Szpaniol 10.12.2007
Ja to miol byc szpil wtory by wszet do historii naszyj Lauby.Kaprysek tak sie rozgrzol lostatnim szpilym w Popilowie, ze durs by jino grol. Dobrze ze niy na nerwach nom wszystkim. Jo mu godol kup sie trombka, bydzies mog grac, colki cos. Kaprysek by grol ale za syndziego, bo lubi paczec jak inni sie po kochach kopiom. Pado co mu lepi wylazi syndziowanie, bo duzo ksionzek na tyn temat sie nacytol i godo co chce syndziowac, bo w Popilowie mu dobrze szlo syndziowanie. A zresztom niy bydzie za jakoms tam skorom lotol. Tyn lostatni szpil pokozol co my som zgrani i nawet w ty ciaplycie i marasie dobrze my wypadli. No i jusz niy pamiyntom fto, pedziol coby i tego roku, jaki szpil zagrac. Na lostatnim szpilu swoje zdolnsci pokozali nasi kamraci, ze hej. No tosz zebrala sie nos grupa zazartych fuzbalorzy i debatowali my, kaj zagromy w tym roku szpil i s kim. Pszeciwnik musi byc godny. Forma, mojom co niekerzy nasi kamraci miszczowsko to tsza to wykorzystac. Wypadlo ze rozegromy szpil miyndzynarodowy. Po glosowaniu wylazlo, ze jadymy do Jorgusia coby tam rozegrac szpil. Niy wiymy cy u Jorgusia je jake bojisko, ale co tam, mogymy zagrac i na lonce byle by byly bramki i nos jako krowa cy baran niy pogonili, bo to nigdy niy wiadomo ze gadzinom, a kozdymu zdrowie mile. A ji wstydu chcieliby my tysz uniknonc. Pszeca niy jadymy tam po to coby nos jako krowa pogonila abo kalykom baran zrobil. Nojpiyrw zrobili my lista naszych fusbalorzy coby wstydu niy psziniys. Bo niy dej Boze, ze pszijedzie na tyn szpil telewizjo niymiecko, abo nasza polsko. To jak majom filmowac to niych filmujom karlusow jak sie paczy. Utopek jak sie dowiedziol lo tym szpilu zacon mocno trynowac. A trynowol na swojim kole wtore mo zatarte kuglagry. To tak jakby cwicyl na tych pszirzondach fitnes cy jak tam, sie to nazywo. Mom nadziyja ze niy bydzie kopol po kochach naszych rywali. A wtorujom mu Romek i Janek wtorzy tysz na tych swojich kolach cwicom. Szkoda, ze tysz niy majom zatartych, kuglagrow bo wiyncy by sie wypocili. Richat, cwicy calki rok, bo dojyzdzo z Radomia do dom. Szkoda ze niy na kole bo miolby wiykszo forma. Bruno, cwicy dzoging cy jak tam sie to pieronstwo nazywo, ale forma bydzie miol. Cheba ze zas nadepnie na jake widly z grilla i fertig. Tsza go dobrze pilnowac. Zodnych grilli do wyjazdu. Szpaniol, tysz cwicy, bo mo nadzieja, ze w egzaminie na syndziego gownego wygryzie Kapryska wtorymu zowisci. Lotac za balym mu sie niy kce ino by chciol rzondzic i rodziylac zolte i cerwone kartki. Oygyn, tysz jusz, wraco do formy i nojlepi bydzie posadzic go do toru, bo lon jes szyroki w barach i prawie colki tor zasloni i sukces momy murowany. Bala, niy przepusci a zrestom niych sprobuje to lobocy jak to je wrocac, piechty do chalpy z tak daleka. Zrobiymy mu tak jak zrobil car rosji swojim sportowcom. Za pszegrane szpile na lolimpiadzie w USA musieli do dom wrocac za swoje, piniondze. Adam mo forma przes calki rok. Lo niego niy muszymy sie martwic. Lazynie po tych gorach z plecakym pelnym cegel to dobro zaprawa. Bydymy do wyjazdu sprowdzac cy dali lazi s tym plecakym i cy nos niy bujo. A nowy nabytek Egra snim tsza wionzac nadzieje moze toru niy, szczeli ale do sie we znaki naszym rywalom i bydom miec przed nim reszpekt jak pocujom jego, goulery na kochach. Kaprysek colki cos sie szykuje na