Szpaniol 17.04.2006
Jednego piyknego dnia Ziga sie zmobilizowol zapion do swojego auta przycepa i razym z zoneckom pojechol do Oswiyncimia po wieprzki. Jak tak sie spokojnie jechali to i naszego kamrata Kaprysa po drodze spotkali i przes chwila pierdoly pociskali. Z tego wszyskigo dowiedziol sie Kaprys po co i kaj Ziga jedzie. Coby niy bolo pierdol to Ziga mu pedziol ze jedyn wieprzek bydzie dlo Szpaniola. Kaprysa galy wywalil na wiyrch jakby ducha lobocyl i nawet cesc niy pedziol ino wartko do chalpy poleciol coby sie wybecec. Slonecko piyknie grzolo jak Ziga na torgu sie zjawil. Dugo niy szukol bo niydaleko futrki kaj sie wlazuje na torg stol jedyn gospodarz ftory mode wieprzki specjalny zorty miol do sprzedanio, duzo miynsa a malo szpyrki. Jeszcze trocha twalo zanim Ziga pedziol bierymy jich piync i wtedy zacyni sie targowac lo cyna. Jedyn niy chciol sni sposcic a drugi nic dodac. I co kwila swojymi gicalami przybijali a potym je chowali. Norescie sie udalo i Ziga utargowol cyna godno i foluje te jusz swoje wieprzki na przycepka. Jak jusz je zaladowol to jeszcze poprosil tego gospodorza coby tego nojmyjszego wieprzka naznacyl farbom bo godo to do mojego kamrata Szpaniola. Przywionzol za szlapy do przycepy te wieprzki i jedzie Ziga z wieprzkami przez Tychy. Kupa larma wieprzki robiomn bo som glodne. Za zakrytym Ziga lobocyl ze ftos mu gicalami kiwie coby sie zatrzymol. Bol to Kaprys z Johankym ftorzy mieli ze sobom kibel z pomyjami i kelnia. Ziga jeszcze roz sie z kamratami przywitol i zdziwiony sie jich pyto co majom zamiar robic z tymi pomyjami. Kaprys pado ze wieprzki som glodne i robiom kupa larma to trza jim dac zric i zacyni kelniom dawac zric wieprzkom te pomyje bo jim bolo zol gadziny. Niy wiym cy wieprzki sie nazarly ale wiym ze colko przycepa bola lobchlastano tymi pomyjami a jak wyglondol Kaprys i Johanek lepi jusz niy pisza. Ino wywiorki mi doniosly ze zonecka lod Kaprysa niy dala mu wciepnonc zamaraszonych galot i jakli do waszmaszyny. Ino wyciongla waniynka nalola gorocny wody, mydlo z gruby i dolozyla warzbret. Reszta to se mozecie wylobrazic. Johanek bol bardzi przezorny i jak szed z Kaprysym to sie loblyk arbajtancug z gruby no i guminioki. Po colki imprezie wzion tyn ancug zapakowol do worecka i pedziol to sie przido jak pojada lodbyc wieprzki u Zigi. Nareszcie Ziga rudzyl z Tychow do chalpy. Pomyje kidajom z przycepy i znacom droga ftorom jedzie transport Zigowy. Szczynsliwie Ziga z tymi wieprzkami dojechol ale strofa po drodze tyrz zarobil bo polycjantowi niy podobalo sie ze tyla wieprzkow wiezie na przycepie. Widocnie tyn policjon bol z lochrony zwierzont. Chlywik gotowy na przyjyncie nowych lokatorow, korytka wyparzone i wyszkrobane. Ze srogim wrzaskym nasz Zigus zaprowadzil wieprzki do chlywika. Dugo jeszcze w tym dniu siedziol w chlywiku bo niy mog sie nadziwic jake gryfne wieprzki kupil. Zigus do mie zadzwonil i zacon sie chwolic swojimi wieprzkami, a na koncu mi pedziol co jedyn wieprzek jest moj. Jo sie pytom a jak jo go poznom ze to moj. Zigus mi pedziol ze jes naznaczony. Strasznie jo dziynkowol naszymu kamratowi ze lo mie pamiyntol i jo go jusz uprzedzil ze przyjada sie go lobejrzec