Moja droga do gornictwa Szpaniol 12.01.2006 Piyrszy miesionc na grubie Pamiyntom moje piyrsze kroki na grubie. Skoncyli my szkola i ze swiadestwami zaprosili nos do swietlicy kaj przedstawiciele z innych grob zachyncali nos do roboty na jich grubie, ale umie i mojich kolegow lodezwol sie patriotyzm i podpisali my umowa z naszom grubom. Culi my sie wazni jak magi w zupie, a dumni bo elektrycy to jusz bola lepsza grupa. Jak my sie ino przijyni na gruba po wszystkich badaniach to my sie dowiedzieli ze do 18 roku zycio bydymy robic na loddziele wydobywczym, to tam kaj tyn wongel fedrujom. Buntowali my sie ale w  duchu,przeca wtedy jeszcze strajki niy byly take modne jak dzis. Niy zapomna nigdy ze jo jako jedyn z colki klasy elektrycny dostolech sie na loddzial wydobywczy 12 na poziomie 350 m. Felezunki lodbywaly sie na dole. Sztajger jak mie lobejrzol tego smoka wysokigo na 180 i 65 kilo zywy wogi pado mi tak. Ty bier barbora i bydzies tczaskol kynsy wonglo co pojadom na panctsze. To sie troszko mozecie wyobrazic machanie takom barborom jak lona miala swoja woga jusz niy pamiyntom ale cosik wiyncy jak 6 kilo. Jusz po godzinie tszaskanio tego wonglo zalowol jo zech sie dol kolegom naoowcc i zech poszet do berglery. Niy wiym kiedy mi na rynkach wyrosly plynckyrze i blaze. Udalo mi sie ta szychta zalicyc. Na drugi dziyn godom sztajgrowi ze tam niy poda rombac te bergo wonglo bo mie gicale bolom, mom sroge plynskyrze a zresztom jo jes elektryk a niy gornik. Sztajger wyrozumialy chop, jo tak myslol, pado mi podzies z tym kolegom do przodka chodnika. Przyszli my a przodowy godo do mie i mojego kolegi jo teroski byda wiertol a potym szczylol, a wy loba w tym casie musicie prziniys po komplecie lbudowy no i drzewo cyli kuloki do wyklodki. Poszli my po ta lobudowa a jo pacza stojom dwie kapy i styry nogi. Jo godom do kolegi tak pacz jes pol losmy to sie chwila dychnymy. Dychli my sie i lo pol dziewiionty jo sie biera za jedna kapa a moj kolega za drugo. Jeronie jake to bolo ciynszke, a do pszodka jakes 500 metrow. Idymy i co chwila lodpocywomy. Jusz my slyszeli jak przodowy szczelil na przodku bo nawet bylo cuc tym pierzinskim gazym, a my idymy i co kwila dychomy. Jak my byli 50 metrow lod pszodka to byla godzina 12.30. Jak nos lobocyl pszodowy zacon do nos leciec z kilofym i rycy wy pierony jo wos zabija. Co my mieli robic. Jo godom koledze praskni tom kapom na zol jak jo i pitomy pot szyb. Pot szyb bolo kas 2 km a przodowy s tym kilofym za nami. Jak my pszilecieli pod szyb to ludzie jusz stoli a prawie przijechala szola. To my nic ino w tym pyndzie wskoczyli do szole. Slysza jak tyn przodowy rycy ze  dwoch powodu takich dwoch najduchow normy niy wyrobi i wajol i wajol. Sztajger psziszet do szole i nos wydar. Pado nom tak jak niy zaniesymy ty lobudowy na pszodek to pudymy bez prymi. A przodowy s tym kilofym stoji i rycy. A jo godom ze niy puda i niy zaniesa bo to pieronstwo jes za ciynszke, a zresztom jo je elektryk a niy transportowy i niych ta prymio biere. Dobra puscil nos sztajger, ale zapisol coby niy zapomniec komu mo wzionsnsc. Drugi dziyn w robocie a jusz jo i moj kolego byli my slawni. Kolego koncyl klasa gornico i jo mu wspolcol. Wszyscy godali jak my to wyprostowali jednego przodowego wyscigowca. Wtory byl tak chwolony przez