A bylo to 13 grudnia 1981 roku. Anton Cholewa 30.06.2004 Niydziela, a szychta na noc zech miol. Moja Ania niy chciala mnie z chalupy nikaj poscic. Ale jak to kamratow zostawic. Poszol zech sie piechty z Kochlowic przez las na Katowice.  Sniega bylo lokropnie i mroz siarczysty. Pod mojom robotom COIG ( Centralny Osrodek Informatyki Gornictwa) widza stoi pancer. A lufa mo wycylowano na nasze drzwi. Godom kamratom dejcie ino gibko jakos kawa, bulki, cygaryty i co tam ino jeszcze mocie. Poleciol zech z tym do tego pancra, klupia delikatnie lo blacha, bo wiedziol zech jakie larmo bydzie w srodku. Dyc sluzyl zech 2 lata w pulku czolgowym we Wedrzynie. A tam cicho. To ryca, jak zarozki klapy niy lotworzycie to wom cosik do lufy wciepnymy I sami dolym powylazicie. Pomoglo, bo klapa lotwarli, kawy sie napiyli, pojedli bulek, a jak sie zakurzyli to I gymby sie jim lotwarly. Jedyn byl z Mikolowa, toz godom, synek pisz gibko jakis brif do lojcow, a my momy auto to go tam podciepnymy. W tym slysza, ze jadyn tam stuko na titawie ( to jest radiostacji), ze tu chcom czolg rozbroic. Juz zech wiedziol co bydzie. Za 10 min. przyjechol mjr. Kurdupel taki co ani po polsku godac niy umiol. Ale widziol nasza przewaga i sie zmiot. Nojgorzi bylo rano w poniedzialek, jak reszta zalogi do roboty przyszla. Zaczla sie debata czy strajk kontynuowac? W koncu po poledniu uzgodniono, ze strajk przerywomy. Naszego przewodniczacego i w-ce no i jeszcze pora chopcow przyjeni koledzy z kop. Wujek. Bo to bylo ino 500m lod nos, a znali my sie juz z dzialalnosci w Solidarnosci. A co tam sie dziolo, my to z wysokiego piyntra przez lokno loglondali. Caly teryn kop. Wujek przez czolgi otoczony, gorzi jak pod Stalingradym. Zomowcow tyla, jak mrowkow w mrowisku. Helikopter furgol nad kop. i kule zelazne ciepol na tych biydnych gornikow. Ale loni sie am z tego nic niy robiyli. Mieli pocieszenie w osobie ks.Bolczyka co im Komunio sw. Przynosiyl. Nawet zomowcy mu z drogi schodziyli. A lon ich pocieszol w tym ciezkim zadaniu. Ale dali znac po linii gorniczyj, ze potrzebujom srodkow opatronkowych. To  zech gibko wzion torba i wszystko co my mieli w naszej przyzakladowyj przychodni ( dzieki kochanej nasze pielegniarce Emilii) spakowali my I leciol zech z tym na Wujek. Ale tam dostac sie bylo lokropnie ciezko, zomowcy mie chyciyli, ale uratowol mie jedyn oficer milicji, pedziol, ze lon to dali zalatwi. Spisol mie ino, torba mi wzion i kozol gibko z tego miejsca uciekac. Lon chyba wiedziol, ze bydzie strzelanina. I tak tyz sie stalo. Wymordowali bandyty komunistyczne naszych karlusow bezlitosnie. Jo i 15 moich kolegow, straciyli my robota ( za proba obalenia ustroju panstwa). Ciezko bylo, ale zaczon zech robic u stolorza, trumny zech zbijol. Ale I tam UB mie wykapowalo, szef mnie zwolniyl, bol sie synek lo warsztat, rozumia. Potym zatrudniyl zech sie w drukarni kaj Trybuna Robotniczo drukowali. Na Libknechta w Katowicach. Tam mi dali spokoj, bo zodyn tych maszyn z farby drukarski niy chciol myc. Dali mi passport, bo mysleli ze niy przyjada, ale jo pojechol do niymiec, porobiyl I przyjechol na zod z autym. Zaltwiyl zech sie TAXI I jezdziyl zech sie po Rudzie Sl 5 lot, az do 1990 roku. Jak moja rodzinka dostala paszporty to wyjechali my w czerwcu 1990r do Hamburga.     I teraz tak po latach, zebralo mi sie na pisanie. Bo jak czytom te wszystke wiadomosci z Polski, to mie tu az skrynco. Komuna dali rzadzi, narod lokrado jak sie do, a do tego sie gupio smiejom, prosto w gymby tym biydokom umynconym. To niy byda Wom juz gowy zawrocol mojymi wspomniyniami, jak ktos to poczyto to dobrze, a jak ktos to wygumuje to tyz sie niy pogorsza. Pyrsk Hanysy.   Spisol to w Hamburgu 30.06.2004r.   Anton Cholewa