Moja droga do gornictwa Szpaniol 12.01.2006 Warsztaty Piyrszy dziyn. Na warsztatach to pobiyranie arbajtancugow, szczewikow z zelaznymi kapami no ji chelm. Na drugi dziyn. Stojymy wszyscy klasami i cekomy na kerownika. Wyglondomy  w tych ancugach jakby my je dostali lod starszego brata. Szczewiki za wielke ,chelm lotol na gowie jak kryka w kiblu ale twardo stojymy i cekomy. Norescie wtorys z instruktorow jak lodebrol raport wiela nos jes a wiela powinno byc poszet po kerownika warsztatow. Prziszet, lodebrol raport i powiedziol dziyn dobry, no to my mu chorym tysz lodpedzieli i ruszyl do boju nasz kerownik. My stojymy prawie na bacnosc a nasz ukochany kerownik zacon  nom tuplikowac lo regulaminach no i co nojwazniyjsze „lorganizacjo pracy”. Niy wiedzieli my jeszcze ze to bydzie zawsze gwosc programu po kozdych ferjach no i co 3 miesionce, a i na zakoncynie roku. My stoli na bacznosc jak w wojsku a kerownik jechol. A zacynol lod tymatu lorganizacjo pracy. Pod tym pojynciym lon miol wszysko. Gowa nos jusz bolala lod ty godki ale trza bolo stoc i suchac bo locami szczylol wto go sucho. Potym to my ino paczyli na jego wons. Jak nim ruszol to bydzie burza a jak niy ruszol to miol dobry humor.I tak jechol s tom lorganizacjom pracy ze dochodzil do dzwonka wtory lobwieszczol sniodanie. Po sniodaniu kerownik juzas zacynol swoje. Jednego razu a bylo to jak my byli jusz w drugi klasie kerownik po ferjach tradycyjnie zacon swoj tymat. Ale cosik bol niy w sosie bo tym razym wcesni skoncyl. I zadol sakramyntalne pytanie wto wiy co to jes lorganizacjo pracy. Dwoch kolegow z moji klasy dzwiglo rynce do gory. Jedyn s nich nazywol sie Mlynarcyk pochodzil kas ze warszawskigo. Kerownik lobocyl dwie rynce w gorze i pedziol wylyscie na srodek i dowal nom jich jako wzor. Po ty colki chwolbie pado do Mlynarcyka no to ty powiedz jim co to jes. A lon jak wypolil panie kerowniku moze sie pan streszczac bo jo jes glodny. Kerownikowi locy wylazly jak zabie, wons zacon sie ruszac, zacon rycec na niego i prac go gicalami kaj popadlo. Jak jusz doszet do siebie  to za kara kozol mu przepisac 100 razy regulamin warsztatu kowolskigo. Ale jusz dol nom spokoj na dzis. Nasi instruktorzy boly fajne chopy niy pokazywali swoji wyzszosci, nawet niy umieli wymyslic kary do ucnia i chodzili s tymi pierdolami do kerownika. Kerownik wolol ucnia i nojpiyrw musiol wysuchac lekcji wychowania a potym bola kara. Jo niy ros stowol u niego w biurze i suchol przemowiynio. Jednego razu do jego biura przyprowadzil nasz instruktor mie i jeszcze piynciu kolegow. No i kerownik bol w zywiole zacon swoje wyklady a my stojymy. Kerownik godol to tak zapamiyntale ze nawet niy zauwazyl jak jedyn kolega sie na stojonco drzymnyl zdradzilo go to ze w pewnym momyncie stracil loparcie i prask na ziymia lezy u niego biurze przed biurkym. Kerownik sie looorol, paczymy wons sie ruszo i zacon komedyjko. Ludzie co sie robilo kerownik rycol milicjo, ciepol sie strasznie a na koniec nom godo tak. Puccie symnom, wszyscy idymy s nim na hala a lon pokazuje rolki do tasmy ale te krotke ale grube, i godo kozdy mo wzionsc po dwie rolki pod pacha i za kara 5 razy nalokolo bojiska. My jusz znali ta metoda i wiedzieli ze lon zawsze przi piyrszym lokronzyniu kuko zza gardiny cy lecymy s tymi rolkami. Ale nastypne