aktyw. Na trzeci dzien. Pszilazymy do roboty a sztajger pado do mie i mojego kolegi idzcie do biura stary na wos ceko. Jo godom poc idymy co sie gizda bydzies bol. Wlazujymy a kierownik ino kiwnyl tym paluchym coby my psziszli blizy. Colko zmiana suchala jak lon po nos rycol. Wyrycol nom ze my som nierobami wstyd lojcom pszinoszymy itd. a musza pedziec ze lon dobrze znol mojego lojca bo k´dys razym tysz robili. Jak jusz skoncyl sie wyzywac to pedziol tak lod dzisioj wy dwa pierony pudziecie na kurs lobslugi tasmociongow. Poszli my sie lokompac, wziyni lobiegowki i gibko na szkolynie bo tam sie fajnie drzymalo, boli my sie cy pszipadkym kerownik sie niy rozmysli. Po dwoch dniach mom tyn pierzinski papiorek na lobsluga tasmy. Sztajger jak nos lobejrzol to ino pedzio tak sprobojcie mi jaki numer wywalic to jo wom pokoza. Mie godo tak, ty idzies na piyrszo tasma lod sciany, a mojymu koledze pado a ty na drugo. Idymy na te nasze nowe stanowiska. Ale w tym czasie zanim my doszli to lopowiedzieli si´ pora filmow. Jak my psziszlina swoje miejsce to sztajger jusz skokol z nerwow. Pado tak pieronie jasny przes wos colko sciana stoi. 1,5 godziny idziecie pierony 1 kilometer. A my mu godomy cymu tak wartko zacyni fedrowac. Sztajera lo malo co szlag niy trefil ale borok wytrzimol i pedzio nom ino Szczynsc Boze i tyla my go widzieli.Taki szpacyr na miejsca twol dwa dni. Sztajger jusz tego niy wytrzimol i na trzeci dziyn pado do mie ty podzies dzisioj som a mojemu koledze pado a ty podzies symnom. W tym casie cyli w lipcu pisali my pisama do dyrektora i zondali my coby nos pszenios na loddzial elektryczny. Udalo lod 1 siyrpnia mom robic w loddziele elektrycznym. Piyrszo szychta na rano. 31 lipca pamiyntny dzien. Bo lostatni dziyn robia w tym loddziele wydobywcym a mom szychta popoledniu. Psziszet jo na knefel nacisnyl knefel i tasma ruszyla  i ruszylo wydobycie. A jo sie wzion za czyszczynie tasmy. Jak zech poczyscil to godom do siebie teroski sie siedna i zjym sniadanie, tak my zawsze godali w robocie. Cy to byla szychta na noc cy na rano zawsze sie godalo sniodanie. Teroski dokladnie niy pamiyntom ale bolo kas kole 8 wiecor cyli szychta sie zblizala sie do konca jak mie sie zachcialo siednonc. Jak zech sie siot toch zacon myslec i w tym myslyniu jo usnyl. Snilo mi sie ciymne niebo i te chmury nad mojom gowom i w tym wszystkim uslyszol jo ino te dwa slowa jo cie ty pieronie zabija. Lotwar zech locy i co widza tasma stoji, a wongel mi jusz zasypywol nogi. Widza sztajgra wtory tszimie sercowa cyli tako lopata i godo niy wyjedzies jak tego niy wyfedrujes. Wzion zech sie za lopata i jada s tym koksym a moj kolega jak sie dowiedziol jako mie pszikros ze strony tego sztajgra spotkala tysz wzion lopata i psziszet mi pomogac. W doma matka i lojciec juz lazili jak po gwoêdziach no bo Stanik jusz downo miol byc z roboty a tu go nima. Wreszcie docekali sie na mie. Jusz niy wiym cych zjot wieczerzo ale wiym jedno ze plynckyrze zech miol wielke jak apluzyny. Rano wstaja krzyze bolom ale wala do roboty. I tu spotkalo mie szczynscie sztajger pado mi tak podzies s tym eketrykym na oddzial 12. Jak mie tyn sztajger zas lobejrzol ze jo jada do niego na loddzial to prosil tego elektryka coby mie pilnowol. Tak wyglondol moj piyrszy miesionc roboty na grubie. Szpaniol