Szopynice marzec 2009 r.
Do Utopka sjechali sie kamraci i kamratki bo downo sie niy widzieli a poklachac tysz chcieli. A coby bylo gryfnie to Marysia napiykla koloca, babofki i kozdego czynstowala no i bokawa tysz polywala. Utopek wartko poleciol do kuchni i pszinios zimnego szampana co go w lodowce tszimol na tako okazjo coby uczcic to wydarzynie. Kozdymu kozol wzionsc do gosci keliszek no i poszelontol szampanym a potym delikatnie lodwionzol drut. Frupa jusz niy dol rady capnonc gicalom. Frup wyleciol z flaszki lodbil sie lot sciany i prasknyl Utopka ponizy lopatki a wyzy kolana. Szampan sie leje Utopek mdleje a na dodatek flaszka spadla mu na szkrapyka ale tego borok jusz niy cul bo lezol zymdlony. Marysia wosy s gowy rwala jak Utopka zymdlonego lobejrzala. Jedni chcieli robic sztuczne loddychanie inni dzwonili gipko coby karytka z lazarytu pszijechala i zycie Utopkowi ratowala. Dugo karytka sie nie pokazywala to kamraci podjyni uchwala co sami zawiezom Utopka do lazarytu i mu zycie uratujom. Wciepli Utopka do kary i ruszyli wartko do lazarytu bo nawet w zymdlyniu Utopek ciyngiym stynkol. Pszed karom zaiwaniol Ziga z trampkom i trombil wiela sie dalo coby kara z Utopkym pierszynstwo wszyndzie miala.
Do lazarytu zaiwaniali i dziury po drodze lomijali. Niy kozdo dziura dalo sie lominonc bestosz Utopek niy jedyn ros s kary sleciol i z ziymiom sie witol. Jednak szczynsliwie zymdlonego i poczaskanego Utopka dowiyzli a dochtory z sanitariuszami z lazarytu na pomoc wylecieli jak larmo uslyszeli. Dochtory jakosik niy mogli sie z kamratami co Utopka psziwiyzli dogodac tosz go gipko na nosze wciepli i do ryntgyna polecieli coby lobocyc co mu uszkodzili. Dugo dochtory zdjyncie loglondali bo feleru szukali no i znodli a po locucyniu Utopka mu podzieli co musi miec szczegolowe badania i w lazarycie lostanie na leczynie. Pomogli mu sie seblyc coby pizama mog loblyc. Gryfno szfestera pizama psziniysla i slodko mu pedziala Utopku pszeblyccie sie bo w lazarycie musicie byc w pizamie. Nojpiyrw loblyk jakla ze pizamy i sie w zdzadle pszejrzol i zacon slypiami pszewracac. Jakla byla na chorego 2 metry srogigo i co nojmi 120 kilo wogi no i w duchu Utopek sie pomyslol jakes tysz bydom galoty. Zamknyl slypia jak je loblykol, nogle ryknyl siostro te galoty sie skurcyly w praniu pszeca jo je mom do kolan. Siotra ino rykla z daleka innych nimomy w takich bydziecie lezec. Polozyli Utopka na sali kaj styrech chopa moglo lezec. Utopek sie z dwoma chorymi psziwitol bo jednego jeszcze do kompletu pacjynta brakowalo. No i okozalo sie co Utopkowi psziszlo lezec z nadsztygarym gorniczym co miol na imie Johan i sleprym ftory miol na imie Hubert ale fto to bydzie tyn cworty dugo medykowol. Na razie byli we tszech i gipko sie poznali i szpas pokochali. Zacon Utopek zwiydzac colki lazaryt bo godo nigdy nic niy wiadomo kedy pszidzie sniego pitac. Jak tak sie po lazarycie szpacyrowol spotkol kamrata Karola s ftorym sie niy widziol lot casu jak do wojska poszet. Po dwoch dniach siostra psziszla z jednym chorym i pedziala mocie cwortego lon jes stolosz a na imie mo Ymil. No tosz wszyscy sie snim psziwitali i zacyni go wypytywac na co tysz zostol do lazarytu psziwieziony. Ymil godo co go cosik w brzuchu zabolalo bestosz bydom mu robic jakesik badania. Po wieczerzy siostra zacyna roznosic medykamenty i kartecki na badania na jutro. Ymilowi tysz psziniysla karteczka i lon cyta a tam stoi naszkryflane co jutro bydzie miol robione USG. Ymil zacon sie kamratow