Szpaniol / Szopynice, 2009
Hajnel jusz lod malego bajta siadol na fynsterbrecie, gymba psziciskol do szyby i slypiami loglondol colkymi dniami jak sie kolka kryncom na grubie.
Niymog sie nadziwowac jak to jes, ze te kolka sie krynicom i lina leci ros na dol ros na gora. Kombinowal, coby ino ros pojechac tom szolom na dol. Ale narazie swoje marzynia Hajnel musial skryc do szranku, bo pszet sobom widziol zycie we szuli podstawowy a potym studynta a i lojcowie mu tuplikowali co tak bydzie. Hajnel zacon chodzic do szule i dobrze sie lucyl, ale zanim skoncyl szula podstawowo z bardzo dobrymi cenzurkami, jego lojca zabilo na grubie. Zabraklo w chalpie zywiciela, ale tysz lojca ftory zawsze miol pod rynkom zyla coby Hajnelowi tuplikowac lo nauce. Poszet nasz Hajnel do technikum ale jakosik mu niy szlo, bo zabraklo lojcowski gicale i pomocnika i tak pomalusku nasz Hajnelek leciol z cynzurkami coros nizy no i zacynol unikac szkoly, bo koledzy wiyncy mu dowali nauki nisz szkola. Niy tfalo dugo, a nasz Hajnel dwa razy koblowol piyrszo klasa technikum i ani sie spodziol, jak znot sie w gornicy szkole zawodowy w klasie elektrycny. Jeszcze szkoly niy skonczyl jak mu uros wons. Hajnel sie niy golil, bo pedziol co wons mu dodaje powagi. Udalo sie i Hajnel skoncyl szkola i psziszet tyn dziyn. Dziyn w kerym Hajnel zacon robic na grubie. Zacynol w loddziele przygotowawczym, bo tam miol nabrac grajfki do roboty . Hajnel to byl chop, meter piync w kapeluszu i jak sie to godo skora i kosc ale gosc. To nic, ze arbajtancug trocha za srogi na niego i musiol rynkowy lod szaketa podwinonc coby gicale bylo widac i to samo robic z nogawicami galotof. Spelnily sie jego marzynia, sjechol szolom piyrszy ros na dol. Jak kozdy nowy robotnik byl pomagerym i nosil torba za przodowym Co tam torba, casym i na dodatek bakol na plecach rukcuk. Rukcuk uniwersalne narzydzie, madikamynt na kozde pszeciwnosci losu. I tu Hajnel sie kapnyl, co warto byc pszodowym a niy pamagerym. No ale stala sie rzecz ciekawo, bo Hajnel dostal sie do brygady ftoro ruly lot lajtungu naprawiala. Jednego dnia Hajnel mog sie wykozac, bo pykla rula i tsza jom bylo gipko wymienic. No tosz Hajnel z brygadom zagipco, coby ta awaria zrobic i coby jak nojmyni wody z ruly wylecialo. Awaria prawie usuniynto ale brakowalo koncek ruly do kuplongu. Pszodowy lodmierzyl wiela poczeba i Hajnelowi godo, coby wartko poleciol do telefonu i zadzwonil do sztajera, coby taki kawalek ruly swiyzli na dol. Dzwoni Hajnel do sztajgra i mu godo, co poczeba koncek ruly, co
by skuplowac colki lajtung. Sztajer sie pyto: Hajnel a wiela ty ruly potsza ? A Hajnel pado: tyla ! Sztajer jusz wnerwiony pado: godej mi pieronski gizdzie wiela ? Hajnel pado: dyc pokazuja, tyla !!! Sztajerowi sie slabo zrobilo cieplnyl suchawkom i tak sie skoncyla kariera naszego Hajnela pszi rulach. Sztajer sie kapnyl, co karlus niy kumaty, to go dol tasmiorzom, ftorzy szyli tasmy. Sztajger miol nadzieja, co s Hajnela bydom jednak ludzie. I psziszla okazjo, coby Hajnel mog sie wykozac, bo zerwala sie tasma. Sztajger pszileciol i godo: chopy, gipko tsza szyc tasma, bo waglo poczeba dlo kraju. Tasma gotowo do szycio, maszynka z nilosami gotowo do szycio, a sztajer zas pado: Hajnel podz ino bydzies szyl. A coby widziec jak Hajnej szyje, to sie klynknyl blisko maszyny do szycio. Hajnel zacon szyc: miol dwie rulki i snimi tak wyrobiol, coby nilosy wlazowaly do tasmy jak kopacka do ziymi. Sztajer byl zadowolony, bo Hajnelowi gryfie poszlo i jusz mu chcial pedziec, co sniego bydom ludzie ale niy poradzil wstac na gyry, cos go za szaket tszimalo. Paczy, a Hajnel psziyszyl mu do tasmy szaket. Tego bylo sztajerowi za duzo i ryknal: Hajnel, pacz cos zrobil, pieronski najduchu !!! . Hajnel wiela niy medykowol ino wyciognyl z kapsy noz kozik i lodcion konck szaketa sztajerowi.
Sztajer wejzol na szaket, potym na Hajnela i ryknyal: pieronski gizdzie, jo Cie zabija, bo moje nerwy tego niy stszimiom !!! A Hajnel ze spokojym lotwar lusmiychniynto gymba i pado: sztajer co tam szaket, bele wagel poleci. Zodyn ze sztajgrow niychciol miec Hajnela u siebie, bo niywiadomo jaki zas numer wywali, a sztajgry boli sie lo prymio coby ji niy stracic. No ale chopowi tsza bylo dac robota. Tosz kierownik jednego dnia pado tak: Hajnel dzisiaj bydzies czaskol kynsy na scianie. Psziszet Hajnel na sciana i dostol pyrol. Praskol tym pyrolym po waglu coby myjsze konski lecialy. Pszi tym praskaniu pyrolym Hajnela sily lopuszczaly, bo pyrol wozyl 7 kilo a Hajnel 45 kilo. Po dwoch godzinach czaskanio waglo Hajnel loslob. I teroski pyrol nim ciepol jak dzudoka. Lobejrzol to sztajer i pedzio: Hajnel, lostof tyn pyrlik bo lon Cie zabije i poc bydzies pucowal tasma. Wiela sie tam Hajnel niy napucowol, bo co kfila abo mu sie chcialo pic abo drzymac i tak do konca szychty dotrfol.W biurze byla pieronowa narada, co dali bydzie s tym Hajnelem. Pszeca jak lon tak bydzie wyrobiol na naszym loddziele, to nos wszystkich zwolniom - pedziol kerownik. Po dugi godce stanylo na tym, co Hajnela poslom na kurs coby mog tasmy puszczac. Szkolili Hajnela dwa dni i dali mu papiorek, cyli prawo jazdy na tasmy. Nojpiyrw Hajnel poleciol do chalpy, coby sie mamie pokfolic jakiego mo zdolnego synka bo jusz mo piyrsze prawo jazdy na tasmy. Jego kolega ze szkoly pszijechol na slonsk z keleckigo cy lubelskiego ( fto to teros wiy ) i tysz robil prawo jazdy, ale na chaspel. No i chciol sie mamie w liscie pokfolic jaki jest zdolny, bo teroski bydzie jezdzil na chasplu. No to mu matka lodpisala, coby na tym chasplu pszijechol do chalpy, coby ludziom sie pokfolic. Hajnel by tasmy do chalpy niy zasmycyl, cheba ze koncek na zole do szczewikow.
Wiyncy jeszcze bydzie s tym Hanelym.
Malunki wyrychtowal Bogdan cyli Utopek.
Szpaniol