syndziego gownego. Wyprol po lostatnim szpilu stroj syndziego. Trocha sie lon skurcyl w praniu, ale to nic. Rykowy z koszule moze urwac, bo tam bydzie goraco a reszta na te wypasione cielsko wciagnie. Galoty tysz sie skurcyly bydzie, musiol je naszpanowac jak gardiny to moze cosik s tego bydzie. Wazne je to, co jymu, cheba wrozka pedziala, co bydzie syndziom. Tera jak je na zasluzony emeryturze to mu, jes potrzebny taki ruch na jego dolegliwosci. A gwizdek mo gryfny ino niy wiym cy go kupil na lodpuscie w Lyndzinach, Bieroniu cy w Tychach, bo w Szopynicach niy. U nos takich piszczolek niy spszedajom. Jedne zgrupowanie sie lodbylo i wypadli my super. Co prowda bylo to na terynie u Antona ale wszyscy my trynowali dobre jedzynie a szczegolnie tego prosioka ze lo wuszcie, piwie i jinnych napojach ni spomna. Ciynszko zmordowani wracali my do chalpy z tego zgrupowanio. Ale jak sie chce siyngnonc po medale tsza sie namyncyc. Druge zgrupowanie bolo u Utopka i tam formom lolimpijskom blysnyl som Utopek. Zodyn mu niy dorownol w jezdzyniu na tym zatartym kole. Szpaniol tysz cwicyl lazynie po galynziach i rwaniu sliwek. Niy bardzo mu to wylazilo, ale to bol polmetek tryningu. To tysz je dobro zaprawa. Wiyncy zgrupowan my niy lurzondzali bo po co. Po tych dwoch zgrupowaniach lokozalo sie ze forma momy super. I niy nolezy sie przetrynowac.
A nojwazniyjsze jest to ze mogymy zabrac ze sobom ekipa lekarsko Marysia i Frela wtore bydom dbac lo nasze zdrowie. I wszystko boloby dobrze ale skond capnonc sponsora co nom zasponsoruje ta rajza ze lo strojach niy godom. Przeca muszymy sie godnie tam zaprezyntowac. Zgodzili my sie jusz miec napisy na koszulkach take jak „Kup sie chopa bydzies miala popa”, abo „Kup sie beret bydzies miol antyna”, „Mos telefon zaloz linio”, „Mos auto pamiyntej zatrudni stroza”. No ji wyszly nici z naszego szpilu bo sponsory pedzieli ze w ciymno niy bydom sponsorowac, a taki druzyny „LAUBA” jak my podali nima w 1 –szy lidze. No ji paczcie mieli my lokazjo naszczylac torow kadrze we wtory grajom take tuzy jak Jendrys, Jorgus i, Seba ze lo Achimie ji innych niy spomna a tu nici. Loni sie nos boli jak ino sie dowiedzieli, ze chcymy u nich szpil rozegrac. No pewnie tyn wstyd wto by to szczimol jakby Utopek szczelil pora torow i to w stylu Pele, a tormanowi ino slypia by wylazily. Jusz niy godom lo torach ftore by szczelili Janek abo Romek no cheba torman by sie wlasnom piynnsciom zabil. A tak i loni i my zachowali swoj honor i cyste konto bramkowe. Ale luciykla lokazjo lobejrzynio kaj miyszkajom nasi kamraci, wypic becka piwa snimi wtoro by nom postawili za wygrany szpil. To nic jesce momy cas i tyn szpil rozegromy lobojyntnie kaj. Jak niy u Jorgusia to u Seby abo Achima. Muszymy jim nawciepowac torow coby dugo pamiyntali skim grali.
Ale w lostatni kwili psziszla dobro wiadomosc Adam proponuje coby nasze przigotowania niy poszly na marne to jest szansa rozegranio szpilu w Bieszczadach. Ino s kim, bydymy tam grac. Cheba nie ze Stalom Mielec. Jak nom niy powiy, jaki to przeciwnik bydymy zalomani w doma siedziec medykowac i myslec lo tych niydzwiedziach i wilkach, ale to moze lopisza jak na szpil pojadymy. A do tego casu moze Kaprysek abo Utopek zorganizujom, jaki turniej w cymbergaja do zaspokojynio naszych ambicji.
Niydoszly spiker Stanik
Szpaniol
Szopynice, wrzesiyn 2003