziyn film „Szalejka wylala”, drugi tydziyn film „Szarlejka … jak doszedl do czwortego tydnia to mu sie slabo zrobilo. My wartko po woda. Jak sie napil to sie zapytol jak to sie stalo ze my co tydziyn tyn film loglondali. Jedyn nasz kolega pado mu tak a my godali a pan pedziol ze nigdy za duzo wiadomosci. No to przi pytaniu belfer nom dol do wiwatu. Wiedziol cyja to bola sprawka. Jeszcze lepszym belfrym bol matematyk chop z Sosnowca. Zagorzaly kibic Zaglymbio Sosnowiec. Skons sie dowiedziol ze jo jes kibicym Ruchu Chorzow. Zawsze w poniedzialek jak wlazil do klasy to piyrsze slowa byly do mie no i co dostal Ruch baty lod Sosnowca. A jo mu na to niych pan poceko jak Zaglymbie przyjedzie do Chorzowa. Chop niy wytrzimywol i zawsze mie brol do tablicy. Dzielil tablica na dwie polowki i na jedny bol napis Ruch Chorzow a na drugi polowie Zaglymbie Sosnowiec. Zaconol mie pytac a lazil zawsze kole ucnia jak go pytol. Jak lodpedziol jo dobrze to stawiol mi plus przi Ruchu a jak niy to minus. Pomimo wszyskiego zawsze jo miol lo jedyn plus wiyncy. Niy znacy to ze jo bol taki dobry ale ze belfer bol fer. Jak uczyn niy umiol to jego powiedzonko bolo „no i co sierotko marzy ci sie zygarek z wodotryskym”. No i psziszla kolyj na wf. Belfer nasz lopracowol tabulka jake wyniki muszymy losiongnonc w dyscyplinach sportu coby dostac godno locyna. Jak nos lobserwowol to stwierdzil ze na 100 metrow jakbych Jo startowol z zolwiym to zollw by bol piyrszy, ale za to cieszyl sie z wynikow jak jo ciepol dyskym i lotol na 1500 m. Pado mi tak pojedzies w tych dyscyplinach na spartakiada szkol gorniczych do Myslowic. Jusz jo sie widziol po tych zawodach na lolimpiadzie. Stalo sie inacy bo jak my lecieli na 1500 m wtos mi gyra podstawil, jo kopyrtnyl i nici z lolimpiady. Belfer mie pocieszol a krew z kolana leciala i marzynia lo dolarach szlag trefil. Ale zostol jeszcze rzut dyskym a jo w tym bol super mocny. Jak zech ino roz ciepnyl i przeciep jakigos miszcza z poprzedni spartakiady to syndzia psziszet do mie i godo ze mom stroj niywlasciwy i mie zdyskwalifikowol. Tak legly w gruzach marzynia lo lolimpiadach, zwiydzaniu  za panstwowe piniondze swiata. Do szkoly dojyzdzali my Balkanym, to byla k´dys bo jusz nima kolejka wàskotorowo. Za jazda tom kolejkom si´ nic niy placilo. Nasza szkola lezala posroku pomiyndzy dwoma przistankami. Wto by tam lazil tak daleko, no to my jechali dali i w polowie drogi wyskakiwali. Niy pomogaly prosby belfrow tlumacynia naszych belfrow , wiela jusz juz ludzi stracilo gyry, my robili swoje. No to nasz belfer z ruskiego przinios si´ lornetka i lokna loglondol wto to wyskakuje, potym jak my wlazili do szkoly lobdzielol nos linijkom po gicalach. Bolalo a wedlug nos warto bylo wyskakiwac bo zaloszczyndzilo drogi. Na pocontku cerwaca belfer lod ruskigo loglosil ze przyjmuje zapisy na oboz do Witnicy Chojenskiej to jes w szczecinskim. Jo sie zapisol, a jeszcze bardzi jo sie cieszyl ze niy muszymy nic bulic. Matka i lojciec zadowolyni bo synek pojedzie i jedna gymba do zarcio bydzie myni. Szpaniol