znacy tego wieprzka mojego. Nadarzyla sie lokazjo bo Utopek do mie zadzwonil i mi pedziol mom przyjechac po winogrony. I jednego piyknego dnia pojechol jo do Utopka a potym snim razym do Zigi boch sie bol ze tam niy trefia to po piyrsze a po druge to chciolech miec swiadka coby poswiadcyl jak moj wieprzek bydzie srogi ze lon je moj. Lod Utopka jo wyjechol lobladowany winogronami, punkami no ji lorzechami. Przeca jak bych tego niy wzion to by sie zepsulo. Marysia bonkawom pocynstowala do tego konsek babofki dala. Jo jednak bol strasznie ciekawy tego wieprzka i zech sie lucieszyl jak Bogdan pedziol Szpaniol jadymy. Narescie my som u Zigi. Dugo my sie do drzwiyrzy dobijali bo zodyn niy lotwiyrol. Jo jusz niy szczimol i prasknyl piynsciom pora razy we drzwiyrze i dopiyro wtedy kobiyta lod Ziga nom lotwarla i pedziala co Ziga spi zmordowany bo colko noc przeklikol na kompie z jakoms modom frelkom. No to mu sie teroski niy dziwia bo chce napewno jeszcze przezywac to nocne klikanie we snie. Ucieszyl sie strasznie na nasz widok, a mie colki cos lodciongol lod chlywika. A to mi pokazywol drzewa z fyrzychami, jakes lorzechy. No jak mi jusz pokazywol to jo myslol ze chciol mi pedziec Szpaniol urwij sie trocha fyrzychow, to jo zacon rwac i lodowac do torby bo drugo tako lokazjo moze sie niy trefic. Wreszcie przyszed tyn moment ze idymy do chlywika lobejrzec te wieprzki a szczegolnie mojego bo jo bol strasznie ciekawy jaki tysz lon jes srogi i wiela byda miol s niego krupniokow. Wlazujymy a Ziga sie chwoli loboc Szpaniolku jake som dorodne, a jo godom a wtory to tyn moj. Wreszcie Ziga pokazuje w koncie malego wieprzka. Malego to duzo pedziane lon byl trocha wiynkszy lod kundla Kaprysa. Jo sie pytom Ziga czamu lon taki maly i cymu mo narysowane kolko na gowie. Maly, maly pado Ziga bo zric pieron niy chce byda go musiol flaszkom futrowac ale niy martw sie pado mi lon wyrosnie na smoka ze po zaszlachtowaniu we szesciu laubiorzy go niy uniesie. No dobra godom ale czamu zes mu namalowol to kolko na gowie. To kolko pado Ziga to jes znak rozpoznawczy ze to twoj wieprzek i widzis jaki jo bol przewidujoncy boch go kozol tak naznacyc cobys ty go poznol i masosz niy miol problymow kaj mo rypnoc motym jak go bydzie szlachtowol. Niby zadowolony jo ale co tam dali my sie z Utopkym zaprosic Zigowi na kawa. I tak my sie fandzolili lo wszystkim i lo niczym. A jo jusz widziol te wuszty, krupnioki, leberwuszty i inne dobrocie ftore byda wcinol i popijol wusztzupom. Jednak przyszed czas coby do chlapy jechac. Pozegnali my Zigi a Utopkowi godom boles swiadkym jak pedziol ze to moj wieprzek. Uradowany jo przyjechol do chalpy i godom Ewie kaj zech bol i tak dali. Ewa krzywo na mie wejrzala ale co mi tam. Jo ino cekol kedy lon urosnie coby miec s niego dobrocie do jedzynio. Cas wartko leci i ani zech sie lobejrzol jak do mie zadzwonil Ziga i pedziol Szpaniolku trza tego twoje wieprzka zaszlachtowac bo jusz cas. Wyros ci na srogigo wieprzka i jo sie go boja lazic futrowac. Jak jo sie lucieszyl a w duchu sie mysla to mosz teroski lod niego zaplata zech go futrowol z flaszki. Wszysko gotowe do swiniobicio mojego wieprzka no tosz zacon jo wydzwaniac po