Witom Szpaniol 13.06.2006 No tosz Pyjter zacon wspominac nasz TREF w Chechle. Jedno musza pedziec ze cheba jo jes ciucma bo co niekerzy mieli problymy z trefiyniym do tego losrodka. Piyrszy zjawil sie Seba z Aniom i zacon reskyrowac coby to wszysko mialo rynce i nogi. Zanim jo sie z Ewom wreszcie znod sie w tym losrodku to jusz Norbert byl. No i tak sie zjyzdzali nasi kamraci. Achim tak gipko chciol na tyn TREF dojechac ze niy wzion wydrukowany trasy. No a my cekali na niego. Lobjechol tyn zalyw ze dwa razy i jak widziol ze go zodyn niy wito to ruszyl nazot do Zobrzo ale w miyndzy casie zmiynil karta w telefonie na niymiecko no i go Seba capnyl. Tak ze z lopozniyniym ale dojechol. Jorgus ino cosik marudzil bo lobiecol Andzi ze jom po drodze weznie i psziwiezie na TREF. A ze frelka gryfno to tysz jechol pomalu coby sie ji dobrze przyjrzec. Coros wiyncy kamratow pszibywalo i beczka piwa tysz wjechala w asyscie pieconego wiepszka. Niy chca sie chwolic jake gyszynki nasi kamraci dostali fto inny to za mie zrobi. Pszijechol tysz Bruno a zrobil nom pieronsko niyspodzianka bo tradycyjnie psziwioz upiecone misie ale z ciasta no i kozdymu dol gryfno ksionszka. Bruno dziynkujymy ci za to, zrobiles nom srogo niyspodzianka. Zostawili my tego grila na placu i poszli my do swietlicy. No a tam zjawil udekorowany berkmon z kilofkym i sie chwolil pieron. Chciol zrobic aukcjo tych medali, bo byl lobwieszony nimi jak ruski general ale chyntnych niy bylo. I tak pomalusku pszi spiwaniu i dobrym zarelku docekali my sie chwili kedy tsza bylo is spac bo w sobota, w sobota cekaly nos niyspodzianki ale to bydzie naszkryflane jak byda pisol lo sobocie.  Teroski cekom na naszych kamratow kedy zacnom do tego mojego sprawozdania ciepac fotki. Nojwiynksze nioyspodzianki to zrobili Jorgus z Kristom i Ewald z Zofijom. Ewald z lazarytu pitnyl coby na tyn TREF pszijechac. Colko noc jechol i w sobota rano sie zjawil. TO JES COS !!!! No i psziszla sobota drugi dziyn naszego TREFU. Rano pszijechol nasz kamrat Ewald ze slubnom. Cieszyli my sie bo ledwo co wyloz z lazarytu to gipko do nos pszijechol. Po sniodaniu wszyscy pojechali my na gruba srybra. Jedyn ino stchorzyl i niy pojechol na dol a takigo udowol srogigo gornika. Nawet byscie niy zgodli fto to byl. To jo sie som bez bicia psziznom ze to jo byl. Niy wiym cy inni mieli cykora ale moja wnucka mi pedziala dziadek mom stracha. Pojechali na dol. Co widzieli i wiela fotek zrobili to inni lopiszom. Po zwiydzaniu gruby wartko nazot na lobiot, trocha szpacyru a potym zawody. Nojpiyrw szczylanie z luftbiksy. Ewald zostol doradcom i kozdymu pomogol jak nojlepi wycylowac. Ale i to niy pomoglo bo PyjterW wszyskich zakasowol. Walka byla zazarto bo nagrody cekaly i to jake to sami lobocycie jak zacnom sie chwolic zwyciynscy. Wystarczy ze powiym ze jednom z nagrod bylo kolo dojazdowe  do auta. No moze niy do auta ale zawsze dojazdowe. Po kozdym konkursie byly losowane nagrody coby bylo sprawiedliwie. Potym konkurs w ciepaniu do tarczy lotkami. Walka zazarto fto wygrol i jako nagroda wygrol som sie pochwoli. Potym ciepanie balym do kosza. No i lostatnio konkuryncjo lotanie z jajkym na lyzce, walka zazarto z 10 jajec ino jedno sie uratowalo a radosc byla srogo. Coby kozdy mog sie pochwolic ze brol udzial w zawodach wrynczane byly dlo zwyciynscow tysz dyplomy. Byly tysz nagrody dlo tych co mieli pecha ze niy stanyli na pudle. Potym zas wjechol wiepszek, wuszty, miska z tustym, chlyb z piekarni co ino palce lizac no i Ewald psziwioz dwie kszinki piwa coby tyn wiepszek plywol. Ciymno sie robilo no to my sie pszeniysli do swietlicy kaj pszi spiywie i paradzie mundorowych z medalami zajodali my niy ino wuszty. Bruno zas nos lodwiedzil i bylo piyknie i wesolo. Jak jes piyknie to cas wartko leci i nom tysz pszeleciol. Poszli my spac coby rano pojechac do Bruna na misialiada. Bawili my sie dobrze i jusz plany snuli kaj sie na drugi rok trefiymy. Pozdrowiom Szpaniol- Dziynki Jorgusiowi wiymy jusz dokladnie jak tysz na tym naszym TREFie bylo. Mom tysz trocha fotek to tysz posla. Na piyrszy logyn dwa kamraty. Ewald i Jorgus. A jacy lusmiychniynci. -------------------- Jadymy dali z fotkami z naszego TREFu ---------- ---------- Zifija z ciekawosciom sloski spiywnik gryfnymi kartami uzupelniony loglondala. ---------- A dyskusjo tfala colki cos. ---------- Pszi kominku by berali i casym gupio wyglondali, niyftorzy. ---------- Potym na gruba pojechali coby lobejrzec jak tysz chajery fedrowaly. ---------- ---------- ---------- Pyjter jak lobocyl skarbnika to zacon podobno pichac. Moze na fotkach tego niy widac ale fto wiy jak bylo. ---------- --------------------