Szpaniol 23.03.2006
Jorgusiowi tak sie wylobraznia zaloszczyla po mojim lopawiadaniu lo stowie Bager, lo rybach i rakach w stowie i gadzinie ftoro zyje, nalokolo tego stowu, ze postanowil zaryzykowac. Kupione meble niy spelniajom jego wymogof ceregele z wiymianom luszkodzonych tajli na nowe dopelnily gorycy. Postanowil zaladowac colki spszynt wyndkarsko mysliwski zaprosic do auta Krista i ruszyc w rajza do mnie na Safarii.
Zima niy zima postanowil jechac. Mie nic niy pedziol. Chciol nom z Ewom zrobic niyspodzianka. Jo z lokna pacza i widza jak jedzie auto kolumbryna i ciongnie za sobom przycepa z lodkom. Dziwia sie wto to w zimie ciongnie lodka. Musza jednak uprzedzic, ze te pora dni cieplyjszych zrobilo swoje i lodu na wodzie nima. Autok dre pod moja chalpa. A ze jo je pieronym ciekawski chop toch sie loblyk i jada windom pologlondac tego lodwaznego zeglarza. Udaja ze ida do budki z cajtongami kupic Dziynnik. A tu nogle, drzwiyrze z auta sie lotwiyrajom i wysiado Jorgus z Kristom. Strasznie jo sie ucieszyl. Przeca tak dugo my sie niy widzieli. Lostatni roz drugigo stycznia. Zacyni my sie witac a tu nogle cosik na mie skocylo. Dobrze zech zawalu niy dostol. Jorgus pado niy przejmoj sie to moj piesek. Lon pado piesek a to byla psina wielkosci krowy. Jo godom Jorgus a co s tym psym zrobiymy, a lon godo zamknymy go w chazlu. Zaprosilech jich do chalpy przeca na dworze niy bydom stoc. Uradowani zacyni a jo jim pomogol rozpakowywac te swoje klamoty. No niy powiym niy malo tego mieli. Ino wszyske pakunki za wyjontkym kofrow, bo mieli jich cheba ze tszi boly strasznie duge. Tachomy to wszyscy do mie na gora do chalpy. Dobrze, ze mom winda, bo inacy to niy wiym wto by to wszysko smycyl tak wysoko. Pies do windy niy chce wlys jo go dra, Jorgus dre a pies stoji i warcy, moze mie jeszcze tyn gizd chce uzric. Dopiyro Krista capla go za tylne szlapy i wcisla go do windy. Wcesni my auto zabespiecyli na prywatnym parkingu. Przeca Jorgus z Kristom niy bydom nazot wrocac na kolach. Zacyni sie rozpakowywac. Pies w chazlu robi nom remont. Nic niy szkodzi Jorgusia z chalpy niy wypuszcza jak niy naprawi remontu po psie. No ja Ewa mo zawsze wzglyndy, bo dostala lot Jorgusia Whisky cy jak tam sie na to godo. Niy niy powiym mnie prziwiyzli piwo i to Krombacher. Wiedziol ino niy wiym cy Jorgus cy Krista jak mie udobruchac. Po wryncyniu guszynkow pszi bonkawie Jorgus zacon rozpakowywac te duge pakunki. Jak jo to lobejrzol to godom, jeronie po jego byzuchu w mojim stowie jusz ryb niy bydzie, ze lo rakach niy, spomna. Prziwioz ze sobom styry wyndki. Jedna z zylkom cheba na rekina. Wszystko to jest nic. Dopiyro jak jo lobocyl siec rybacko toch klapnyl na rzic. Godom Jorgus, po co ci ta siec ?. A lon mi, pado a jak myslis, po co ze sobom smyca ta lodka. Przeca jo sieci, niy byda ciongnyl. Ludzie jo jusz, widziol Szopyniczokow jak nojpiyrw, robiom sroge locy a potym lecom do chalpy po narzyndzia, atakujonco lobronne i cekajom na Jorgusia coby mu wytuplikowac kaj je sprawiedliwos i cyje som ryby. Godom Jorgus przeca mi wszyske ryby wychytos niy lepi wyndkom. Wyndki tysz zaciepna do pewnosci, godo, ale s pustymi gicalami do chalpy niy pojada nazot, bo to wstyd. Jo mu godom, Jorgus ale tyla ryby jak chycis sieciom to, co sniom zrobisz i co nom lostanie. Ludzie lon mi lodpedziol tak. Niy nadarymno smyca ze sobom dwie elektrycne wyndzarnie. Jo je wszyske uwyndza. Jo godom chopie, co z tymi rybami chcesz wlazowac do Unii, abo na targu bydzies stol. Juz tak mysla, po co jo mu szkryflol lo tych rybach. Przeca mie te, ryboki zabijom jak sie dowiedzom wto Jorgusia sprowadzil. Dobrze, ze niy, wiy Jorgus kaj mom logrodek ze stawym i rybami, bo i te by mi wychytol. To, dopiyro, byl pocontek mojego strachu. Jak zacon, Jorgus rospakowywac flinty toch zymdlol. Prziwios ich ze styry i to z tymi lunetami. Godom Jorgos, do kogo tu bydzies szczylol. Przeca te szczelby som na niydzwiedzia abo slonia. A u mie som ino zajonce i kuropatfy. No moze tam kas lisa luszczelis, ale niy slonia. Jorgus pado mi tak jak hukna do zajonca z ty flinty to moze niy trefia dokladnie, ale lon musi, sie, przewrocic, bo tego olowiu jego gyry niy dzwignom, a co dopiyro kuropatfa. Pado przeca lona niy do rady z kilym olowiu furgac w lufcie. A moj pies to je pies lon kozdo gadzina mi pot flinta psziprowadzi. A jo tak mysla, co by bylo jakby mie tyn pies na, szczal wyprowadzil. Lepi jak lotym niy, byda myslol. Jo tak sie siot i mysla. Jeronie ryby mi wychyto gadzina wyszczylo to, co tu umie zostanie. Godom tak Jorgus puc moze sie jednego, napijymy. A pies remont prowadzi daloi jo go colki cos slysza. Godom Krista powiydz Jorgusiowi niych mi tego niy robi. Lodkom mogymy poplywac no, ale wychytac mi ryby i wyszczylac gadzina niy dej mu. Pszi drugi flaszce gorzolki Jorgus zarepetowol ta pieronsko flinta. Pytom sie go, co bydzies robil szczylol. Do kogo. A lon mi, pado na wiwat. Godom, Jorgus u nos niy wolno szczylac na witat. Co ty chces wojna wywolac. Chciolech mu ta flinta wyrwac i nogle pot szczal. Zabolalo mie strasznie gwiozdy widziolech w locach, zacon mie bolec slyp alech sie lobudzil. I Ewa mi godo pierzinski, gizdzie co mie dusis. Jakbych ci w pysk niy dala to bys mie moze udusil. W pysk tak mysla a slyp mom podbity. Co jo byda Ewie godol co jo w tym snie przezyl. Ale ji niy wyboca, ze, mie praskla gicalom tak, ze mom limo pot lokym. I to na snie bezbronnego, chopa praskla.A napisol to jo, wtory, siedziol na loszku z podbitym lokym i sie, zastanowiol, co to bylo tajfun, Jorgus, syn, ale na pewno gicala Ewy..
Szpaniol-------------------------------------------------------------------------