moich kamratach i kamratkch coby symnom pojechali. Jusz niy dalo sie jechac jednym autym bo naszych kamratow przybywo no toch zamowil mikrobus coby wszyscy sie zmiescili. Anton jako piyrszy do auta wlazowol ze srogim plecakym we ftorym cosik trzaskalo, mie sie zdalo co lon wioz jakes narzyndzia. Co tam byda sie pytol na miejscu lobocymy co tysz wiezie. Frela tradycyjnie trzymie w gicali ta swoja tasia piyrszy pomocy no a w drugi gicali maly koferek, moze niy maly bo tam by szlo pol wieprzka zapakowac. A Mareczek stol i lociyrol placki. Ogyn przyjechol na kole a na liksztandze miol powieszony kofer do ftorego by szlo slonia zapakowac. Kaprys musiol wcesni sie z Egrom ugodac bo loba niysli waniynka i dwa kastrole. Ledwo do tego mikrobusa wlezli. Dobrze ze Utopek i Jorgus jusz mi wcesni podzieli ze przyjadom swoimi autokami do Zigi. No ja loba majom bagazniki kaj idzie nafolowac i jo sie tak mysla cy jo s tego mojego wieprzka cosik do chalpy dowieza. Jak my do Zigi przyjechali to zacynalo sitac. Piyrszy wyloz Anton i sie spytol kaj jes brusek do nozy bo przywioz dobre noze ino trza je naloszczyc. Ziga pado przeca noze mo masosz ale Anton godo ze jego som jakes dezynfekowane cy cos takigo. Ziga pokozol mu stodola kaj tako maszynerio stola. Frela sie zapytala kaj bydzie stanowisko piyrszy pomocy. Ziga locy wywalil na wierch i pado Frela przeca tu zodny wojny niy planujymy, my som jusz w Unii ale Frela swoje. No to zonecka lod Zigi przyniysla z kuchni stol i rycka do tego prowizorycznego lazarytu. Kaprys z Egrom ino sie spytali Zigi kaj bydzie stanowisko kaj te miynso bydom dzielic no i co nojwazniyjsze kaj bydzie produkcjo krupniokow, zymlokow no i innych dobroci. Jak sie dowiedzieli to wartko z tom waniynkom i kastrolami polecieli do kuchni coby zajonc lodpowiednie miejsce. Tera zjawil sie Jorgus i w necu nios dwa boncloki na szpyrka.Utopek przyjechol z przycepom na wtory boly jakes rulki i spawarka, werkcojg, dwa waszpeki i konefka jakom kedys mleko nosili. Jak jo to wszysko lobejrzol toch sie wystraszyl. I tak sie mysla przeca jak loni zacnom folowac wyroby z tego swiniobicio do swoich waniynek, kastroli i tak dali to co mie zostanie. Glos zabrol Utopek i godo suchejcie masorza jeszcze nima to poccie wartko zbudujymy klopsztanga na ftory trza bydzie powiesic tego wieprzka i zacon wyciongac narzyndzia. Kaprys pedziol co niy moze ciynszko robic bo go kryngosup boli, ale waniynka to przysmycyl. Dali my Kaprsowi pokoj i zacyni my stawiac ta klopsztanga. Utopek prawie koncyl cheftowac rulki spawarkom jak przyszed masosz, przyjechol bo tak ryknyl na cole gardlo Ziga. My cekomy kedy sie drzwiyrza z auta lotworzom i lobejrzymy tego fachowca. Wyloz ci tyn masarz jo pacza a to nasz kamrat Bruno i tu sie zacylo. Kaprys zacon sie smioc jak by go ftos kilol po gyrach Jorgus, Egra no i Frela otwarli gymby bo niy wiedzieli co pedziec. Przy takim mrozie muszom uwozac coby sie niy przeziymbic. Ziga z Utopkym galy przeciyrajom i godajom przecz to niy tyn masorz. Zanim Bruno lotwar gymba to wysiadla Bacha i pedziala wy pierzynske gizdy robicie swiniobicie bes nos i zacyna lazic po placu a w gosci tzymie dwie torby turystycne. Bruno zajon