wypytywac co to za badanie. No tosz glos zabrol Utopek i mu pado tak. Jo tysz miol te badania, to nic groznego ino musis uwazac jak bydzies slazil z loszka co by Cie niy koplo. Ymil slypia wywalil na wiyrch i sie pyto co mie mo kopnonc. No to Utopek mu duplikuje. Jak wlezies do ty izby kaj jes to piezinske USG to musis sie legnonc na lozku no i pokozac brzuch. Dochtor Ci na tyn brzuch naleje jakesik mazidlo a potym weznie do gicale take zielosko i bydzie ci po tym brzuchu jezdzil a lon wszysko bydzie widziol w telewizorze. Ino wiysz jak lon tym zieloskym bydzie ci po tym brzuchu jezdzil to Cie naladuje jak kondensator prondym i musis uwazac jak bydzies wstowol z lozka cobys sie loszka niy chycil. Bo wiesz loszko jes ze zelaza i uziemione i jak ino sie go chycis zaroski cie kopnie, to samo ze drzwiyrzami. Ymil sie pyto no to co robic coby mie prond niy kopnyl. Utopek mu wytuplikowol co jak dochtor powiy co fajrant z badaniym i koze Ci slys z loszka to mosz gicale dzwignonc do gory i z loszka zeskoczyc a Jo na Ciebie byda cekol pszi drzwiyrzach i jak ino mie zawolosz to Ci je gipko lotworza no i drzwiyrze tysz Cie niy kopnom. Ymil dugo myslol lo tym prondzie asz usnyl a rano ino zezar sniodanie wartko sie brol na te badanie a Utopek, Hubert, Johan i Karol razym snim. No i stalo sie szfestera wolo Ymila coby wlazowol do izby na badanie. Ymil ino jeszcze zdonzyl pedziec Utopku byc pszi tych drzwiyrzach, lobiercoles mi to. Utopek pado chopie pszeca zech Ci lobiecol co byda a ty ino zawolej lotwosz drzwiyrze i wszysko bydzie dobrze. No tosz na koniec badanio dochtor pado do Ymila co fertik badanio i mo slazic z loszka. Dochtorowi bryle z nosa spadly jak lobejrzol komedyjko i widzi jak Ymil gicale wyciongo daleko lot loszka i nogle chyb s tego loszka i malo brakowalo a moze by i co zlomol pszi tym zeskakiwaniu bo brasknyl na ziymi i niywiela brakowalo a zymby by stracil pszi tym skoku. Ale gipko sie pozbiyrol i podlazi pod drzwiyrze i wolo Utopku lotwosz. Tego dochtorowi bylo za duzo wstol i lotwiyro drzwiyrze ale w tym momencie slyszy jak Utopek godo jusz Ymilku lotwiyrom. Dochtor zgupiol no bo widzi jednego z gicalami jak lunatyk wyciongniyntymi za swoimi plecami a tszech pszi drzwiyrzach sie chichro jak pieron. Dochtor ino gicalom pogrozil Utopkowi. No i tak Ymil zaliczyl piyrsze badanie co go jeszcze ceko som niy wiy. Ale cheba z tego srogigo strachu Ymil dostol zatwardzynio i zodne pile niy pomogaly. No tosz dochtor pedziol co bydzie musiala szfestera zrobic Ymilowi kristera. Idzie blady jak sciana Ymil ze szfesterom do chazla kaj bydzie miol robiono kristera. Jak jusz sie znodli w chazlu szfestera pyto sie Ymila cy do sie som rady s tym szlalchym, Ymil godo ze ja. Zamknyl sie Ymil w kabinie w chazlu i godo szwesterze co jest gotowy. No tosz szfestera lodkryncila kokotek i mydliny zacyny leciec szlalchym z pojymnika. Nogle szwestera slyszy jak Ymil godo do ni sioszczyczko mozecie pszikryncic tyn kokotek coby tak gibko to pieronstwo niy lecialo bo niy nadonza tego lykac. Szfestera gipko zakryncila kokotek i otwarla drzwiyrze z chazla i widzi co Ymil szlauch mo w gymbie a z gymby wyplywajom mydliny. Szfestera ino Ymilowi pedziala co szlauch miol wsadzic do zici a niy do gymby i zacna sie smioc. Kristery jusz niy tsza bylo Ymilowi robic bo dos mydlin sie nalykol i to pomoglo bo w nocy pora razy chaziel lodwiydzol.
Jake plagi jeszcze w lazarycie na Ymila spadnom fto to wiy.
Malunek wyrychtowol B. Dzierzawa cyli Stopek.
Szpaniol