Szpaniol 21.11.07 / Szopynice, wrzesiyn 2002
Je to fandzolynie jak sie dwoch kamratow czyli Kaprysek i Szpaniol na byzuch do Seby wybiyrali. Wszyscy slyszeli ze mie Seba zaproszol, ale ze rajza w pojedynka je niybespiecno toch Sebie pedziol ze pszijadymy we dwoch cyli Kaprysek i jo. A ze niy doszed byzuch do skutku to brak zdecydowanio Seby no i lyniwego Kapryska ftory by chiol ale i niy chciol. Lon sie cegos bol ino niy wiymy cego. Nojpiyrw to my wybiyrali cym pojadymy. Jo pedziol ze fligrym niy lecymy bo sie boja ty pieronski maszyny, cugym tysz niy jadymy bo Kaprysek pedziol co zodyn niy bydzie cugom kerowol jak lon w nim siedzi. Lonymu to zostalo jeszcze jak byl bajtlym i jak na placu bawili sie w ciuchcia. Lon zowdy musiol byc maszyniokym. I tak bylo. Ale jak poszet na gruba to mu podzieli co na maszynioka sie niy nadaje bo jymu pasuje rukcug i brecha w gicali nosic. Jak Kaprysek sie dowiedziol co niy bydzie cugom kerowol to zmienil zdanie i pedziol co lepi bydzie jak pojadamy jego brykom na gas. I tu sie lodezwala Ewa. Takim starym klamorym Stanika niy pusci. Kaprysek zacon Ewa pszekonywac co hamulce w jego aucie som dobre a siedzynia wygodne. Kapryse zacon Ewa pszekonywac balamucic coby ta sie zgodzila a lon lobiecol co jeji szczynscie dowiezie do Seby szczynsliwie no i nazot tysz. Ale Ewa pedziala co niy i fertik. Seba jak uslyszol ze momy jechac lot Hanysa zapalnickom to zacon sie sztrabowac pewnie sie bol ze mu lot Hanysa auto zamarasi garaz czy co. Pewnie tszimol strona Ewy. I tyn projekt tysz pot. Jo godom to sie poswiynca i polecymy fligrym, moze rybom latajoncom abo mysliwcym. Seba jak uslyszol co fligrym chcymy leciec to sie wystraszyl bo fligra niy poznol i myslol ze my tam chcymy MIG-ym leciec. Postraszyl nos tyn gizd bazom amerykonskom kaj som fligry jakesik F-16 cy inne pierony. My tysz sie wystraszyli bo tyn gizd mog by do nos szczelic jakims perszingym czy cym innym. Dopiyro jak jo mu pedziol ze sie na fligrach i to sujuszniczych niy zno to ucich. Jo wiym co Kaprysek by chciol jechac takom machinom kaj idzie wrazic loszko we ftorym by lezol, jyncol a mode frelki by go masowaly. Za duzo szczynscio chiolby naros. Bestosz zech sie niy zgodzil i zas my sie wadzili cym pojadamy. Norescie my zdecydowali co fligrym niy polecymy, zodnom machinom z loszkym tysz niy. Dywan latajacy tysz lodpado bo nimo pasow bespieczynstwa. Kaprysek chciol zaryzykowac i jechac na koniu i patrzcie bezymie i co nojwazniyjsze niy bol sie ze zas bydzie miol z krzyzami cyrki. Ale Maryjka wystraszono lo jego zdrowie wtore moze nadwyrynzyc nasz Kaprysek pszedstawila inno propozycjo. Kaprysek mo jechac machinom wygodnom, wyscielanom puchym i czym ino sie do aby to nasze cudo cyli Kaprysem dojechalo szczynsliwie. Szpaniola niy zalowala Maryjka, puscila by go nawet na desce do biglowanio. Kaprysek tak sie pszejon tymi przigotowaniami do rajzy ze musiol is do masazystki coby mu krzyze wymasowala, no i wartko sie zebrol bo miala go masyrowac modo frelka cy cos podobnygo. Dugo go niy bylo. W tym czasie padla propozycjo chyba nojlepszo. Kaprysek ze Szpaniolym majom jechac rikszom. Wzions zapasy zarcio bo to dugo potfo. A Szpaniol musi zric i to duzo. Role zostaly podzielone Hanys mo pyndalowac – zamiast masazu – a Szpaniol bydzie pilotym. Szpaniol juz tam kedys byl i sie stracil bo nimiol farplanu. Jechol do Oldynburga a lopamiyntol sie kole Bielefield, cheba mu Ewa ta mapa pokozala do gory nogami, ale teraz juz umi czytac farplan. Maryjka ino Sebie pedziala ze takich gosci mo przijonc godnie. Zarcio nakupic i to niy byle jakigo, sznapse tyz dobrego gatunku. A do tego jako gospodosz zapewnic inne atrakcje. Pszeca gosciom sie nolezy. Jak sie Seba dowiedziol ze ta rajza moze dons do skutku zacon wynokwiac jakes przeszkody, a to ze mu zamaraszymy antryj, balkon, dobrze ze niy loszko. Chyba tysz pszeliczol koszta jake bydzie musiol poniys.I nogle cicho - Seby nima. Pitnyl kajs cy co? Moze sie skryl w jakim anfarcie ale niy dowol znaku zycio i tak padla nojwiykszo rajza tego wieku dwoch lodwaznych laubowiczow wtorzy mogli sie znoles w ksiyndze ginesa czy jak tam. Tyla smaku nom narobil jusz niy spominom lo smaku cygar co my mieli kurzyc, lo tym rumie cubanskim i jinnych smakolykach co prziwioz z Cuby. Ale to i na dobre nom wyszlo bo tera grasuje po europie gripa i co by bolo jak by my jom capli
w czasie rajzy. Ani termomyjtra i medykamyntow nawet toporka zeby dobic tego wtory piyrszy zachoruje, po co sie mo myncyc. A tak lezymy sie na wyrku, zerymy kreple i pijymy bonkawa, paczymy na sniyg za loknym. Czasym na lobiod fanzol i inne jedzynie co daje gazy. Wtedy wylazymy na balkon i szczylomy az gacie furcom. Zaloszczyndzili my piniondze, nerwy i zdrowie, bo wiadomo czym nos poczynstuje Seba. Za tyn fliger to mog by nos tyn gizd
i lotruc. Jakby lotrul Kapryska to bych sie niy gorszyl ale mie za co. I tak koncy sie epopeja dwoch laubowiczow wtorzy w chalpie lostali, smiejom sie z niy ludany rajzy i majom skromno nadzieja ze tysz tak sie usmiejecie i jako szpas pszijmiecie to szkryflanie. Szpaniol jes podobno zdrowy a Kapryska ciyngym jak modych frelek niy widzi to go krzyze bolom.
I jak to kedys napisol jedyn poeta, a jo przeinacza „ i jo tam niy bylech, miodu i wina niy pilech a coch wymyslil to na stronie umiescil”
Szpaniol