pozycjo przy klopsztandze, wiadomo blizy miynso. Mie sie to zacynalo niy podobac przeca wieprzek jes moj. Ale ucieszyli my sie strasznie ze tyla kamratow i kamratka przyjechali na moje swini bicie ale mie mina zrzedla bo jusz som niy wiym co s tego wieprzka mie przypadnie. Stoja ci tak i mysla a tu nogle mie ftos klepie po plecach i godo chopie tego wieprzka tu mom szlachtowac. Pacza stoji kole mie chop no niy powiym przystojny ale na masorza niy wyglondo. W gosci trzymie mot ftory worzy kas z piytnoscie kilo bo widza jak masosz dycho a slady pokazujom ze dar tyn mot po ziymi, w drugi gosci mo tasia. Ziga sie s nim przywitol i nom pedziol co tyn chop bydzie szlachtowol mojego wieprzka. Loblyk sie nasz masorz w bioly mantel zawolol Zigi i mu pedziol coby tymu pieronskymu wieprzkowi uwionzac jedna gyra do logrodzynio w chlywiku coby niy pitnyl przy szlachtowaniu. Nojpiyrw jednak coby swiniobicie bolo udane Utopek wyciongnyl flaszecka utopconki i kozdego czynstowol. Nasz masosz wychylil aze dwa kelichy bo godol ze jak tak golnie sie ze dwa abo i trzy kielichy to tak znienawidzi tego wieprzka ze szlachtowanie podzie gladko. Wlazuja ze Zigom do chlywika a tam gladko jak na lodowisku dobrze zech sie chycil zagrody do tych wieprzkow bo bych prasknyl na ziymia do tego marasu. Zanim jo ze Zigom zacon tego wieprzka sznurom wionzac do logrodzynio to za wyjontkym Utopka wszyscy kajsik pitli. Jo wionza sznura do nogi wieprzka a moj wieprzek stoji i abo mi sie zdowalo ze sie zacon smioc abo jeszcze mi sie snilo. Jo jeszcze niy wiedziol ze Ziga drugi koniec sznury zamias do logrodzynio przywionzol do moji gyry. Jak ino jo i Ziga podzieli my masarzowi ze wieprzek jes uwionzany to zacon sie cyrk. Wieprzek stoji a masorz wlatuje, lobocyl te czerwone kolko na gowie wieprzka i gowom pokryncil. Dzwignyl tyn super mot do gory asz sie zasapol ja by szed na Mont Everest. Zajyrzyl sie pieronym coby trefic tego wieprzka w to kolko na gowie. Jusz jusz by masosz trefil tego wieprzka w to zaznocone kolko ale wieprzek sie schylil. Co sie potym dziolo zaroski sie dowiycie. Masorz sie luftnyl i prasaknyl s tym motym na ziymia bo gladko bylo jak to w chlywiku ale nojpiyrw motym rozpieprzyl pol muru w chlywiku. Dobrze ze mie niy trefil tyn pieron. Jak to wieprzek ujrzol zacon pitac a ze jo bol u jego nogi uwionzany to dar mie po ziymi za sobom. Bruno jak to lobejrzol poleciol wartko do auta coby flinta zaladowac i zrobic to cego niy zrobil masorz. Porwol flinta wycylowol i szczelil. Borok jednak zapomniol ze miol zaladowany paspatron w ty szczelbie. Huk po szczelyniu pieronski wszyscy na ziymia praskli przeca fto wiy co by moglo sie stac przy tym szczylaniu. A wieprzek lobocyl furtka z logrodka zawarto ale po tym Bruna szczale nabrol takigo szwongu ze jom ryjym wyrwol z zawiasow ino Utopek zdonzyl siykyrkom przecionc tyn sznur co mie z wieprzkym trzymol. Balaski w lufcie furgaly i dobrze ze zodyn w leb niy dostol. Bol lokropny gyry pocharatane mom lod tego darcio po ziymi. Wartko zech sie jednak zebrol i ryca trzymac tego gizda. Ziga kajsik sie skryl bo sie mie bol Z kuchni inni laubiorze wylecieli bo po tym larmie mysleli ze jusz wieprzek wisi. A