lokronzynia to my jusz lecieli bez rolek. Ale w tym dniu cosik mu sie podobalo a my niy dali sie pooor ze kuko colki cos przes to lokno i po piyrszym lokronzyniu ciepli my te rolki w kszoki i lecymy dali. Jak my mieli robic lostatnie lokronzynie to brali my te rolki pod pacha i lecymy. Koncymy maraton i widzymy ze wylazikerownik przed budynek no to my do niego coby zameldowac ze polecynie wykonane. Kerownik poprawil wonsa bo sie jusz ruszol i pado a teros polecicie jeszcze trzi lokronzynia s tymi rolkami a jo byda cuwol nad wami. No i dol nom popalic. Lod tego casu jak wtory lotol z tymi rolkami to instruktor musiol go pilnowac coby lotol z snimi. W tym casie szkola zacyla budowac sztolnia wtoro do dzis stoji. Kerownik som przidzielol narzyndzia do roboty i tak jak na filmie z Klosym pokazywol palcym kilof, lopata, mietla, grabie abo kara. Starsze roczniki stawialy lobudowa a my wozili ta ziemia i przikrywali obudowa. Robota posuwala sie do pszodku. Ale jedno trza pedziec ze budowa tyj sztolni lodbywala sie przez uczniow lo kierunku gornicym i piyrszoklasistow co przechodzili dzialgornicy. Jeszcze pora lot po tym jak my lopuscili szkola sztolnia bola budowano.Warsztaty sie rozrostaly bo i pszibywalo roznego sprzyntu i urzondzyn no to kerownik sie wzion za stajnia. Na terynie szkoly stola stajnia, konie s ty stajni robily na dole. Koni jusz niy bolo to po co stajnia. Dostali my pyrole i rozbijali zloby. Serce sie krojilo bo te zloby boly z marmuru ale jak mus burzynio to mus i wyburzyli my wszysko co ino sie dalo.  Niy jedyn ros wody brakowalo i corni my jechali do dom, ale jakos zodyn niy narzekol i casym z utynskniyniym cekali my na te dwa dni warsztatow. Lobowionskym na warsztatach bolo noszynie chelmu, a to nom na gowie przeszkadzalo. Szczegolnie musieli my uwazac coby miec chelm na gowie jak my szli na praktyka do kowola. Kowol nazywol sie Lubecki i uczyl nos kowalstwa. Jednym z podstawowych produktow tego kowola ale naszymi rynkami boly kliny do kilofow i siykiyr no ji marki. Kowol nosil w rynce sztyl z motka i jak ino widziol ze wtos zle piere motym niy tak jak lon ucyl to podlazil i prask tym sztylym w chelm. Ros sie zapomniol i prasknyl jednego w glaca bo chelm sciongnol z gowy. Synek zacon rycec jakby mu wto nogi urwol. Zlecieli sie wszyscy no ji locywiscie kerownik. Lobejrzol lod kalusa gowa nic tam niy bolo, to go pogloskol po gowie. Do biura zawolol nojpiyrw kowola – i lot tego casu jusz niy lazil ze sztylym, - a potym naszego kolegi. Nasz kolega pedziol kerownikowi ze go niy boli ale zarycol bo sie wystraszyl. Kerownik go wysuchol i zaaplikowol mu 5 rund z rolkami za to ze niy miol chelmu na gowie. Lot pewnego casu kerownik wpod na pomys coby z nos zrobic karlusow wygimnastykowanych. Rano po apelu jak kerownik niy zacynol swoji godki to kozdy instruktor wyprowadzol swoja grupa na boisko i 10 minut gimnastyki a potym musieli my dwa razy krokym marszowym przynsc wkolo bojiska a potym do zajync. Koniec roku szkolnego przed poledniym kerownik zas nos postawil na bacznosc i zrobil tym razym wyklad ze momy  pamiyntac ze po ferjach wrocymy nazot i momy pamiyntac ze lorganizacjo pracy i tak dali twalo to do konca zajync. Skoncyl kerownik swoje wystompiynie my mu bili prawo. Idymy po swiadestwa bo1 lipca jadymy na oboz. Szpaniol