tu paczom a na stole leza jo a Frela mie bandazuje. Bruno poleciol do auta i wyciongnyl kij bejsbolowy i ruszyl za wieprzkym dokonac swiniobicio gotowy.Masorz ani sie niy przebiyrol ino taki jaki bol zmaraszony idzie do chlapy a rycy na glos dobrze zech niy trefil bo Szpaniol by wisiol na ty klopsztandze. Tego Jorgusiowi bolo za duzo capnyl tego masorza za kragel, dzwignyl i kopnyl mu do dupy. Chop zarycol, za dupa sie trzymol i do chlapy zaiwaniol asz sie kurzylo. Jeszcze my sie niy loturali po tych przezyciach a tu slyszymy syryny wyjom po colkim Rybniku i kajs w Chwalyncicach jakby wojna wybuchla. Kamraci sie pytajom kaj wieprzek a jo lobolaly inoch jim pokozol na wyrwano furtka i balaski co na ziymi lezaly. Kaprys wartko ciepnyl haslo lecymy za nim przeca daleko niy mog pitnonc. Inni mu tysz wtorowali i zacyni wylatywac na droga coby go szukac. Frela tysz sie zagalopowala i w tym colkim zamieszaniu mi floster zamias na palec to na gymba mi przyklejila. Jo leza na stole a nikogo nima, wszysko mie boli boja sie co bych niy musiol isc do lazarytu. Leza na tym stole a tu przylazi slubno lod Zigi i mi pado co bydzie robic wieczerzo i stol jes potrzebny. Jo zacon kombinowac ze mie boli to i tamto ale kobiyta lod Zigi nic niy godala ino stol przewrocila i mie na ziymia wywalila, a na koniec pedziala co mom przis na wieczerzo bo na pewno jo zglodniol. Dugo moji kamraci niy przylazili. Wiym ino jedno ze jusz ciemno bolo jak loni przyszli nazot do Zigi a po drodze spiywali na colke gardlo. Cos mi sie zdo ze w ty gonitwie za wieprzkom zblondzili i do szynku trefili i niy jedno piwko wypili. Wieprzka nima, wusztow nima ze lo krupniokach niy godom. Nic ino sie siednoc na borsztajnie i becec. Anton pedziol ze miol lokazjo naloszczyc noze Kriscie i to wykorzystol bo niy musiol placic. Ino jeszcze teras niy wiy cy podzie nimi krojic. Jorgus ze zlosci szczaskol boncloki i pedziol Szpaniol ty gizdzie jak do mie przyjedzies to mos mi przywiys tuste. Kaprys z Egrom nic niy godali ino bockym, bockym waniynka i dwa kastrole do auta zaniysli i tyla my jich widzieli. Ogyn dugo myslol cym by zapelnic swoj kofer i niy mog nic wymyslec. No to Ziga mu pedziol coby sie wzion flancki fyrzychow do swojego logrodka a jak nimo logrodka to niych to zawiezie do Kaprysa. Frela koferek zostawila u Zigi i pedziala jak bydom fyrzychy to mo je do kofra nafolowac ale najprzod do ni mo zadzwonic. Utopek sie niy lodzywol, lazil po placu i szkrobol sie po glacy. Jo wiym czamu. Lon sie som siebie pytol cymu sie to wieprzka bicie niy udalo.Co jo powiym Ewie no i innym kamratom z Lauby. Najgorsze jes to ze ci lobroncy zwierzont lo tym naszym bicio wieprzka niy wiedzieli. Wszyscy zawiydzyni do dom jadymy i medykujymy kaj tyn moj wieprzek moze teroski byc. Toni pisol ze kas tam go widziol, Kaprys szkryflol ze go TiR w Tychach przejechol a jo siedza w doma i cekom moze do moich drzwiyrzy zaklupie przeca jo mu zycie uratowol. No i tak to jes niby wieprzek bol moj a niy moj bo sie zbuntowol a jo ze slinkom w gymbie jak pomysla lo dobrym leberwuszcie ida na wiecerzo ftoro Ewa mi szykuje. Ino wiym co dzisiaj bydzie jajecznica cy kogel mogel ino co z tego?Szpaniol